https://sputnik-abkhazia.info/20220227/aei-shachei-rybzhara-ashakhmat-azy-aiyzarat-eitslabra-ialageit-1037808182.html

Аҟәеи Шәачеи рыбжьара ашахмат азы аиҩызаратә еицлабра иалагеит

Аҟәеи Шәачеи рыбжьара ашахмат азы аиҩызаратә еицлабра иалагеит

Sputnik Аҧсны

Аиааира зго иранашьахоит ахраҿақәеи, амедалқәеи, аҳаҭыртә шәҟәқәеи, иара убас аԥаратә ҳамҭақәеи. Аицлабра амҩаԥгараз ахарџьқәа зегьы Аԥсны ашахмат азы... 27.02.2022, Sputnik Аҧсны

2022-02-27T08:30+0300

2022-02-27T08:30+0300

2022-02-27T08:30+0300

аԥсны

ажәабжьқәа

аспорт

https://cdnn1.img.sputnik-abkhazia.info/img/07e6/02/1a/1037800747_0:162:3067:1887_1920x0_80_0_0_df379578c853137236021a4a70b7aa3b.jpg

АҞӘА, жәабран 27 - Sputnik. Шәачеи Аҟәеи ркомандақәа рыбжьара ашахмат азы аҭакҟаҵаратә аҩызаратә еицлабрақәа ирылагеит асабша жәабран 26 Аԥсны аҳҭнықалақь аҟны.Аицлабрақәа мҩаԥгахоит ҩ-турнирк рыла, раԥхьатәи амш азы имҩаԥысит ирццакны ашахмат асра- рапид, аҩбатәи ахәмарратә амш жәабран 27 азы имҩаԥысуеит иаҳа ирццакны ахәмарра - аблиц.Акомандақәа фҩык-фҩык ахәмарҩцәа рыла ишьақәгылоуп, Аԥснытәи акоманда иалахәуп: Тристан Кәарацхелиа, Нестор Багаҭелиа, Богдан Турков, Данил Ҳалбад, Борис Наҟәаԥиа Константин Ҭыжәба. Шәачатәи акоманда шьақәгылоуп: Лучезар Коваленко, Мариель Ковлаленко, Павел Коваленко, Алексеи Бычков, Аннеи Данили Литвиноваа.Аицлабра мҩаԥысуеит Краснодартәи атәылаҿацә ашахмат азы Афедерациа аиҳабы Евгени Бондоренкои, Шәача ақалақь ашахмат азы Афедерациа аиҳабы Руслан Незамиатини, Аԥсны ашахмат азы Афедерациа аиҳабы Константин Ҭыжәбеи раԥшьгарала. Аицлабрақәа рыҟны аӡбаҩ хадас дыҟоуп Гәдоуҭантәи Альберт Карапетиан. Аԥсны ашахмат азы Афедерациа излаанацҳауа ала, аицлабра иалахәу асасцәа рзы иаԥҵоуп аҭагылазаашьа бзиақәа, дара ҩноуп асасааирҭа "Риҵа". Иара убасгьы иазгәаҭоуп, урыстәылатәи ашахматасыҩцәа Аҟәа ақалақь аҭыԥ ԥшӡарҭақәа дырбара.

https://sputnik-abkhazia.info/20220124/1037268342.html

2022

Ажәабжьқәа

ab_AB

ажәабжьқәа, аспорт