https://sputnik-abkhazia.info/20220321/eiau-aysha-aiurazy-inal-gablia-moskvati-aiylaraa-eikhishaleit-1038237089.html
Еиҳау аԥышәа аиуразы: Инал Габлиа москватәи аиԥыларақәа еихишьалеит
Еиҳау аԥышәа аиуразы: Инал Габлиа москватәи аиԥыларақәа еихишьалеит
Sputnik Аҧсны
Аԥсны аҵареи абызшәатә политикеи рминистр Инал Габлиеи Аԥснытәи аделегациеи Москва излахәыз русуратә ныҟәарақәа реихшьала апресс-конференциа мҩаԥысит Аҟәа... 21.03.2022, Sputnik Аҧсны
2022-03-21T20:02+0300
2022-03-21T20:02+0300
2022-03-21T20:51+0300
ажәабжьқәа
аԥсны
ауаажәларра
https://cdnn1.img.sputnik-abkhazia.info/img/07e6/03/15/1038236404_0:120:1280:840_1920x0_80_0_0_1950dd06b3cbb677caf0b0aa5180491a.jpg
АҞӘА, хәажәкыра 21 – Sputnik, Наала Гәымԥҳа. Аԥсны аҵареи абызшәатә политикеи рминистр Инал Габлиа зхадараҿы дыҟаз аделегациа Москва ақалақь имҩаԥысуаз I Урыстәылазегьтәи афорум "Урыстәылазегьтәи арҵаҩцәа рҵараҵара" ралахәра алҵшәақәеи ԥхьаҟатәи ршьаҿақәеи ртәы дазааҭгылеит хәажәкырамза 21 рзы Аҟәа имҩаԥгаз апресс-конференциаҟны.Аконференциа иалахәын Аԥсны аҵареи абызшәатә политикеи рминистр Инал Габлиа, аминистр актәи ихаҭыԥуаҩ Ада Кәарҷелиаԥҳа, Очамчыра араион аҵара-аҟәша аиҳабы Ҭемыр Гындиа, Гәылрыԥшь араион аҵара-аҟәша аиҳабы Дмитри Габлиа.Аҵакы змоу аиԥыларақәаИнал Габлиа аусуратә ныҟәара дазааҭгыло, иазгәеиҭеит, ҩымш имҩаԥысуаз аиԥыларақәа ирыбзоураны алҵшәа бзиақәа шаарԥшыз, уи ԥхьаҟатәи Аԥсни Урыстәылеи ҳҵарадырра аимадара акыр ишацхраауа атәы наҵшьны иазгәеиҭеит.Аминистр далацәажәеит русуратә ныҟәара аамҭа иалагӡаны изҭааз аҵараиурҭақәа рыӡбахә, иара иазгәеиҭеит уи аамҭа рхы иархәаны ихадоу аиҿцәажәарақәа рымҩаԥгара шрылшаз атәы."Раԥхьа ҳаҭааит Урыстәылатәи Аҵарадырра академиа, убас аҭҵаарадырра-педагогикатә библиотека. Абиблиотекаҟны иаҳдырбеит уаҟа иҭыжьыз ҳаԥсуа шәҟәқәа, насгьы жәалагаланы ирҳәеит урҭ ашәҟәқәа ҳхы иаҳархәартә еиԥш алшара шҳамоу", - ҳәа иҳәеит Габлиа.Аҿиаратә план анапаҵаҩраАԥснытәи аделегациа русуратә ныҟәара иацҵо, иаҭааит Урыстәылатәи Аҵарадырра академиа, уаҟа ирԥылеит Академиа ахада Ольга Василиевеи ахада ихаҭыԥуаҩ Геннади Онишьенкои. Академиа анапхгареи дареи ирылацәажәеит аԥхьаҟатәи русеицура ашьаҿақәа.Аиқәшәарақәа ирылҵшәаны Аԥсны Аҵара аминистрреи Урыстәыла Аҵара академиеи аҿиаратә план рнапы аҵарҩит."Иҭабуп ҳәа расҳәарц сҭахуп Урыстәыла аҵара академиа анапхгара зегьы. Раԥхьа днаргыланы Ольга Васильева, ҳидеиақәа дахьырхаҵгыло азы, убас ҳҵаратә система ԥхьаҟатәи аизырҳараҟны иҳавагылоу Геннади Онишьенкеи", - ҳәа иҳәеит Габлиа.Анаҩс иаҭааит Сеченов ихьӡ зху "Медицинский Сеченовский Предуниверсарий" захьӡу амедицинатә школ."Иҳаман алшара уадацыԥхьаӡа ҳаҩнысны аурокқәа шымҩаԥысуа рбара. Еиуеиԥшым амедицинатә мыругақәа ҳдырбеит, агәыӷра ҳарҭеит иреиӷьу амыругақәа Аԥсныҟа ишаҳзаарҭиуа", - ҳәа иҳәеит афорум иалахәыз Очамчыра араион аҵара аҟәша аиҳабы Ҭемыр Гындиа.Амедицинатә класс аартраАминистр далацәажәеит Аҟәа иаартхо амедицинатә класс атәгьы. Иара иазгәеиҭеит уи аҩыза алшара ҳарҵаратә процесс акыр ишацхраауа атәы. Аминистр актәи ихаҭыԥуаҩ Ада Кәарҷелиаԥҳа илҳәеит ас еиԥш иҟоу акласс аартра аҭҵаарадырра арҿыцразы ихадоу шьаҿаны ишыҟоу атәы."Ҳҵарадырра арҿыцразы амедицинатә класс аартра - ари раԥхьаӡатәи ашьаҿақәа ируакуп. Ас еиԥш иҟоу апроектқәа аџьабааи аҭахԥхықәра дуи рыцуп. Атеориа анаҩсангьы иаҭахуп апрактика. Сгәы иаанагоит, раԥхьатәи ҳагәҭакы ҳақәманшәалахап ҳәа", - лҳәеит Кәарҷелиаԥҳа.Апресс-конференциа хыркәшо, аҵареи абызшәатә политикеи рминистр Инал Габлиа иҳәеит ԥхьаҟатәи реиԥыларақәа шазԥхьагәаҭоу мшаԥымзазы.I Урыстәылазегьтәи афорум "Урыстәылазегьтәи арҵаҩцәа рҵараҵара" мҩаԥысуан 2022 шықәса хәажәкыра 17 - 18 рзы Урыстәыла Аҵарадырра академиаҿы.
https://sputnik-abkhazia.info/20220318/asny-aara-aministrrei-urystyla-aara-akademiei-aiarat-plan-rnapy-aarit-1038176433.html
https://sputnik-abkhazia.info/20211230/aaradyrra-amala-inal-gablia-moskvei-minski-imagaz-aiylaraa-reikhshaala-aieit-1036986294.html
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, ауаажәларра
Еиҳау аԥышәа аиуразы: Инал Габлиа москватәи аиԥыларақәа еихишьалеит
20:02 21.03.2022 (ирҿыцуп: 20:51 21.03.2022) Аԥсны аҵареи абызшәатә политикеи рминистр Инал Габлиеи Аԥснытәи аделегациеи Москва излахәыз русуратә ныҟәарақәа реихшьала апресс-конференциа мҩаԥысит Аҟәа, хәажәкырамза 21 рзы
АҞӘА, хәажәкыра 21 – Sputnik, Наала Гәымԥҳа. Аԥсны аҵареи абызшәатә политикеи рминистр Инал Габлиа зхадараҿы дыҟаз аделегациа Москва ақалақь имҩаԥысуаз I Урыстәылазегьтәи афорум "Урыстәылазегьтәи арҵаҩцәа рҵараҵара" ралахәра алҵшәақәеи ԥхьаҟатәи ршьаҿақәеи ртәы дазааҭгылеит хәажәкырамза 21 рзы Аҟәа имҩаԥгаз апресс-конференциаҟны.
Аконференциа иалахәын Аԥсны аҵареи абызшәатә политикеи рминистр Инал Габлиа, аминистр актәи ихаҭыԥуаҩ Ада Кәарҷелиаԥҳа, Очамчыра араион аҵара-аҟәша аиҳабы Ҭемыр Гындиа, Гәылрыԥшь араион аҵара-аҟәша аиҳабы Дмитри Габлиа.
Инал Габлиа аусуратә ныҟәара дазааҭгыло, иазгәеиҭеит, ҩымш имҩаԥысуаз аиԥыларақәа ирыбзоураны алҵшәа бзиақәа шаарԥшыз, уи ԥхьаҟатәи Аԥсни Урыстәылеи ҳҵарадырра аимадара акыр ишацхраауа атәы наҵшьны иазгәеиҭеит.
"Ҩымш иалагӡаны ҳазлахәыз актәи Урыстәылатәи афорум агәахәара ду ҳнаҭеит. Ари аамҭа иалагӡаны еиуеиԥшым азҵаарақәа ҳрылацәажәеит: рырҵаратә ситемаҟны ирызцәырҵуа ауадаҩрақәа, урҭ рырҽеиразы иаларгало аидеиа ҿыцқәа ртәы иазааҭгылеит. Ҳрабадырит академикцәа, аспециалистцәа, аекспертцәа. Ас еиԥш иҟоу аиԥыларақәа, хымԥада, илҵшәа бзиоуп ԥхьаҟатәи ҳҵарадырра аизырҳараҟны", - ҳәа иҳәеит Инал Габлиа.
Аминистр далацәажәеит русуратә ныҟәара аамҭа иалагӡаны изҭааз аҵараиурҭақәа рыӡбахә, иара иазгәеиҭеит уи аамҭа рхы иархәаны ихадоу аиҿцәажәарақәа рымҩаԥгара шрылшаз атәы.
"Раԥхьа ҳаҭааит Урыстәылатәи Аҵарадырра академиа, убас аҭҵаарадырра-педагогикатә библиотека. Абиблиотекаҟны иаҳдырбеит уаҟа иҭыжьыз ҳаԥсуа шәҟәқәа, насгьы жәалагаланы ирҳәеит урҭ ашәҟәқәа ҳхы иаҳархәартә еиԥш алшара шҳамоу", - ҳәа иҳәеит Габлиа.
Аԥснытәи аделегациа русуратә ныҟәара иацҵо, иаҭааит Урыстәылатәи Аҵарадырра академиа, уаҟа ирԥылеит Академиа ахада Ольга Василиевеи ахада ихаҭыԥуаҩ Геннади Онишьенкои. Академиа анапхгареи дареи ирылацәажәеит аԥхьаҟатәи русеицура ашьаҿақәа.
Аиқәшәарақәа ирылҵшәаны Аԥсны Аҵара аминистрреи Урыстәыла Аҵара академиеи аҿиаратә план рнапы аҵарҩит.
"Иҭабуп ҳәа расҳәарц сҭахуп Урыстәыла аҵара академиа анапхгара зегьы. Раԥхьа днаргыланы Ольга Васильева, ҳидеиақәа дахьырхаҵгыло азы, убас ҳҵаратә система ԥхьаҟатәи аизырҳараҟны иҳавагылоу Геннади Онишьенкеи", - ҳәа иҳәеит Габлиа.
Анаҩс иаҭааит Сеченов ихьӡ зху "Медицинский Сеченовский Предуниверсарий" захьӡу амедицинатә школ.
"Иҳаман алшара уадацыԥхьаӡа ҳаҩнысны аурокқәа шымҩаԥысуа рбара. Еиуеиԥшым амедицинатә мыругақәа ҳдырбеит, агәыӷра ҳарҭеит иреиӷьу амыругақәа Аԥсныҟа ишаҳзаарҭиуа", - ҳәа иҳәеит афорум иалахәыз Очамчыра араион аҵара аҟәша аиҳабы Ҭемыр Гындиа.
Аминистр далацәажәеит Аҟәа иаартхо амедицинатә класс атәгьы. Иара иазгәеиҭеит уи аҩыза алшара ҳарҵаратә процесс акыр ишацхраауа атәы.
"Москва имҩаԥысуаз ҳаиԥыларақәа руак аҟны ҳазааҭгылеит Аҟәа амедицинатә класс аартра азҵаара. Ишдыру еиԥш, Аԥсны ирацәоуп аҿар амедицина азанааҭ алзхуа, акласс аартра акыр иарманшәалоит ҳәа сахәаԥшуеит. Ҳәарада, уи ахарџь ду аҭаххоит, аха сгәы иаанагоит, Аԥсны ахадара адгылара ҳарҭап ҳәа", - азгәеиҭеит Инал Габлиа.
Аминистр актәи ихаҭыԥуаҩ Ада Кәарҷелиаԥҳа илҳәеит ас еиԥш иҟоу акласс аартра аҭҵаарадырра арҿыцразы ихадоу шьаҿаны ишыҟоу атәы.
"Ҳҵарадырра арҿыцразы амедицинатә класс аартра - ари раԥхьаӡатәи ашьаҿақәа ируакуп. Ас еиԥш иҟоу апроектқәа аџьабааи аҭахԥхықәра дуи рыцуп. Атеориа анаҩсангьы иаҭахуп апрактика. Сгәы иаанагоит, раԥхьатәи ҳагәҭакы ҳақәманшәалахап ҳәа", - лҳәеит Кәарҷелиаԥҳа.
Апресс-конференциа хыркәшо, аҵареи абызшәатә политикеи рминистр Инал Габлиа иҳәеит ԥхьаҟатәи реиԥыларақәа шазԥхьагәаҭоу мшаԥымзазы.
I Урыстәылазегьтәи афорум "Урыстәылазегьтәи арҵаҩцәа рҵараҵара" мҩаԥысуан 2022 шықәса хәажәкыра 17 - 18 рзы Урыстәыла Аҵарадырра академиаҿы.
