https://sputnik-abkhazia.info/20220325/aiakra-ytsa-alagalany-aitslabra-aar-rybzhy-shymaysyz-1038291437.html

Аиҭакра ҿыцқәа алагаланы: аицлабра "Аҿар рыбжьы" шымҩаԥысыз

Аиҭакра ҿыцқәа алагаланы: аицлабра "Аҿар рыбжьы" шымҩаԥысыз

Sputnik Аҧсны

XXI аестрадашәаҳәаҩцәа Рреспубликатә еицлабра "Аҿар рыбжьы" аҩбатәи ахәҭа Аԥснытәи аҳәынҭқарратә филармониаҟны имҩаԥысит. 25.03.2022, Sputnik Аҧсны

2022-03-25T12:30+0300

2022-03-25T12:30+0300

2022-03-25T12:35+0300

аԥсны

акультура

ажәабжьқәа

https://cdnn1.img.sputnik-abkhazia.info/img/07e6/03/18/1038285698_0:160:3072:1888_1920x0_80_0_0_93608c3f4911985b066470ff69632874.jpg

Ражден Гәымба ихьӡ зху Аԥснытәи аҳәынҭқарратә филармониаҟны Аԥсны Жәлар рырҿиара ацентр еиҿнакааз аестрада шәаҳәаҩцәа Рреспубликатә еицлабра "Аҿар рыбжьы" иалкаау аконцерт актәи ахәҭа мҩаԥган хәажәкыра 23, аҩбатәи – хәажәкыра 24 рзы.Аконцерт ахықәки аԥҟарақәеиАконцерт аиҿкааҩ Нури Кәарҷиа иажәақәа рыла, ҩымш ирылагӡаны шьыбжьаанӡа афилармониаҟны ишымҩаԥысуаз ақәыԥшцәа реицлабра. Аԥхьатәи амш азыҳәаны еицлабуан аиҵбыратә гәыԥқәа, аҩбатәи - аиҳабыратә гәыԥқәа. Аконкурс аҟны ихымԥадатәиу ԥҟаран аԥсыуашәак анагӡара, анаҩс доусы ихатә гьамала иалихуа.Нури Кәарҷиа инаҵшьны иазгәеиҭеит, "Аҿар рыбжьы" хықәкыс ишамоу аԥсуа ашәа амырӡра, уи абжьы хаа еснагь асцена иқәыҩларц аҟаҵара, аҿар аԥсуа естрада агәыбылра дыркра. "Ҳара аҿар ашәаҳәара дҳарҵаӡом, ҳара урҭ ирылоу аҟыбаҩ алԥшааны, адгылара рыҭара ауп хықәкыс иҳамоу. Аԥсуа ашәа еснагь иҟазароуп, ажәеи ашәеи еимадоуп, иаҳҭахуп наӡаӡа иқәыҩларц ҳаԥсадгьыл Аԥсны аԥсуа иашәа, ибжьыхаа", - иҳәеит Кәарҷиа.Аконцерт алагаанӡа, алахәылаҩцәа гәыԥ-гәыԥла рыҽшаны игылан, иубон ргәы шыхыҭ-хыҭуаз: аӡәы асцена дықәгылоушәа лгәы иарбаны гәаныла дшәаҳәон, анацәа рхәыҷқәа асценахь рцәырҵра иазыҟарҵон, иҭырхуан афотосахьақәа, ажәакала аныҳәатә гәалаҟазаара зегьы ирныԥшуан.Аицлабра "Аҿар рыбжьы" хә-гәыԥкны ишан. Аконцерт актәи амш азыҳәаны иқәгылеит ҩ-гәыԥк: 6-8, 9-10 шықәса зхыҵуа ақәратә категориа иаҵанакуаз ахәыҷқәа. Аҩбатәи амш аан иқәгылеит абжьаратәи агәыԥқәа ҩба: 11-13 шықәса зхыҵуа, 14 – 16 шықәса зхыҵуа. Иара убас раԥхьаӡа акәны аицлабра рхы аладырхәит 20 шықәса ирҭысхьоу аиҳабыратә гәыԥ.Алахәылацәа рцәаныррақәаАконкурс "Аҿар рыбжьы" раԥхьаӡакәны ихы алаирхәит Ҟарачы-Черқьесиатәи Ареспубликаҟынтә иааиз, абаза шәаҳәаҩы Гәырам Шереметов. Инаигӡеит ашәа "Азыԥшра". Асас иқәгылара даара аемоциа ҵаула аҵан, ахәаԥшцәа рнапеинҟьабжьқәа еихсыӷьуамызт.Шереметов иқәгылара ашьҭахь, ицәаныррақәа ртәы ҳацеиҩшо, иазгәеиҭеит, аԥсуа хәаԥшцәа рыдкылашьа даара гәахәарыла ишидикыло, насгьы лассы-лассы Аԥсны даҭаалар шиҭаху атәы."Аиашазыҳәаны, ҳаиашьаратә жәлар арыцшәаҳәара даараӡа акраҵанакуеит сара сзыҳәаны. Ас еиԥш аицлабра аҽалархәра атәы ансыдыргала гәахәарыла исыдыскылеит. Ааигәа имҩаԥысуаз афестиваль "Аԥхьарца" салахәын, аха естрада шәаҳәаҩык иаҳасабала раԥхьаӡакәны аԥсуа сцена сазцәырҵит иахьа. Наунагӡа адунеи иқәыҩлааит аԥсуа ашәеи абаза ашәеи", - иҳәеит иара.Аконцерт иаҭааз ахәаԥшцәа амузыка лахҿых иацшәаҳәон, еинырҟьон рнапқәа, иуныруан аныҳәатә гәалаҟазаара.Илана Ԥачлиаԥҳа иналыгӡеит ашәа "Риҵа", уи длывашьқьраа дкәашон ԥсыуамаҭәала еилаҳәаз арԥыс. Ахәаԥшцәа еицырдыруа ашәа иацырҳәон, иҭырхуан афотосахьа. Илана лзыҳәаны асцена шьҭа иҿыцым.Аконкурс аиҭакра аԥҟара ҿыцқәа инарықәыршәаны, раԥхьаӡакәны "Аҿар рыбжьы" лхы алалырхәит 20 шықәса ирҭысхьоу аиҳабыратә гәыԥ иаҵанакуа ашәаҳәаҩ Остапенко Елена. Лара лажәақәа рыла, ас еиԥш алшара ахьлоуз даара деигәырӷьеит, акраамҭа илҭахын "Аҿар рыбжьы" далахәхарц, аха иҟаз ақәратә категориа аԥҟарақәа инарықәыршәаны ус еиԥш алшара лымамызт."Ашәаҳәарахь исымоу абзиабара исыднаҵеит асценахь ацәырҵра, аконкурс аҽалархәра. Сгәаҳәара ицеиҩысшеит Нури Еремеи-иԥа, мап ҳцәиимкӡеит аиҳабыратә гәыԥ иаҵанакуа ақәратә категориа, даараӡа сизгәдууп ас еиԥш алшара ахьҳиҭаз. Аиааира зынӡа сазыԥшӡам, асценахь сахьцәырҵуа ахаҭа иааира дук иадысҳәалоит", - лҳәеит Елена."Аҿар рыбжьы" алкаақәаАконцерт ихадоу ахәҭа хыркәшо, аӡбаҩцәа иҟарҵаз алкаа рылаҳәаразы асценахь дааԥхьан Аԥсны Жәлар рартист, аиҿкааҩ Нури Кәарҷиа."Аестрадатә конкурс "Аҿар рыбжьы" Аԥсны инеиԥынкыланы имҩаԥысуеижьҭеи абар иҵуеит 21 шықәса.Ҵыԥх уажәааны имҩаԥаагеит аиубилеитә концерт. Хықәкыс иамоу: аҿар жәлар рашәа адагьы, аестрадатә ашәа анагӡара зҭаху, зхы ԥызшәарц зҭаху зегьы алшара рыҭара ауп", - иҳәеит иара.Аконкурс иалахәыз зегьы алкаан хьыӡҳәала, иранашьан аҳаҭыртә бӷьыцқәеи амедалқәеи.XXI аестрадашәаҳәаҩцәа Рреспубликатә еицлабра "Аҿар рыбжьы" рхы аладырхәит Аԥсны ахы-аҵыхәа аҟынтәи 56-ҩык рҟынӡа аҿар. Аицлабра хықәкыс иамоуп аԥсуа ашәақәа реиқәырхара, аԥсуа естрадашәа амырӡра.

https://sputnik-abkhazia.info/20220323/-aa-imaysit-aitslabra-aar-rybzhy--1038271990.html

https://sputnik-abkhazia.info/20190321/Karia-Aar-rybzhy-tylay-aazara-aiarazy-itskhyraagoup--1026914900.html

2022

Ажәабжьқәа

ab_AB

акультура, ажәабжьқәа