Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аиҳабыра абиуџьет аусзуҩцәа рулафахәы ашьҭыхразы ақәҵара рыдыркылеит

© SputnikЗаседание Кабмина Абхазии
Заседание Кабмина Абхазии - Sputnik Аҧсны, 1920, 30.06.2022
Анапаҵаҩра
Yandex newsTelegram
Аԥсны аиҳабыра реилатәара мҩаԥысит рашәара 30 азы.
АҞӘА, рашәара 30 - Sputnik, Бадраҟ Аҩӡба. Аԥсны аминистрцәа реилазаара агәабзиарахьчара, аҵарадырра, аҭҵаарадырра, аспорт, акультура, асоциалтә маҵзура аусзуҩцәа 2022 шықәсазы рулафахәы ашьҭыхразы ақәҵара рыдыркылеит.
"Аиҳабыра изаамҭанытәиу рықәҵара ишьақәнаргылоит 2022 шықәсазы зынагӡара хымԥадатәиу иреиҳау ахәԥсатә ҩаӡарақәа. Ари азы аԥарақәа ыҟоуп", - иҳәеит аԥыза-министр ихаҭыԥуаҩ, афинансқәа рминистр Владимир Делба.
Адокумент инақәыршәаны арҵаҩцәа рулафахәы 25 186 мааҭ инаӡароуп, ахәыҷбаҳчақәа рааӡаҩцәа - 20 900 мааҭ, ашколқәранӡатәи арҵаҩцәа - 22 000 мааҭ, алагарҭатә ҵареи абжьаратә занааҭҵарҭеи рырҵаҩцәа - 22 900 мааҭ.
Иреиҳау аҵараиурҭақәа рырҵаҩцәа - 34 900 мааҭ, аҭҵаарадырратә усзуҩцәа - 30 000 мааҭ, аҳақьымцәа - 34 000 мааҭ, амедицина абжьаратә усзуҩцәа - 20 300 мааҭ, иеиҵоу амедперсонал - 20 500 мааҭ, акультура аусзуҩцәа рперсонал хада - 16 600 мааҭ, асоцусзуҩцәа -14 500 мааҭ.
Арҭ ахықәкқәа ирзыԥхьагәаҭоуп 1 миллиардки 600 нызқь мааҭ.
Ажәабжьқәа зегьы
0