АШәМ урыстәылатәи аҳаирпланқәа рымҵарсразы украинатәи аԥшыхәра аоперациа еиԥнарҟьеит

© Foto / ЦОС ФСБ РФ / Афотобанк ахь аиасраФСБ предотвратила теракт в Крыму
ФСБ предотвратила теракт в Крыму - Sputnik Аҧсны, 1920, 25.07.2022
Анапаҵаҩра
Yandex newsTelegram
АШәМ урыстәылатәи аҳаирпланқәа рымҵарсразы Украина АА ААУ аоперациа еиԥнарҟьеит.
АҞӘА, ԥхынгәы 25 — Sputnik. Афедералтә шәарҭадаратә маҵзура адырра ҟанаҵеит Украина арратә ԥшыхәра урыстәылатәи аибашьыгатә ҳаирпланқәа рымҵарсразы аоперациа шеиԥнарҟьаз, абри атәы аанацҳауеит РИА Новости.

"Украина арратә ԥшыхәра аусзуҩцәа ртәыла аполитикатә напхгара рыхьӡала иқәгыло рҽазыршәеит урыстәылатәи аԥырҩцәа хырхырц. Дара Евроеидгыла иалырхуа тәылак атәылауаҩреи аԥаратә гәазыҟаҵара шроуеи рзы агәра ддыргон. Аҳаирпланқәа УАМ иатәу аҳаирбаӷәазақәа руак аҿы идыртәарц рыдыргалон", - аҳәоит адырраҭараҿы.

Урыстәылатәи азинмчратә усбарҭақәа ари аус иалахәу шьақәдыргылахьеит. Уи адагьы дара ироуит адыррақәа украинатәи арратә хыбрақәа ааха рыҭара алзыршоз.
Иара убасгьы АШәМ иркьыԥхьит аоперативтә видеоҭыхра акадрқәа, Украина АА ААУ аусзуҩ урыстәылатәи аԥырҩы ҭелла дахиҿцәажәо, аҳаирплан амҵарсразы аԥара ахьидигало.
"Ҳара иаҳхықәку аҳаирплан ауп. Уи шәаргьы ибзианы еилышәкаауеит. Ахәԥса ашәара ҳазыхиоуп. Иреиҳаӡоу Рада асаит аҿы ари аҩыза аусқәа рзы официалла миллионк (долларла—аред.) ашәара ҳшазыхио. Иҟалоит аҽа миллионкгьы ацаҳҵар. Ҳаилацәажәап", - иҳәоит украинатәи ахаҿы.
Урыстәылатәи аԥырҩы аванс ҳасабла 4 000 доллар ииҭараны дыҟан акуриер, уи дааныркылеит. Киев ирыгәҭакын Су-24, Су-34 ма Ту-22МЗ амҵарсра.
Встреча глав МИД РФ и Армении С. Лаврова и А. Мирзояна - Sputnik Аҧсны, 1920, 29.06.2022
Урыстәыла Донбасс имҩаԥнаго арратә операциа ҷыда
Лавров Украина аганахьала аӡбарақәа ЕАА аҳәынҭдепартамент ауп издызкыло иҳәеит
Уи адагьы украинатәи аԥшыхәратә усбарҭа аԥырҩцәа рыҳәсақәа ЕЕ атәылақәа руак ахь риагара иақәшаҳаҭын. Урҭ уа атәылауаҩра шроуа агәра ддыргон.
"Урыстәылатәи аԥрыҩцәа рҭаацәа Урыстәыла ишаалҵлак урҭ Украина ААУ анапаҿы иҟалон. Аршәареи ашантажи рметодқәа украинатәи амаҵзура ҷыдақәа ирзыҟазшьоуп. Иарбанызаалак моралтә ҽынкыларак рымам" ҳәа иҳәеит Урыстәыла АШәМ аусзуҩ ателеканал "Россия 24" аефир аҿы.
Киев ишазыԥхьагәанаҭоз ала аԥырҩы ишьҭыԥраара аҿаԥхьа аҳаирпланныҟәцаҩ клофелин ииҭар акәын, ахәшә 30-40 минуҭ рышьҭахь ахы цәырнагарц. Анаҩс украинатәи аҳаиртә мчрақәа аҳаирплан Украина аҵакыраҿ мчыла идыртәазшәа иеиҿыркаарц.
АШәМ аусзуҩ иазгәеиҭеит аоперациа британиатәи амаҵзура ҷыдақәа алахәны ишымҩаԥысуаз.
В Москве отменен режим самоизоляции  - Sputnik Аҧсны, 1920, 08.07.2021
Кремль аҳәамҭа ҟанаҵеит Урыстәыла аҳәаақәа еиларгацыԥхьаӡа иахәҭоу аҭак шыҟанаҵало
Ажәабжьқәа зегьы
0