Урыстәыла рҳаирбаӷәазақәа рахь аԥырразы иаларгалаз аԥкрақәа рыҿҳәара иацҵоуп

© Sputnik / Нина Зотина / Амедиаҵәахырҭахь аиасраМеждународный аэропорт "Сочи" в Адлере
Международный аэропорт Сочи в Адлере - Sputnik Аҧсны, 1920, 28.07.2022
Анапаҵаҩра
Авиаеилахәырақәа ирабжьагоуп Шәача, Аминерал ӡқәа, Волгоград, Ставрополь, Москва рҟны аҳаирбаӷәазақәа ахархәара рыҭалазарц.
АҞӘА, ԥхынгәы 28 – Sputnik. Урыстәыла агәҭеи аладатәи ақалақьқәеи рахь аԥырразы иалагалаз аԥкрақәа рыҿҳәара иацҵоуп нанҳәа 5 рҟынӡа, абри атәы аанацҳауеит Росавиациа Telegram-канал аҿы.

"Урыстәыла аҳаирбаӷәазақәа 11 рҟны иалагалоу аамҭалатәи аԥкрақәа ирыцҵоуп нанҳәа 5 асааҭ 03:45 рҟынӡа", - аҳәоит адырраҭараҿы.

Зусура ԥку аҳаирбаӷәазақәа ирыҵанакуеит Анапа, Белгород, Брианск, Воронеж, Геленџьықь, Краснодар, Курск, Липецк, Ростов-на-Дону, Симферополь, Елиста. Егьырҭ аҳаирбаӷәазақәа штаттә режимла аус руеит.
Жәабран 24 азы аҳаирбаӷәазақәа шәарҭоуп ҳәа ишьаны, Росавиациа Урыстәыла агәҭеи аладатәи ақалақьқәеи рахь аԥырразы аԥкрақәа аланагалеит. Уиижьҭеи изныкымкәа иаларгалаз аԥкрақәа рыҿҳәара иацырҵахьеит.
Ажәабжьқәа зегьы
0