Микрофон  - Sputnik Аҧсны, 1920
Арадио

Еныкь еиҭеиҳәеит Аҿар ртеатр асезон ҿыц азы ахәаԥшцәа ирыднагало атәы

Еныкь еиҭеиҳәеит Аҿар ртеатр асезон ҿыц азы ахәаԥшцәа ирыднагало атәы
Анапаҵаҩра
НовостиTelegram
Аԥсуа ҳәынҭқарратә Аҿар ртеатр аабатәи атеатртә сезон аанартует. Сынтәатәи асезон иацу аиҭакрақәеи, аҿыцрақәеи, ахәаԥшцәа ирзыԥшу арепертуари ртәы арадио Sputnik аефир аҟны еиҭеиҳәеит Аҿар ртеатр аиҳабы Аслан Еныкь.
Цәыббра 7 рзы Аԥсуа ҳәынҭқарратә Аҿар ртеатр аабатәи асезон аанартуеит сербиатәи адраматург Бранислав Нушич ипиеса "Лхацкы аминистр иԥҳәыс" ала. Ахәаԥшцәа хәыҷқәа рзы Аҿар ртеатр аус аднаулоит аԥсуа лакәқәа рҟынтәи иаагоу Есма Ҭодуаԥҳа лысценари ала аспектакль, уи ықәлыргылоит Ирма Гәылуаԥҳа, иҳәеит Аслан Еныкь.
Ԥхьаҟатәи рыгәҭакқәа дрылацәажәо, иара иазгәеиҭеит италиатәи адраматургцәа Скарниччии Тарабузи ркомедиа "Сара сзанааҭ – ауаажәлар ирылахәу асениор" ақәыргылара, убасгьы Нхыҵ Кавказынтә арежиссиор дааԥхьаны ақәыргыламҭа ҿыц аздырхиарц.
Аицәажәара шәаҳар шәылшоит аудиофаил аҟны хыхь.
Ажәабжьқәа зегьы
0