Урыстәылаа рзы ирмариоу авизатә режим аанкылоуп Украина имҩаԥысуа аоперациа ҷыда иахҟьаны

© AFP 2022 / KENZO TRIBOUILLARDЛюди идут перед флагом Евросоюза в районе штаб-квартиры ЕС в Брюсселе 23 сентября 2021 г.
Люди идут перед флагом Евросоюза в районе штаб-квартиры ЕС в Брюсселе 23 сентября 2021 г. - Sputnik Аҧсны, 1920, 10.09.2022
Анапаҵаҩра
НовостиTelegram
Урыстәылеи урыстәылааи рганахь ала европатәи атәылақәа асанкциақәа шаларгалац иаларгалоит.
АҞӘА, цәыббра 10 – Sputnik. Евроеидгыла Ахеилак аӡбамҭа шьақәнарӷәӷәеит еиҳа ирмариоу авизатә режим урыстәылаа рзы иаанкылазарц. Абри атәы аанацҳауеит РИА Новости Евроеидгыла Ахеилак аҳәамҭа шьаҭас иҟаҵаны.
Аӡбамҭа амчра аиуеит цәыббра 12 инаркны. Анаҩс Урыстәыла атәылауаа рзы азеиԥш ԥҟарақәа ахархәара роулоит – азыҳәа ахәаԥшра аҿҳәара иацлоит, иаҭаххоит адокумент цҵақәа, авизатә еизга 35 евро аҟынтә ихалоит 80 евро рахь.
Урыстәылаа рзы иуадаҩхоит акраамҭатәии изныктәыми авизақәа роура, азин ҟаҵалахоит аныҟәара арыцхә иахьырԥшны мацара.
ЕЕ аҩнуҵҟатәи аусқәа рзы аеврокомиссар Илва Иоханссон аҳәамҭа ҟалҵеит Урыстәылантәи европатәи атәылақәа рахь аныҟәара азин шроуло атуристтә визақәа рыла ажурналистцәеи аҩнытә ҭагылазаашьала ма агуманитартә ҭагылазаашьала уахь хымԥада инеираны иҟоу атәылауааи.
Флаги Евросоюза перед зданием Еврокомиссии в Брюсселе - Sputnik Аҧсны, 1920, 07.09.2022
Еврокомиссиа ирмариоу авизатә режим аанкыларазы аӡбара азнархиеит
Урыстәыла ахада ипресс-маӡаныҟәгаҩ Дмитри Песков аҳәамҭа ҟаиҵеит урыстәылаа рзы авизатә ԥкрақәа ҟалар, Европа атәылауаагьы аҳәаа ахысраан ауадаҩрақәа ирықәшәоит ҳәа. Иара иажәақәа рыла, ари "ихшыҩдоу аурысцәымӷра" аанарԥшуеит.
Ажәабжьқәа зегьы
0