Актиор Сергеи Пускепалис дҭахеит

© Sputnik / Томас Тхайцук Встреча Сергея Пускепалиса со студентами в АГУ
Встреча Сергея Пускепалиса со студентами в АГУ - Sputnik Аҧсны, 1920, 20.09.2022
Анапаҵаҩра
Иарославтәи аобласт ААРР адыррақәа рыла автомҩа М8 "Холмогоры" 201-тәи акилометр аҿы автомашьынақәа "Форд транзити" аидарамҩангагеи еиҿасит.
АҞӘА, цәыббра 20 - Sputnik. Актиор Сергеи Пускепалис Иарославтәи аобласт аҿы амҩатә машәыр иахҟьаны дҭахеит ҳәа аанацҳауеит РИА Новости.
"Ааи, заанаҵтәи адыррақәа рыла дҭахеит", - иҳәеит амаҵзура зыҿцәажәоз ахаҿы. Иарославтәи аобласт ААРР, атеатр, арегион амчрақәа рҿы ари аинформациа ахҳәаа арҭом.
Азинхьчаратә усбарҭақәа рдыррақәа рыла, цәыббра 20 асааҭ 11:00 азы автомҩа М8 "Холмогоры" 201-тәи акилометр аҿы автомашьынақәа "Форд транзити" аидарамҩангагеи ааихеит. Иҭахеит ҩыџьа, аӡәы ахәшәтәырҭахь днагоуп.
Аҭыԥ аҿы аус руеит ААИ, АҶА рхаҭарнакцәа, аусҭҵаара-оперативтә гәыԥ. Иҟалаз амзызқәа шьақәдыргылоит.
Сергеи Пускепалис – асоветтә, урыстәылатә актиор. 2019 шықәса нанҳәамза аахыс Ф. Волков ихьӡ зху Иарославтәи адраматә театр асахьаркыратә напхгаҩыс дыҟан. Атеатр атруппа дрыцны 2022 шықәсазы Аԥсны дыҟан.
Актиор 56 шықәса ихыҵуан.
Ажәабжьқәа зегьы
0