https://sputnik-abkhazia.info/20221028/asny-afinansa-rministr-2023-shysazti-abiuet-alagalaei-anykhraei-drylatsazheit-1042304365.html
Аԥсны афинансқәа рминистр 2023 шықәсазтәи абиуџьет алагалақәеи аныхрақәеи дрылацәажәеит
Аԥсны афинансқәа рминистр 2023 шықәсазтәи абиуџьет алагалақәеи аныхрақәеи дрылацәажәеит
Sputnik Аҧсны
2023 шықәсазы Аԥсны аҳәынҭқарратә биуџьет алагалақәа 12,5 миллиард ыҟоуп, аныхрақәа 14,2 миллиард, адефицит – 1,7 миллиард. 28.10.2022, Sputnik Аҧсны
2022-10-28T18:04+0300
2022-10-28T18:04+0300
2022-10-28T18:04+0300
аԥсны
ажәабжьқәа
аекономика
владимир делба
https://cdnn1.img.sputnik-abkhazia.info/img/07e6/07/1b/1040536941_0:85:1620:996_1920x0_80_0_0_42a4d44a1499a17f37dedfd197644379.jpg
АҞӘА, жьҭаара 28 – Sputnik, Бадраҟ Аҩӡба. Аԥыза-министр ихаҭыԥуаҩ, афинансқәа рминистр Владимир Делба 2023 шықәсазтәи абиуџьет алагалақәеи аныхрақәеи рыхәҭаҷ хадақәа еиқәиԥхьаӡеит.Ашәарақәа реизҳара иаанарԥшуеит ареспублика ашәахтәқәеи аизгақәеи рминистрра аусура еиҳа хра шаиуз ҳәа иҳәеит Делба. Аминистр иажәақәа рыла, аныхрақәа ракәзар, аҭыԥантәи абиуџьетқәеи аҳәынҭқарратә биуџьетнҭыҵтә фондқәа рбиуџьетқәеи еишьашәалазарц азы урҭ рыцхырааразы инашьҭхоит 1,6 миллиард мааҭ."Иазгәасҭар сҭахуп, иҟоу азеиԥш хышәаҵышәа 1,7 миллиард мааҭ аҟынтәи 1,6 миллиард мааҭ аҵакырақәа рыцхыраара иазынашьҭхоит. Ари иаанаго ареспубликатә биуџьет аҵакырақәа дефицитны иаанымхарц азы ахахьы иагоит ари ахьанҭара", - иҳәеит Владимир Делба.Иара убасгьы иҳәеит 2023 шықәсазы Аԥсни Урыстәылеи рыбжьара афинанстә цхырааразы рнапы зҵарҩыз аиқәшаҳаҭрақәа инарықәыршәаны, аҳәынҭқарратә усбарҭақәа русзуҩцәа, асоциалтә усхк аусзуҩцәа, аҩнуҵҟатәи аусқәа русзуҩцәа рматериал-техникатә еиқәыршәареи рулафахәы ашьҭыхреи рзы аусбарҭабжьаратә еиқәшаҳаҭрақәа рынагӡара иацҵахоит ҳәа."2023 шықәсазы арҭ ахықәкқәа ирзоужьхоит 1,5 миллиард мааҭ инеиҳаны. Ареспубликатә биуџьет аныхрақәа рҟны иазыԥхьагәаҭоуп 779 миллион мааҭ иаԥсоу 16 усбарҭа-хықәкытә программа рынагӡара. Арахь иаҵанакуеит–амҩақәа рҿы афото-авидео гәаҭарақәа рсистема (40 миллион мааҭ), ақыҭанхамҩа аҿиара (100 миллион мааҭ), абиуџьеттә ҭаҩра амодернизациа (90 миллион)", - иҳәеит афинансқәа рминистр.Абизнес маҷи абжьаратә бизнеси рыцхырааразы иазоужьхоит 50 миллион мааҭ, агәабзиарахьчара аминистрра асистема иазоужьхоит 384 миллион мааҭ."Инаҵшьны иазгәасҭар сҭахуп, ииасыз ашықәсқәеи уажәтәи аамҭеи ишаҳдырбаз ала ахәшәқәа, амедицинатә хархәагақәа, амедицинатә ныхгақәа раахәараз еиҳаны аԥара шырзоужьтәу. Рыхә иацлеит ҳуааԥсыра аҳәаа анҭыҵ рыхәшәтәрагьы, апрограмма "Агәабзиарахьчара асистема кадырла аиқәыршәара" аиҿкаарагьы", - иҳәеит Делба.Аинформациатә ресурсқәа иаку рбаза асистема аԥҵара иазоужьуп 50 миллион мааҭ, аҳәынҭқарратә бызшәала АИХқәа рҿы аҳәынҭқарратә усбарҭақәа русура аларҵәара– 4,2 миллион мааҭ."2023 шықәсазы уи адагьы иазыԥхьагәаҭоуп аҵара, акультура, аспорт, аҿартә политика русхкқәа ирзоужьызарц 129 миллион мааҭ", - иҳәеит иара.1992-1993 шықәсазтәи Аԥсны жәлар Рџьынџьтәылатә еибашьра аҿы Аиааира 30 шықәса ахыҵра иазку аныҳәатә уснагӡатәқәа ирзоужьхоит 150 миллион мааҭ."Аҟәа, Наӡаӡе лымҩа аҩнеихагыла №3 ауааԥсыра реихшара иазоужьуп 350 миллион мааҭ", - иҳәеит аминистр.Аиҳабыра рышьақәырӷәӷәарала аремонт-еиҭашьақәыргыларатә усурақәа мҩаԥгатәны ишьо ахыбрақәа ирзоужьхоит 250 миллион мааҭ, аполимертә шәырқәа рзауад аргылараан ахарџьқәа рхарҭәаара иазоужьхоит 56 миллион мааҭ.Афымца усхк ацхыраара иазоужьхоит 150 миллион мааҭ.2023 шықәсазы Атәыла ахда Ирезервтә фонд 400 миллион ыҟазаауеит, Аиҳабыра- 200 миллион мааҭ. Аинвестициатә программақәа рынагӡара 1,2 миллиард мааҭ азгәаҭоуп.Жьҭаара 28 рзы Аԥсны аиҳабыра реилатәараҟны 2023 шықәсазтәи ареспубликатә биуџьет рыдыркылеит.Аԥсны ареспубликатә биуџьет 2023 шықәсазы алагалақәа рыла 9,6 миллиард мааҭ ҟалоит, урыстәылатәи ацхыраара 3,7 миллиард мааҭ дыртәоит.Аԥсны азеиԥш ҳәынҭқарратә биуџьет 2023 шықәсазы алагалақәа рыла 12, 5 миллиард мааҭ ҟалоит, аныхрақәа 14,2 миллиард мааҭ дыртәоит, адефицит - 1,7 миллиард мааҭ.
https://sputnik-abkhazia.info/20221028/asny-aiabyra-2023-shysazti-arespublikat-biuet-rydyrkyleit-1042294292.html
https://sputnik-abkhazia.info/20221028/ynuaa-rkategoriaak-rynkhara-ya-rzy-aarasharaynt-rkhy-iaiyrtit-1042295513.html
https://sputnik-abkhazia.info/20221028/asny-akhyy-iirazy-znykti-asharaa-irytsyroit-1042294694.html
https://sputnik-abkhazia.info/20221028/asny-aiabyra-ankhara-2022-aprogramma-aarazouzhra-iatsnaeit-1042292990.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аекономика, владимир делба
ажәабжьқәа, аекономика, владимир делба
Аԥсны афинансқәа рминистр 2023 шықәсазтәи абиуџьет алагалақәеи аныхрақәеи дрылацәажәеит
2023 шықәсазы Аԥсны аҳәынҭқарратә биуџьет алагалақәа 12,5 миллиард ыҟоуп, аныхрақәа 14,2 миллиард, адефицит – 1,7 миллиард.
АҞӘА, жьҭаара 28 – Sputnik, Бадраҟ Аҩӡба. Аԥыза-министр ихаҭыԥуаҩ, афинансқәа рминистр Владимир Делба 2023 шықәсазтәи абиуџьет алагалақәеи аныхрақәеи рыхәҭаҷ хадақәа еиқәиԥхьаӡеит.
"Ҳәарада, алагалақәа ираԥхьагылоуп ареспублика аҩнуҵҟа ирҭиуа атауарқәа реиԥш ареспублика иалган ирго атауарқәагьы рыхәԥсацҵазы ашәахтә. Ҳәара аҭахәма, ахашәалахәытә шәахтә, аҳәынҭқарратә баџь, ақьар шәахтә. Ари шаҳаҭра ауеит ишәахтәшәаҩцәаны иҟоу аилахәырақәа, ахатәхаҿқәа рллагалатә база аҩаӡара шеиҳахо", - иҳәеит аминистр.
Ашәарақәа реизҳара иаанарԥшуеит ареспублика ашәахтәқәеи аизгақәеи рминистрра аусура еиҳа хра шаиуз ҳәа иҳәеит Делба.
Аминистр иажәақәа рыла, аныхрақәа ракәзар, аҭыԥантәи абиуџьетқәеи аҳәынҭқарратә биуџьетнҭыҵтә фондқәа рбиуџьетқәеи еишьашәалазарц азы урҭ рыцхырааразы инашьҭхоит 1,6 миллиард мааҭ.
"Иазгәасҭар сҭахуп, иҟоу азеиԥш хышәаҵышәа 1,7 миллиард мааҭ аҟынтәи 1,6 миллиард мааҭ аҵакырақәа рыцхыраара иазынашьҭхоит. Ари иаанаго ареспубликатә биуџьет аҵакырақәа дефицитны иаанымхарц азы ахахьы иагоит ари ахьанҭара", - иҳәеит Владимир Делба.
Иара убасгьы иҳәеит 2023 шықәсазы Аԥсни Урыстәылеи рыбжьара афинанстә цхырааразы рнапы зҵарҩыз аиқәшаҳаҭрақәа инарықәыршәаны, аҳәынҭқарратә усбарҭақәа русзуҩцәа, асоциалтә усхк аусзуҩцәа, аҩнуҵҟатәи аусқәа русзуҩцәа рматериал-техникатә еиқәыршәареи рулафахәы ашьҭыхреи рзы аусбарҭабжьаратә еиқәшаҳаҭрақәа рынагӡара иацҵахоит ҳәа.
"2023 шықәсазы арҭ ахықәкқәа ирзоужьхоит 1,5 миллиард мааҭ инеиҳаны. Ареспубликатә биуџьет аныхрақәа рҟны иазыԥхьагәаҭоуп 779 миллион мааҭ иаԥсоу 16 усбарҭа-хықәкытә программа рынагӡара. Арахь иаҵанакуеит–амҩақәа рҿы афото-авидео гәаҭарақәа рсистема (40 миллион мааҭ), ақыҭанхамҩа аҿиара (100 миллион мааҭ), абиуџьеттә ҭаҩра амодернизациа (90 миллион)", - иҳәеит афинансқәа рминистр.
Абизнес маҷи абжьаратә бизнеси рыцхырааразы иазоужьхоит 50 миллион мааҭ, агәабзиарахьчара аминистрра асистема иазоужьхоит 384 миллион мааҭ.
"Инаҵшьны иазгәасҭар сҭахуп, ииасыз ашықәсқәеи уажәтәи аамҭеи ишаҳдырбаз ала ахәшәқәа, амедицинатә хархәагақәа, амедицинатә ныхгақәа раахәараз еиҳаны аԥара шырзоужьтәу. Рыхә иацлеит ҳуааԥсыра аҳәаа анҭыҵ рыхәшәтәрагьы, апрограмма "Агәабзиарахьчара асистема кадырла аиқәыршәара" аиҿкаарагьы", - иҳәеит Делба.
Аинформациатә ресурсқәа иаку рбаза асистема аԥҵара иазоужьуп 50 миллион мааҭ, аҳәынҭқарратә бызшәала АИХқәа рҿы аҳәынҭқарратә усбарҭақәа русура аларҵәара– 4,2 миллион мааҭ.
"2023 шықәсазы уи адагьы иазыԥхьагәаҭоуп аҵара, акультура, аспорт, аҿартә политика русхкқәа ирзоужьызарц 129 миллион мааҭ", - иҳәеит иара.
1992-1993 шықәсазтәи Аԥсны жәлар Рџьынџьтәылатә еибашьра аҿы Аиааира 30 шықәса ахыҵра иазку аныҳәатә уснагӡатәқәа ирзоужьхоит 150 миллион мааҭ.
"Аҟәа, Наӡаӡе лымҩа аҩнеихагыла №3 ауааԥсыра реихшара иазоужьуп 350 миллион мааҭ", - иҳәеит аминистр.
Аиҳабыра рышьақәырӷәӷәарала аремонт-еиҭашьақәыргыларатә усурақәа мҩаԥгатәны ишьо ахыбрақәа ирзоужьхоит 250 миллион мааҭ, аполимертә шәырқәа рзауад аргылараан ахарџьқәа рхарҭәаара иазоужьхоит 56 миллион мааҭ.
Афымца усхк ацхыраара иазоужьхоит 150 миллион мааҭ.
2023 шықәсазы Атәыла ахда Ирезервтә фонд 400 миллион ыҟазаауеит, Аиҳабыра- 200 миллион мааҭ. Аинвестициатә программақәа рынагӡара 1,2 миллиард мааҭ азгәаҭоуп.
Жьҭаара 28 рзы Аԥсны аиҳабыра реилатәараҟны 2023 шықәсазтәи ареспубликатә биуџьет рыдыркылеит.
Аԥсны ареспубликатә биуџьет 2023 шықәсазы алагалақәа рыла 9,6 миллиард мааҭ ҟалоит, урыстәылатәи ацхыраара 3,7 миллиард мааҭ дыртәоит.
Аԥсны азеиԥш ҳәынҭқарратә биуџьет 2023 шықәсазы алагалақәа рыла 12, 5 миллиард мааҭ ҟалоит, аныхрақәа 14,2 миллиард мааҭ дыртәоит, адефицит - 1,7 миллиард мааҭ.
