Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ҭарашь Ҳагба: ҳхықәкы - Европа ачемпионат ConIFA ибзиаӡаны аҽазыҟаҵароуп

CC0 / Pixabay / Игрок в футбол
Игрок в футбол - Sputnik Аҧсны, 1920, 12.11.2022
Анапаҵаҩра
НовостиTelegram
ConIFA аверсиала Ашьапылампыл азы Европа ачемпионат мҩаԥгахоит 2023 шықәса рашәара 2 инаркны 10-нӡа Аҩада Кипр.
АҞӘА, абҵара 12 - Sputnik. Аԥсны ашьапылампыл азы еизгоу акоманда ахықәкқәа иреиуоуп ConIFA аверсиала Ашьапылампыл азы Европа ачемпионат аҽазыҟаҵара, абри атәы Sputnik иазеиҭеиҳәеит Аԥсны Ашьапылампыл афедерациа ахада Ҭарашь Ҳагба.

Мышқәак раԥхьа ConIFA ахаҭарнакцәа Аҩада Кипр иҟан, Ашьапылампыл азы Европа ачемпионат ахь аҽазыҟаҵара шцо гәарҭон. ConIFA аҟны Аԥсны ахаҭарнак Гиви Ҭодуа иажәақәа рыла, ауснагӡатәқәа ҩаӡара ҳаракыла имҩаԥыргоит. Уи аҟынтә ҳаргьы ҳҽазыҟаҳҵоит", - иҳәеит Ҳагба.

Ҭарашь Ҳагба иажәақәа рыла, 2023 шықәса рашәара 2 инаркны 10-нӡа имҩаԥысуа атурнир алахәхаразы Аԥсны азыҳәа нанашьҭит.
"Аҽазыҟаҵара бзиаӡа шаҳҭаху еилаҳкаауеит, убри аҟнытә аиҩызаратә хәмаррақәагьы рымҩаԥгара ашьапылампыласцәа рзы ихәарҭоуп. Ачемпионат иалахәхоит иреиӷьӡоу иӷәӷәоу акомандақәа 12. Ҳхықәкы - Европа ачемпионат ConIFA ибзиаӡаны аҽазыҟаҵароуп", - иҳәеит Аԥсны Ашьапылампыл афедерациа ахада.
ConIFA еиднакылоит официалла FIFA иалам атәылақәеи автономиақәеи еизгоу ркомандақәа.
Ажәабжьқәа зегьы
0