Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Москва имҩаԥысуаз аџьынџьуаа рыхәмаррақәа иалахәыз аԥсуа спортсменцәа аҳамҭақәа ранаршьеит

© Sputnik / Сария Кварацхелия Награждение абхазских спортсменов, участвовавших в играх соотечественников в Москве
Награждение  абхазских спортсменов, участвовавших в играх соотечественников в Москве - Sputnik Аҧсны, 1920, 30.12.2022
Анапаҵаҩра
НовостиTelegram
АҞӘА, ԥхынҷкәын 29 - Sputnik, Сариа Кәарцхьиаԥҳа. Москва имҩаԥысуаз аџьынџьуаа рыхәмаррақәа иалахәыз аԥсуа спортсменцәа аҳамҭақәа ранаршьеит Аҟәатәи Москва Аҩны аҟны, ԥхынҷкәын 29 рзы.
"Аҳаҭыртә шәҟәқәа лнапы аҵеиҩын асоветтә ҵаақәшьқьрааҩы, хынтә Аолимпиада ачемпион Ирина Роднина.
Москва имҩаԥгаз Адунеизегьтәи аџьынџьуаа рыхәмаррақәа Аԥснынтәи иалахәын жәаҩык аспортсменцәа. Арԥарцәеи аӡӷабцәеи ҳтәыла ахьӡала иқәгылеит астритболи анапылампыли рхарҭақәа рыла. Аԥснытәи анапылампыласҩцәа ахԥатәи аҭыԥ ааныркалеит.
Аспортсменка қәыԥш Ельмира Ԥачулиаԥҳа лажәақәа рыла, ахәмаррақәа лахҿыхын, аха убри аамҭазы иагьыуадаҩын.

"Даара исгәаԥхеит, Москва цәгьала иԥшӡан. Ахәмаррақәа аинтерес рыҵан, ҳзеиндаҭлоз ӷәӷәан. Ҳгәалаҟазаара бзиоуп", - лҳәеит лара.

Аԥснынтәи VI Адунеизегьтәи аџьынџьуаа рыхәмаррақәа иалахәын астритболи анапылампыли ркомандақәа, урҭ мҩаԥысуан Москва ԥхынҷкәын 5-11 рзы.
Адунеизегьтәи аџьынџьуаа рыхәмаррақәа (ВИЮС-аред.) - аҳәаанырцә инхо аџьынџьуаа рыбжьара имҩаԥырго аспорт хәмаррақәоуп. Аицлабрақәа мҩаԥыргоит жәларбжьаратәи аспорттәи агуманитартәи еизыҟазаашьақәа рырӷәӷәареи, аҳәаанырцә инхо аџьынџьуаа рхәыҷқәа реиҩызареи, дара аспорти акультуреи рахь рхьарԥшрази.
Ахәмаррақәа еиҿыркааит- Россотрудничество, Урыстәыла атранспорт азы аминистрра, апартиа "Единая Россия".
Ажәабжьқәа зегьы
0