https://sputnik-abkhazia.info/20221231/azhei-ashei-rnya-bagrat-shynbei-terent-aniei-liolia-tanai-rgalarsharazy-1043389008.html
Ажәеи ашәеи рныҳәа: Баграт Шьынқәбеи, Терент Ҷаниеи, Лиолиа Тәанԥҳаи ргәаларшәаразы
Ажәеи ашәеи рныҳәа: Баграт Шьынқәбеи, Терент Ҷаниеи, Лиолиа Тәанԥҳаи ргәаларшәаразы
Sputnik Аҧсны
Иван Папасқьыр ихьӡ зху Амилаҭтә библиотекаҿы имҩаԥгаз хҩык аԥсуа поетцәа дуқәа Баграт Шьынқәбеи, Терент Ҷаниеи, Лиолиа Тәанԥҳаи риубилеиқәа ирызкыз... 31.12.2022, Sputnik Аҧсны
2022-12-31T14:15+0300
2022-12-31T14:15+0300
2022-12-31T14:15+0300
аналитикеи аиҿцәажәарақәеи
аԥсны
https://cdnn1.img.sputnik-abkhazia.info/img/101772/23/1017722343_0:317:6017:3701_1920x0_80_0_0_9167e63808d901adcfd8d736e8f0941a.jpg
Ҳазҭоу ашықәс анҵәамҭазы Аԥсны Ашәҟәыҩҩцәа реидгылеи Аԥсны Аҵареи абызшәатә политикеи рминистрреи еицымҩаԥыргеит аныҳәа лаша, аныҳәа бзиа. Ҳаԥсуа литератураҿы зырҿиамҭақәа рыла иаарылукааша хҩык апоетцәа ҟаимаҭқәа- Баграт Шьынқәбеи, Терент Ҷаниеи, Лиолиа Тәанԥҳаи риубилеиқәа мҩаԥыргеит. Ари ахҭыс бзиа мҩаԥысуан Иван Папасқьыр ихьӡ зху Аҳәынҭқарратә милаҭтә библиотекаҿы. Аиԥылара аартуа, Аԥсны Ашәҟәыҩҩцәа реидгыла аиҳабы Вахтанг Аԥҳазоу иазгәеиҭеит: "Аԥсны Ашәҟәыҩҩцәа реидгылаҟны иазаҳаӡбеит сынтәа зиубилеиқәа ыҟаз аԥсуа поетцәа - Баграт Шьынқәба диижьҭеи 105 шықәса аҵра, Терент Ҷаниа - 85 шықәса, Лиолиа Тәанԥҳа - 70 шықәса - урҭ ражәеинраалақәа рыԥхьареи насгьы урҭ ирылху ашәақәа назыгӡои алархәны ахәылԥаз аиҿкаара. "Ажәеи ашәеи" зыхьӡаҳҵаз ахәылԥаз амҩаԥгаразы иҳадгыларц ҳрыдҵаалеит Аԥсны аҵареи абызшәатә политикеи рминистрра рнапхгара, урҭ ҳаԥшьгамҭа иахаҵгылеит. Аҟәа налаҵаны, Аԥсны егьырҭ ақалақьқәеи араионқәеи рышколқәа рхаҭарнакцәа ахәылԥаз рхы аладырхәит. Баграт Шьынқәба ииубилеитә усмҩаԥгатәқәа азгәарҭеит лаҵарамза 12-13 рзы ашәҟәыҩҩцәеи аҵарауааи еилахәны. Аԥсуаҭҵааратә институт имҩаԥнагеит апоет изкыз Жәларбжьаратәи аԥхьарақәа. Абри абиблиотека аҟны имаԥган астол гьежь. Ара имҩаԥысит иара убасгьы "Шьынқәба иҩымҭақәа рыԥхьара" захьӡыз афестиваль. Баграт Шьынқәба еицырдыруа иажәеинраалақәа акыр ашәақәа рылхуп. Иара убасгьы, Терент Ҷаниа иажәеинраалақәа хынҩажәа инареиҳаны ашәақәа рылырххьеит. Урҭ зегьы ахәыҷқәа рықәра иаҵанакуа инадыркны, абзиабаратәи, афилософиатәи, аграждантәи лирика иаҵанакуа рашәақәа ауаа даара иргәаԥхоит. Илаамҭамкәа зыԥсҭазаара ҿахҵәаз апоет Лиолиа Тәанԥҳа лажәеинраала "Аиааира" аӡбахә ада ҳамҳәаӡаргьы, иҳаилнаркаауа рацәоуп, уи аиааиразы гимнк иаҩызахеит, ирласынгьы ажәлар ирылаҵәеит", - иҳәеит иқәгылараҿы Аԥҳазоу. Амилаҭтә библиотека аиҳабы Борис Ҷолариа дазааҭгылеит арҭ ахҩык апоетцәа дуқәа рырҿиара шаҟа аҵанакуа рыжәлар рдоуҳатә культураҿы. Уи инаҵшьны иазгәеиҭеит урҭ рырҿиамҭақәа ахааназ ԥсра-ӡра рықәымкәа ишаанхо уаҵәы игыло ҳҿар доуҳала ибеианы рааӡараҿы. Апоетцәа - Баграт Шьынқәба, Терент Ҷаниа, Лиолиа Тәанԥҳа ражәеинраалақәа ирыԥхьеит, ргәалашәарақәа рҳәеит ҳпоетцәеи ҳашәҟәыҩҩцәеи: Вахтанг Аԥҳазоу, Гәында Кәыҵниа, Гәында Сақаниа, Владимир Занҭариа, Ҳаири Қәҭарба, Заира Ҭҳаиҵыкә, Аинар Ҷыҭанаа, актиор қәыԥш Саид Камкьиа, еицырдыруа ажурналист Владимир Никонов, абарҭ ацәаҳәақәа равтор. Ари аиԥылара иалахәыз зегьы даара идыргәырӷьеит изыԥхьаз ажәеинраалақәеи инарыгӡаз ашәақәеи рыла Очамчыра араион Ҭхьынатәи абжьаратә школ аҵаҩцәа, Гәдоуҭа араион Абӷархықәтәи абжьаратә школ аҵаҩцәа, Пицундатәи актәи абжьаратә школ аҵаҩы Илона Хьециаԥҳа, Аҟәатәи 10-тәи абжьаратә школ ахәбатәи акласс аҵаҩы Есениа Быҭәԥҳа. Алитература-музыкатә композициа "Ажәеи ашәеи" аҿы ажәеинраалақәа ирылхны инагӡаз ашәақәа иреиуоуп Аԥсны инарҭбаан еицырдыруа, Аԥсны жәлар рпоет Баграт Шьынқәба абарҭ иажәеинраалақәа ирылху ашәақәа: "Кәафҭа шкәакәа", "Раида гәышьа сҳәоит", "Ҳаи, шьыри, сыҟандаз", "Амҩа сықәуп", "Ацәыкәбар", "Сыԥшалас", апоет Терент Ҷаниа иажәеинраалақәа ирылху ашәақәа: "Абри даара дыԥшӡоуп рҳәеит", "Асааҭ", "Бааи, бааи, сылашара", "Иама, иама, ицеит", апоет Лиолиа Тәанԥҳа лажәеинраалақәа ирылху ашәақәа: " Дцон аԥҳәызба Гәымсҭа ахықә ахь", "Аиааира". Абраҟа хымԥада иазгәаҭатәуп ҳәа исыԥхьаӡоит ари аҩыза аформа змоу аиԥылара аԥсуа шәҟәыҩҩцәеи Аԥсны аҵареи абызшәатә политикеи рминистрреи ааигәа ишымҩаԥырымгац, иалахәыз зегьы даара агәахәара дуӡӡа шырнаҭаз, ҩ-сааҭк ицоз аиԥылара, ирызгәамҭаӡакәа, шәымҭак еиԥш ишиасыз!Убри ауха, даҽазныкгьы агәра аагеит ҳаԥсуа ажәа ахаангьы ишмыӡуа, уи еихазҳауа, изырҿио аизҳара ишаҿу, ҳара акызаҵәык иаҳуалу, урҭ иреиӷьӡоу алԥшааны амҩа рыҭара ауп!
https://sputnik-abkhazia.info/20220512/1039073979.html
https://sputnik-abkhazia.info/20220119/zheinraalak-ishnaaaz-apoet-liolia-tana-diizhei-70-shysa-it-1037186393.html
https://sputnik-abkhazia.info/20220220/asasha-zyraz-atsyra-terent-ania-igalashara-iazkny-1037636621.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Анатоли Лагәлаа
https://cdnn1.img.sputnik-abkhazia.info/img/103047/18/1030471891_0:0:924:924_100x100_80_0_0_977704efbe9eb1e91e362586be724fb0.jpg
Анатоли Лагәлаа
https://cdnn1.img.sputnik-abkhazia.info/img/103047/18/1030471891_0:0:924:924_100x100_80_0_0_977704efbe9eb1e91e362586be724fb0.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Анатоли Лагәлаа
https://cdnn1.img.sputnik-abkhazia.info/img/103047/18/1030471891_0:0:924:924_100x100_80_0_0_977704efbe9eb1e91e362586be724fb0.jpg
аналитикеи аиҿцәажәарақәеи
аналитикеи аиҿцәажәарақәеи
Ажәеи ашәеи рныҳәа: Баграт Шьынқәбеи, Терент Ҷаниеи, Лиолиа Тәанԥҳаи ргәаларшәаразы
Иван Папасқьыр ихьӡ зху Амилаҭтә библиотекаҿы имҩаԥгаз хҩык аԥсуа поетцәа дуқәа Баграт Шьынқәбеи, Терент Ҷаниеи, Лиолиа Тәанԥҳаи риубилеиқәа ирызкыз алитература-музыкатә композициа "Ажәеи ашәеи" шымҩаԥысыз иазкуп апоет Анатоли Лагәлаа иахьатәи ианҵамҭа.
Ҳазҭоу ашықәс анҵәамҭазы Аԥсны Ашәҟәыҩҩцәа реидгылеи Аԥсны Аҵареи абызшәатә политикеи рминистрреи еицымҩаԥыргеит аныҳәа лаша, аныҳәа бзиа. Ҳаԥсуа литератураҿы зырҿиамҭақәа рыла иаарылукааша хҩык апоетцәа ҟаимаҭқәа- Баграт Шьынқәбеи, Терент Ҷаниеи, Лиолиа Тәанԥҳаи риубилеиқәа мҩаԥыргеит. Ари ахҭыс бзиа мҩаԥысуан Иван Папасқьыр ихьӡ зху Аҳәынҭқарратә милаҭтә библиотекаҿы.
Аиԥылара аартуа, Аԥсны Ашәҟәыҩҩцәа реидгыла аиҳабы Вахтанг Аԥҳазоу иазгәеиҭеит:
"Аԥсны Ашәҟәыҩҩцәа реидгылаҟны иазаҳаӡбеит сынтәа зиубилеиқәа ыҟаз аԥсуа поетцәа - Баграт Шьынқәба диижьҭеи 105 шықәса аҵра, Терент Ҷаниа - 85 шықәса, Лиолиа Тәанԥҳа - 70 шықәса - урҭ ражәеинраалақәа рыԥхьареи насгьы урҭ ирылху ашәақәа назыгӡои алархәны ахәылԥаз аиҿкаара. "Ажәеи ашәеи" зыхьӡаҳҵаз ахәылԥаз амҩаԥгаразы иҳадгыларц ҳрыдҵаалеит Аԥсны аҵареи абызшәатә политикеи рминистрра рнапхгара, урҭ ҳаԥшьгамҭа иахаҵгылеит. Аҟәа налаҵаны, Аԥсны егьырҭ ақалақьқәеи араионқәеи рышколқәа рхаҭарнакцәа ахәылԥаз рхы аладырхәит. Баграт Шьынқәба ииубилеитә усмҩаԥгатәқәа азгәарҭеит лаҵарамза 12-13 рзы ашәҟәыҩҩцәеи аҵарауааи еилахәны. Аԥсуаҭҵааратә институт имҩаԥнагеит апоет изкыз Жәларбжьаратәи аԥхьарақәа. Абри абиблиотека аҟны имаԥган астол гьежь. Ара имҩаԥысит иара убасгьы "Шьынқәба иҩымҭақәа рыԥхьара" захьӡыз афестиваль.
Баграт Шьынқәба еицырдыруа иажәеинраалақәа акыр ашәақәа рылхуп. Иара убасгьы, Терент Ҷаниа иажәеинраалақәа хынҩажәа инареиҳаны ашәақәа рылырххьеит. Урҭ зегьы ахәыҷқәа рықәра иаҵанакуа инадыркны, абзиабаратәи, афилософиатәи, аграждантәи лирика иаҵанакуа рашәақәа ауаа даара иргәаԥхоит. Илаамҭамкәа зыԥсҭазаара ҿахҵәаз апоет Лиолиа Тәанԥҳа лажәеинраала "Аиааира" аӡбахә ада ҳамҳәаӡаргьы, иҳаилнаркаауа рацәоуп, уи аиааиразы гимнк иаҩызахеит, ирласынгьы ажәлар ирылаҵәеит", - иҳәеит иқәгылараҿы Аԥҳазоу.
Амилаҭтә библиотека аиҳабы Борис Ҷолариа дазааҭгылеит арҭ ахҩык апоетцәа дуқәа рырҿиара шаҟа аҵанакуа рыжәлар рдоуҳатә культураҿы. Уи инаҵшьны иазгәеиҭеит урҭ рырҿиамҭақәа ахааназ ԥсра-ӡра рықәымкәа ишаанхо уаҵәы игыло ҳҿар доуҳала ибеианы рааӡараҿы.
19 Ажьырныҳәа 2022, 12:30
Апоетцәа - Баграт Шьынқәба, Терент Ҷаниа, Лиолиа Тәанԥҳа ражәеинраалақәа ирыԥхьеит, ргәалашәарақәа рҳәеит ҳпоетцәеи ҳашәҟәыҩҩцәеи: Вахтанг Аԥҳазоу, Гәында Кәыҵниа, Гәында Сақаниа, Владимир Занҭариа, Ҳаири Қәҭарба, Заира Ҭҳаиҵыкә, Аинар Ҷыҭанаа, актиор қәыԥш Саид Камкьиа, еицырдыруа ажурналист Владимир Никонов, абарҭ ацәаҳәақәа равтор.
Ари аиԥылара иалахәыз зегьы даара идыргәырӷьеит изыԥхьаз ажәеинраалақәеи инарыгӡаз ашәақәеи рыла Очамчыра араион Ҭхьынатәи абжьаратә школ аҵаҩцәа, Гәдоуҭа араион Абӷархықәтәи абжьаратә школ аҵаҩцәа, Пицундатәи актәи абжьаратә школ аҵаҩы Илона Хьециаԥҳа, Аҟәатәи 10-тәи абжьаратә школ ахәбатәи акласс аҵаҩы Есениа Быҭәԥҳа.
Алитература-музыкатә композициа "Ажәеи ашәеи" аҿы ажәеинраалақәа ирылхны инагӡаз ашәақәа иреиуоуп Аԥсны инарҭбаан еицырдыруа, Аԥсны жәлар рпоет Баграт Шьынқәба абарҭ иажәеинраалақәа ирылху ашәақәа: "Кәафҭа шкәакәа", "Раида гәышьа сҳәоит", "Ҳаи, шьыри, сыҟандаз", "Амҩа сықәуп", "Ацәыкәбар", "Сыԥшалас", апоет Терент Ҷаниа иажәеинраалақәа ирылху ашәақәа: "Абри даара дыԥшӡоуп рҳәеит", "Асааҭ", "Бааи, бааи, сылашара", "Иама, иама, ицеит", апоет Лиолиа Тәанԥҳа лажәеинраалақәа ирылху ашәақәа: " Дцон аԥҳәызба Гәымсҭа ахықә ахь", "Аиааира".
Абраҟа хымԥада иазгәаҭатәуп ҳәа исыԥхьаӡоит ари аҩыза аформа змоу аиԥылара аԥсуа шәҟәыҩҩцәеи Аԥсны аҵареи абызшәатә политикеи рминистрреи ааигәа ишымҩаԥырымгац, иалахәыз зегьы даара агәахәара дуӡӡа шырнаҭаз, ҩ-сааҭк ицоз аиԥылара, ирызгәамҭаӡакәа, шәымҭак еиԥш ишиасыз!
Убри ауха, даҽазныкгьы агәра аагеит ҳаԥсуа ажәа ахаангьы ишмыӡуа, уи еихазҳауа, изырҿио аизҳара ишаҿу, ҳара акызаҵәык иаҳуалу, урҭ иреиӷьӡоу алԥшааны амҩа рыҭара ауп!
