https://sputnik-abkhazia.info/20230401/agila-zaa-ianyshua-aayn-iakhaau-zhlar-razgaaraa-1044946839.html
"Агәилқәа заа ианышәҭуа": ааԥын иахҳәаау жәлар разгәаҭарақәа
"Агәилқәа заа ианышәҭуа": ааԥын иахҳәаау жәлар разгәаҭарақәа
Sputnik Аҧсны
Ааԥын иахҳәаау жәлар разгәаҭарақәак еидылкылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа. 01.04.2023, Sputnik Аҧсны
2023-04-01T12:05+0300
2023-04-01T12:05+0300
2023-04-01T12:05+0300
жәлар рдоуҳа
https://cdnn1.img.sputnik-abkhazia.info/img/102383/46/1023834621_0:78:2809:1658_1920x0_80_0_0_182692c0b1e7108aba46b831e11cc536.jpg
"Аӡын, ааԥын, аԥхын, ҭагалан, Ашықәс иамоуп ԥшь-аамҭак. Аԥсуа итәылаҿ имаз аԥгала, Иаԥсуара аанижьуам шәымҭак…" - иҩуеит апоет Вахтанг Аԥҳазоу.Ауаҩы ашықәс аамҭақәа зегь раан ихы аџьабаа заирбо, дзыхандеиуа, раԥхьаӡа инаргылан иҭаацәа зланыҟәигаша ԥыла-ԥгалак иоурц азоуп. Ашықәс аамҭақәа ҭышәынтәаланы, ианаамҭоу ақәа ауа, ианаамҭоу амра ԥхо ианыҟало аамҭазы ақыҭанхамҩа аус, аарыхра даара иарманшәалоит. Ааԥынра зеиԥшрахо атәы ҳаҵазҳәо аԥсуа жәлар разгәаҭарақәа зынӡагьы имаҷым. Урҭ иреиуоуп: Аԥсуаа ааԥын ахымҩаԥгашьала анаҩстәи ашықәс аамҭақәа зеиԥшрахоз гәарҭон. Иаагозар: Аматериал аиқәыршәараҿы ахархәара аҭан Шьаликәа Камкиа иеизга "Ажәа хьыршәыгәқәа".
https://sputnik-abkhazia.info/20221030/asha-anda-asuazar-amsh-zeishrakho-azgaaraa--1042325185.html
https://sputnik-abkhazia.info/20220327/aaynti-aa-ashatsaagagoup--aayn-shyalazi-ui-adyrgaei-1038348127.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
жәлар рдоуҳа
"Агәилқәа заа ианышәҭуа": ааԥын иахҳәаау жәлар разгәаҭарақәа
Сусанна Ҭаниаԥҳа
Аԥсуаҭҵааратә институт афольклортә лабораториа аусзуҩ
Ааԥын иахҳәаау жәлар разгәаҭарақәак еидылкылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
"Аӡын, ааԥын, аԥхын, ҭагалан,
Ашықәс иамоуп ԥшь-аамҭак.
Аԥсуа итәылаҿ имаз аԥгала,
Иаԥсуара аанижьуам шәымҭак…" - иҩуеит апоет Вахтанг Аԥҳазоу.
Ауаҩы ашықәс аамҭақәа зегь раан ихы аџьабаа заирбо, дзыхандеиуа, раԥхьаӡа инаргылан иҭаацәа зланыҟәигаша ԥыла-ԥгалак иоурц азоуп.
Ашықәс аамҭақәа ҭышәынтәаланы, ианаамҭоу ақәа ауа, ианаамҭоу амра ԥхо ианыҟало аамҭазы ақыҭанхамҩа аус, аарыхра даара иарманшәалоит.
Ааԥынра зеиԥшрахо атәы ҳаҵазҳәо аԥсуа жәлар разгәаҭарақәа зынӡагьы имаҷым. Урҭ иреиуоуп:
Агәилқәа заа ианышәҭуа – ааԥынра ӡысаамҭахоит.
Асы мрала ишьҭыҵзар – ааԥынра бзиахоит.
Аҟәынџь ӡнынӡа ианаӡаха – ааԥынра ӡысаамҭахоит.
Ашьапызаҵәқәа заа ианаа – ааԥынра ԥасахоит.
Аӡынразы акырцх рацәаны ианау – ааԥынра аарҩарахоит.
Амшә заа аҭыҩра ианҭыҵ – ааԥынра қәас-ӡысуеит.
Ачамҳа (клен - азгә.) абӷьы аамҭала ианкамԥса – ашьха ааԥынра цәгьахоит.
Аԥсуаа ааԥын ахымҩаԥгашьала анаҩстәи ашықәс аамҭақәа зеиԥшрахоз гәарҭон. Иаагозар:
Ааԥын анаҟә анырацәаха – аԥхынра ӡысаамҭахоит.
Ааԥын ашәаԥыџьаԥ рышәҭыцқәа ԥасаны ианылырга – аԥхынра ӡысаамҭахоит.
Ааԥынразы аԥсата анырацәаха – аԥхынра аарҩарахоит.
Ааԥынразы аԥша ҟәанда анхҭанакы – аӡынра цәгьахоит.
Ааԥынра ҿыхьҭааны ианца – аԥхынра аарҩарахоит.
Ааԥынразы ашьха ианӡысаамҭаха – аӡынра асы рацәа ҟалаӡом.
Ааԥын абызкаҭаҳа анырацәаха – аԥхынра аарҩарахоит.
Ааԥынразы ажьа ахәыжә лассы ианазымҟьа – аӡынра ауразоуроу ихьшәашәарахоит.
Ааԥынразы иааз аԥсаа рыҷырҷырбжьы лассы ианымга – ахьҭа аҿалоит.
Аматериал аиқәыршәараҿы ахархәара аҭан Шьаликәа Камкиа иеизга "Ажәа хьыршәыгәқәа".
