Микрофон  - Sputnik Аҧсны, 1920
Арадио

Ашәԥҳа башкириатәи ахәыҷқәа Очамчыра рыԥсшьаразы: ҳхәыҷқәеи дареи еилаҵәарц ҳҭахуп

Ашәԥҳа башкириатәи ахәыҷқәа Очамчыра рыԥсшьаразы: ҳхәыҷқәеи дареи еилаҵәарц ҳҭахуп
Анапаҵаҩра
Очамчыратәи ашкол-интернат башкириатәи ахәыҷқәа рыԥсы ахьыршьаша ҭыԥхоит. Уи аҭыԥ алхразы Аԥсны аҵара аминистр Инал Габлиеи башкириатәи иколлега Аибулат Хажини Очамчыратәи абжьаратә школ №4, иара убас Симон Басариа ихьӡзху ашкол-интернат ирҭааит. Ишԥарыдыркылеи ари ажәабжь очамчыраа, ашкол-интернат азы ари феидас иамои, арҭ аимадарақәа рылҵшәақәа зеиԥшрахо атәы арадио Sputnik аефираҿы еиҭалҳәеит Басариа ихьӡ зху ашкол-интернат адиректор Белла Ашәԥҳа.
Ашкол-интернат аиҳабы лажәақәа рыла, башкириатәи ахәыҷқәа раара иабзоураны ахыбра иаҭаху аиҭашьақәыргыларатә усурақәа мҩаԥгахоит. Лара иазгәалҭеит ашкол ҿыц аусура иалагеижьҭеи 10 шықәса шҵуа, ари аамҭа иалагӡаны иԥхасҭахаз ҟалеит, нап адкыланы ишахылаԥшуагьы, иҟаҵатәу ыҟоуп ҳәа азгәалҭеит Ашәԥҳа.
"Ашкол иазыфеидахозар, аусура мап ацәаҳкуам. Ас еиԥш уажә аԥхьа иҳадҳамкылацт, аха ҳаиқәшаҳаҭны аус еицаауп ҳәа сыҟоуп. Ҳгәы иҭоуп аҭыԥантәи ахәыҷқәеи дареи реибадырра аиҿкаара, анаҩс аимадарақәа рыбжьарҵацаз, еилаҵәарцаз" - еиҭалҳәеит Ашәԥҳа.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0