https://sputnik-abkhazia.info/20230410/zhordania-eieieit-moskvei-aei-ateatra-iraaua-akhashtsa-zleishym-1045189110.html
Жорданиа еиҭеиҳәеит Москвеи Аҟәеи атеатрқәа ирҭаауа ахәаԥшцәа злеиԥшым
Жорданиа еиҭеиҳәеит Москвеи Аҟәеи атеатрқәа ирҭаауа ахәаԥшцәа злеиԥшым
Sputnik Аҧсны
Мшаԥы 7 инаркны 10-нӡа Фазиль Искандер ихьӡ зху Аурыс драматә театр агастрольқәа мҩаԥнагоит Москва. Иарбан спектакльқәоу Урыстәыла ахәаԥшцәа ирызнаргаз... 10.04.2023, Sputnik Аҧсны
2023-04-10T20:00+0300
2023-04-10T20:00+0300
2023-04-10T20:00+0300
арадио
аԥсны
аподкаст
https://cdnn1.img.sputnik-abkhazia.info/img/07e7/04/0a/1045189220_0:0:3067:1725_1920x0_80_0_0_6f1648fcf376e354d7918ee40dfd3324.jpg
Жорданиа еиҭеиҳәеит Москвеи Аҟәеи атеатрқәа ирҭаауа ахәаԥшцәа злеиԥшым атәы
Sputnik Аҧсны
Жорданиа еиҭеиҳәеит Москвеи Аҟәеи атеатрқәа ирҭаауа ахәаԥшцәа злеиԥшым атәы
Мшаԥы 7 инаркны 10-нӡа Фазиль Искандер ихьӡ зху Аурыс драматә театр агастрольқәа мҩаԥнагоит Москва. Иарбан спектакльқәоу Урыстәыла ахәаԥшцәа ирызнаргаз, ақәгыларақәа шымҩаԥысуа, ахәаԥшцәа ҳактиорцәа шрыдыркылаз, Аҟәеи Москвеи ахәаԥшцәа злеиԥшым атәы арадио Sputnik аефир аҟны еиҭеиҳәеит РУСДРАМ актер, арежиссиор Џьамбул Жорданиа.Аԥснытәи артистцәа адунеитәии аԥсуеи рлитературақәа рыла иқәыргылоу ф-спектакльк ахәаԥшцәа иддырбеит: Фазиль Искандер иповест ала "Софичка" (ареж. Елена Одинцова), Федерико Гарсиа Лорка иҩымҭақәа рыла "Зегьы рцасҳәа агәырӷьара" (ареж. Мариа Романова), Александр Островски илахьеиқәроу икомедиала "Ахаҵа ԥшӡа" (ареж. Ирина Дремова), Фазиль Искандер иҩымҭақәа рыла "Абырг Хабыгә игәыжь ажәабжь", Баграт Шьынқәба ироман ала "Ацынҵәарах"(арежиссиор-ақәыргылаҩ, аинсценировка автор Џьамбул Жорданиа).Ақәыргыламҭақәа ддырбеит атеатртә центр "На Страстном" аҿы.Искандер ихьӡ зху Аҳәынҭқарратә аурыс драматә театр (РУСДРАМ) агастрольқәа хнаркәшоит иахьа Станислав Лем ироман ала "Солиарис" (ареж. Артиом Устинов) иара ддырбоит москватәи атеатр "Et Cetera" аҿы."Уамашәа иубаша азал еснагь иҭәуеит. Ҳара ус ҳгәы иаанагон ҳдиаспора рхаҭарнакцәа роуп аиҳараҩык инеиуа ҳәа. Ҳәарада, урҭгьы неиуеит, адгылара ҳарҭоит, аха иҳахәаԥшуеит убасгьы ара иҟоу атеатр, атеатртә ҵараиурҭақәа русзуҩцәа. Ақәыргыламҭақәа рышьҭахь рхы ҳдырдыруеит, иҳадарныҳәалоит, ишыргәаԥхо ҳарҳәоит. Уамашәа иубаша "Софичка" аума, "Ацынҵәарах" аума, "Абырг Хабыгә игәыжь ажәабжь", абри аԥсуаа иаҳтәу ашәҟәыҩҩцәа раԥҵамҭақәа дара рхы-ргәаҟынӡа ишнеиуа убаратәы иҟоуп. Иаҳҳәап, ҳара ҳҟны џьара реакциак ахьыҟамызгьы араҟа иаразнак ишырныруаз, ишеилыркаауаз удыруан. Абри аҩыза азҿлымҳара ҳамоуп. Араатәи ахәаԥшҩы иаҳа ажәа дазыӡырҩуеит. Ҳара ҳҟынгьы иазыӡырҩуеит ажәа, аха еиҳарак ахымҩаԥгашьа ауп изхәаԥшуа, аемоциа, аенергетика иаҳа иахәаԥшуеит. Уи цәгьоуп, ибзиоуп ҳәа акәӡам, ахәаԥшҩы уахьнеилакгьы дхазуп. Иара атеатр аҟынгьы ахәаԥшҩы иахьа даныччо ыҟоуп, адырҩаҽны уи ақәыргыламҭа иахәаԥшуа аҵыхәтәанынӡа данамырччо ыҟоуп", - иҳәеит Жорданиа.Искандер ихьӡ зху Аҳәынҭқарратә Аурыс драматә театр (РУСДРАМ) агастрольқәа Москва ихыркәшаны Санкт-Петербургҟа ицоит. Уаҟа имҩаԥысуа Жәларбжьаратәи афестиваль "Урыстәыла аиԥыларақәа" иҭагӡаны ахәаԥшцәа х-спектакльк дырбахоит мшаԥы 12, 13, 14 рзы. Ари афестиваль мҩаԥысуеижьҭеи 25 шықәса ирылагӡаны Аԥснынтәи атеатр раԥхьатәи акәхеит иаразнак х-спектакльк дырбаразы азин зырҭаз ҳәа азгәеиҭеит РУСДРАМ анапхгаҩы Иракли Хынҭәба.
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
аԥсны, аподкаст, аудио
Мшаԥы 7 инаркны 10-нӡа Фазиль Искандер ихьӡ зху Аурыс драматә театр агастрольқәа мҩаԥнагоит Москва. Иарбан спектакльқәоу Урыстәыла ахәаԥшцәа ирызнаргаз, ақәгыларақәа шымҩаԥысуа, ахәаԥшцәа ҳактиорцәа шрыдыркылаз, Аҟәеи Москвеи ахәаԥшцәа злеиԥшым атәы арадио Sputnik аефир аҟны еиҭеиҳәеит РУСДРАМ актер, арежиссиор Џьамбул Жорданиа.
Аԥснытәи артистцәа адунеитәии аԥсуеи рлитературақәа рыла иқәыргылоу ф-спектакльк ахәаԥшцәа иддырбеит: Фазиль Искандер иповест ала "Софичка" (ареж. Елена Одинцова), Федерико Гарсиа Лорка иҩымҭақәа рыла "Зегьы рцасҳәа агәырӷьара" (ареж. Мариа Романова), Александр Островски илахьеиқәроу икомедиала "Ахаҵа ԥшӡа" (ареж. Ирина Дремова), Фазиль Искандер иҩымҭақәа рыла "Абырг Хабыгә игәыжь ажәабжь", Баграт Шьынқәба ироман ала "Ацынҵәарах"(арежиссиор-ақәыргылаҩ, аинсценировка автор Џьамбул Жорданиа).
Ақәыргыламҭақәа ддырбеит атеатртә центр "На Страстном" аҿы.
Искандер ихьӡ зху Аҳәынҭқарратә аурыс драматә театр (РУСДРАМ) агастрольқәа хнаркәшоит иахьа Станислав Лем ироман ала "Солиарис" (ареж. Артиом Устинов) иара ддырбоит москватәи атеатр "Et Cetera" аҿы.
"Уамашәа иубаша азал еснагь иҭәуеит. Ҳара ус ҳгәы иаанагон ҳдиаспора рхаҭарнакцәа роуп аиҳараҩык инеиуа ҳәа. Ҳәарада, урҭгьы неиуеит, адгылара ҳарҭоит, аха иҳахәаԥшуеит убасгьы ара иҟоу атеатр, атеатртә ҵараиурҭақәа русзуҩцәа. Ақәыргыламҭақәа рышьҭахь рхы ҳдырдыруеит, иҳадарныҳәалоит, ишыргәаԥхо ҳарҳәоит. Уамашәа иубаша "Софичка" аума, "Ацынҵәарах" аума, "Абырг Хабыгә игәыжь ажәабжь", абри аԥсуаа иаҳтәу ашәҟәыҩҩцәа раԥҵамҭақәа дара рхы-ргәаҟынӡа ишнеиуа убаратәы иҟоуп. Иаҳҳәап, ҳара ҳҟны џьара реакциак ахьыҟамызгьы араҟа иаразнак ишырныруаз, ишеилыркаауаз удыруан. Абри аҩыза азҿлымҳара ҳамоуп. Араатәи ахәаԥшҩы иаҳа ажәа дазыӡырҩуеит. Ҳара ҳҟынгьы иазыӡырҩуеит ажәа, аха еиҳарак ахымҩаԥгашьа ауп изхәаԥшуа, аемоциа, аенергетика иаҳа иахәаԥшуеит. Уи цәгьоуп, ибзиоуп ҳәа акәӡам, ахәаԥшҩы уахьнеилакгьы дхазуп. Иара атеатр аҟынгьы ахәаԥшҩы иахьа даныччо ыҟоуп, адырҩаҽны уи ақәыргыламҭа иахәаԥшуа аҵыхәтәанынӡа данамырччо ыҟоуп", - иҳәеит Жорданиа.
Искандер ихьӡ зху Аҳәынҭқарратә Аурыс драматә театр (РУСДРАМ) агастрольқәа Москва ихыркәшаны Санкт-Петербургҟа ицоит. Уаҟа имҩаԥысуа Жәларбжьаратәи афестиваль "Урыстәыла аиԥыларақәа" иҭагӡаны ахәаԥшцәа х-спектакльк дырбахоит мшаԥы 12, 13, 14 рзы. Ари афестиваль мҩаԥысуеижьҭеи 25 шықәса ирылагӡаны Аԥснынтәи атеатр раԥхьатәи акәхеит иаразнак х-спектакльк дырбаразы азин зырҭаз ҳәа азгәеиҭеит РУСДРАМ анапхгаҩы Иракли Хынҭәба.
