https://sputnik-abkhazia.info/20230514/gdoua-asny-rakhati-akhada-igalashara-iazkyz-akhylaz-magan---1045801989.html
Гәдоуҭа Аԥсны раԥхьатәи ахада игәалашәара иазкыз ахәылԥаз мҩаԥган
Гәдоуҭа Аԥсны раԥхьатәи ахада игәалашәара иазкыз ахәылԥаз мҩаԥган
Sputnik Аҧсны
Аԥсны раԥхьатәи ахада, жәлар рԥыза, иахьатәи Аԥсуа ҳәынҭкарра ашьаҭаркҩы Владислав Григори-иԥа Арӡынба иԥсы ҭаны ижәлар дрылагылазҭгьы иахьа ихыҵуазаарын 78... 14.05.2023, Sputnik Аҧсны
2023-05-14T19:25+0300
2023-05-14T19:25+0300
2023-05-15T11:02+0300
аԥсны
аԥсны
ажәабжьқәа
гәдоуҭа араион
https://cdnn1.img.sputnik-abkhazia.info/img/103012/95/1030129546_0:364:2048:1516_1920x0_80_0_0_07358523f5004654b9e99c26a6264f2a.jpg
ГӘДОУҬА, лаҵара 14 – Sputnik, Бадри Есиава. Аԥсны раԥхьатәи ахада Владислав Арӡынба игәалашәара иазкыз ахәылԥаз мҩаԥган Гәдоуҭатәи Акультура ахан аҟны амҽыша, лаҵара 14 рзы.Иара убасгьы Гәыгәыца Џьыкырԥҳа даԥхьеит, Владислав Арӡынба игәабзиара ануашәшәыраха иҟаиҵаз иуасиаҭ ажәа. Уаҟа иаҳәоит, идунеи аниԥсахлак ашьҭахь Гәымсҭа ахықәан анышә дамардарц, аҳәарагь ҟаиҵоит абаҟа дмыргыларц ихьӡи ижәлеи мацара анырҵарц, иеибашьцәа анышә ишарҭоз еиԥш анышә дамардарц. Иара убасгьы, аԥсуа бираҟ иқәдыршәырц, анаҩс уи абираҟ иҭаацәа ирзаанрыжьырц.Аусмҩаԥгатә иалахәыз Владислав Арӡынба дыргәаладыршәеит минуҭктәи ҿымҭрала. Анаҩс игеит Аԥсны аҳәынҭқарра агимн.Аҭоурыхҭҵааҩ, апублицист Руслан Гәажәба иқәгылараҿ дазааҭгылеит, Владислав Арӡынба еснагь аҭҵаарадырра инапы шалакыз, аԥсуа жәлар ркультура, рҵас, рқьабз шҭиҵаауаз. Иара агәра ганы дыҟоуп Владислав Арӡынба машәыршәа анапхгараҿ дшымааиз - уи хыхьынтәи дшаашьҭыз.Уи ус шакәу зырҵабыргуа акәны еиҭеиҳәеит, Оҭҳара ақыҭан 1942 шықәсазы иҟалаз ахҭыс жәабыжь. Ашықәс рацәа змаз Хәырхәмал Кадыр ихылҵыз ааизиган ус реиҳәеит, ҳашьхақәа рҟынӡа анемеццәа шааиуа, аха акагьы шрылымшо. Хы-шықәса рышьҭахь аиааира ҳара ишаҳго."Иара убасгьы иҳәеит, Аџьынџьтәылатә еибашьра акыр шықәса ашьҭахь, Москвантәи Аԥсныҟа даауеит аҵара змоу 20 шықәса зхыҵуа арԥыс. Иара Аԥсны дахагылоит. Аибашьра ҟалоит, аха аԥсуаа аиааира ргоит ҳәа", - иҳәеит Гәажәба.Агәаларшәаратә хәылԥазы аҳәаақәа ирҭагӡаны имҩаԥган аконцерттә программа. Ашколхәыҷқәа Владислав Арӡынба изкыз ажәеинраалақәа ирыԥхьеит, ахәыҷтәы ансамбль "Адац" аԥсуа кәашарақәа нарыгӡеит, иара убасгьы асценахь ицәырҵит ансамбль "Риҵа", ашәаҳәаҩцәа Артур Лакрба, Сати Какәбааԥҳа, Мана, Анатоли Алҭеиба, Саида Цимцԥҳа, Денис Ҳагба, Владислав Арӡынба бзиа иибоз агәыԥ "Аԥсны-67".Ахәаԥшцәа идырбан еиуеиԥшым аамҭақәа рзы иҭыхыз Арӡынба иархивтә фотосахьақәа. Агәаларшәаратә хәылԥазы иалахәын Гәдоуҭа араион анапхгара, Аԥсны раԥхьатәи ахада иуацәа, аррамаҵурауаа, ауаажәларра рхаҭарнакцәа.Владислав Арӡынба диит лаҵара 14 1945 шықәсазы Аҟәа араион Ешыра ақыҭан. Иара аполитика ду ахь дааит 80-тәи ашықәсқәа рынҵәамҭазы, 1990 шықәсазы Аԥсны Иреиҳаӡоу Асовет Ахантәаҩыс далырхоит.Владислав Арӡынба ҩынтә Аԥсны ахадас далхын. Акыраамҭа ихьуаз ачымазара иахҟьаны иԥсҭазаара далҵит хәажәкыра 4 2010 шықәсазы.
https://sputnik-abkhazia.info/20230514/shyshysa-rakht-znyk-iiua---zhlar-rfyrkhaany-ialaz-vladislav-arynba-1045796284.html
https://sputnik-abkhazia.info/20230514/1045796855.html
гәдоуҭа араион
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа, гәдоуҭа араион
аԥсны, ажәабжьқәа, гәдоуҭа араион
Гәдоуҭа Аԥсны раԥхьатәи ахада игәалашәара иазкыз ахәылԥаз мҩаԥган
19:25 14.05.2023 (ирҿыцуп: 11:02 15.05.2023) Аԥсны раԥхьатәи ахада, жәлар рԥыза, иахьатәи Аԥсуа ҳәынҭкарра ашьаҭаркҩы Владислав Григори-иԥа Арӡынба иԥсы ҭаны ижәлар дрылагылазҭгьы иахьа ихыҵуазаарын 78 шықәса.
ГӘДОУҬА, лаҵара 14 – Sputnik, Бадри Есиава. Аԥсны раԥхьатәи ахада Владислав Арӡынба игәалашәара иазкыз ахәылԥаз мҩаԥган Гәдоуҭатәи Акультура ахан аҟны амҽыша, лаҵара 14 рзы.
Агәаларшәаратә хәылԥазы аартуа Сергеи Дбар ихьӡ зху Аԥсны Аџьынџьтәылатә еибашьра аҳәынҭқарратә музеи аиҳабы Гәыгәыца Џьыкырԥҳа илҳәеит Аԥсны аҭоурых аҟны ҳажәлар аӡи-амцеи ирылган еиқәзархоз Қьалышьбеи Чачба, Нестор Лакәаба дшынрывагылаз Владислав Арӡынба.
Иара убасгьы Гәыгәыца Џьыкырԥҳа даԥхьеит, Владислав Арӡынба игәабзиара ануашәшәыраха иҟаиҵаз иуасиаҭ ажәа. Уаҟа иаҳәоит, идунеи аниԥсахлак ашьҭахь Гәымсҭа ахықәан анышә дамардарц, аҳәарагь ҟаиҵоит абаҟа дмыргыларц ихьӡи ижәлеи мацара анырҵарц, иеибашьцәа анышә ишарҭоз еиԥш анышә дамардарц. Иара убасгьы, аԥсуа бираҟ иқәдыршәырц, анаҩс уи абираҟ иҭаацәа ирзаанрыжьырц.
Аусмҩаԥгатә иалахәыз Владислав Арӡынба дыргәаладыршәеит минуҭктәи ҿымҭрала. Анаҩс игеит Аԥсны аҳәынҭқарра агимн.
Аҭоурыхҭҵааҩ, апублицист Руслан Гәажәба иқәгылараҿ дазааҭгылеит, Владислав Арӡынба еснагь аҭҵаарадырра инапы шалакыз, аԥсуа жәлар ркультура, рҵас, рқьабз шҭиҵаауаз. Иара агәра ганы дыҟоуп Владислав Арӡынба машәыршәа анапхгараҿ дшымааиз - уи хыхьынтәи дшаашьҭыз.
Уи ус шакәу зырҵабыргуа акәны еиҭеиҳәеит, Оҭҳара ақыҭан 1942 шықәсазы иҟалаз ахҭыс жәабыжь. Ашықәс рацәа змаз Хәырхәмал Кадыр ихылҵыз ааизиган ус реиҳәеит, ҳашьхақәа рҟынӡа анемеццәа шааиуа, аха акагьы шрылымшо. Хы-шықәса рышьҭахь аиааира ҳара ишаҳго.
"Иара убасгьы иҳәеит, Аџьынџьтәылатә еибашьра акыр шықәса ашьҭахь, Москвантәи Аԥсныҟа даауеит аҵара змоу 20 шықәса зхыҵуа арԥыс. Иара Аԥсны дахагылоит. Аибашьра ҟалоит, аха аԥсуаа аиааира ргоит ҳәа", - иҳәеит Гәажәба.
Агәаларшәаратә хәылԥазы аҳәаақәа ирҭагӡаны имҩаԥган аконцерттә программа. Ашколхәыҷқәа Владислав Арӡынба изкыз ажәеинраалақәа ирыԥхьеит, ахәыҷтәы ансамбль "Адац" аԥсуа кәашарақәа нарыгӡеит, иара убасгьы асценахь ицәырҵит ансамбль "Риҵа", ашәаҳәаҩцәа Артур Лакрба, Сати Какәбааԥҳа, Мана, Анатоли Алҭеиба, Саида Цимцԥҳа, Денис Ҳагба, Владислав Арӡынба бзиа иибоз агәыԥ "Аԥсны-67".
Ахәаԥшцәа идырбан еиуеиԥшым аамҭақәа рзы иҭыхыз Арӡынба иархивтә фотосахьақәа. Агәаларшәаратә хәылԥазы иалахәын Гәдоуҭа араион анапхгара, Аԥсны раԥхьатәи ахада иуацәа, аррамаҵурауаа, ауаажәларра рхаҭарнакцәа.
Владислав Арӡынба диит лаҵара 14 1945 шықәсазы Аҟәа араион Ешыра ақыҭан. Иара аполитика ду ахь дааит 80-тәи ашықәсқәа рынҵәамҭазы, 1990 шықәсазы Аԥсны Иреиҳаӡоу Асовет Ахантәаҩыс далырхоит.
Владислав Арӡынба ҩынтә Аԥсны ахадас далхын. Акыраамҭа ихьуаз ачымазара иахҟьаны иԥсҭазаара далҵит хәажәкыра 4 2010 шықәсазы.
