https://sputnik-abkhazia.info/20230514/shyshysa-rakht-znyk-iiua---zhlar-rfyrkhaany-ialaz-vladislav-arynba-1045796284.html
"Шәышықәса рахьтә знык ииуа" - жәлар рфырхаҵаны иҟалаз Владислав Арӡынба
"Шәышықәса рахьтә знык ииуа" - жәлар рфырхаҵаны иҟалаз Владислав Арӡынба
Sputnik Аҧсны
Жәлар рыбзиабара иалнахыз, ҳаамҭазтәи аԥсуа ҳәынҭқарра ашьаҭаркҩы, амилаҭтә фырхаҵа, Аԥсны раԥхьатәи ахада Владислав Арӡынба игәалашәара иазкуп Нарҭдырреи... 14.05.2023, Sputnik Аҧсны
2023-05-14T18:19+0300
2023-05-14T18:19+0300
2023-05-14T18:19+0300
аналитикеи аиҿцәажәарақәеи
аԥсны
ажәабжьқәа
жәлар рдоуҳа
https://cdnn1.img.sputnik-abkhazia.info/img/101440/92/1014409299_0:60:1024:636_1920x0_80_0_0_c02963d0058428fbc225a3244942bd8e.jpg
Аԥсны аҭоурых иагмызт афырхацәа ажәлар рыԥсҭазаара зыԥсҭазаараз, рхьаа зхьааз, урҭ рыхьчараз иқәԥоз, ацәгьаҩцәа ирҿагылоз. Ас еиԥш иҟаз жәлар рфырхацәа аԥхьарца ианҵаны ашәақәа рзыркуан, аҳәамҭақәа аԥырҵон. Салуман Бӷажәба, Смыр Гәдиса, Наԥҳа Кьагәа, Кьахьба Ҳаџьараҭ уҳәа жәлар фырхацәаны аԥсуа ҭоурыхтә-фырхаҵаратә ҳәамҭақәа рҿы ишаанхаз еиԥш жәлар дырфырхаҵаны, хашҭра зқәым ҭоурыхтә хаҿсахьаны даанхоит аамҭак иҳацаныз Аԥсны раԥхьатәи ахада Владислав Арӡынба. Уи зны Аԥсҳа дидыркылоит, зны Нарҭ Сасрыҟәа ихаҿсахьа дазааигәоуп уҳәап, мамзаргьы Абрыскьыл еиԥш згәы амца ҭашуа.Баграт Шьынқәба иажәеинраалоу ироман "Ахра ашәа" аҟны ишиҩуа еиԥш: "Жәлар рыбзиабара ҟьалан иааӡом, иалнахыз – далнахит, иаԥсам – дабаӡом!" ҳәа Владислав Арӡынба ажәлар рыбзиабара иалнахыз дыруаӡәкуп. Иара ажәлар ргәаҿы даанхоит урҭ рхақәиҭратә қәԥара иаԥхьагылаҩыз, аиааира рзаазгаз иакәны. Аԥхьарца ианҵаны ашәа ззыркуаз реиԥш иаргьы милаҭтә фырхаҵаны, дыԥсҿыхгаҩны дҟалеит.Владислав Арӡынба изку архивқәа уанрыхәаԥшуа ашәышықәсақәа иргәылыҩуа бжьык уаҳауашәа иаҩызоуп. Ирҳәоит ас еиԥш иҟоу афырхацәа шәышықәса рахь знык ауп ианииуа ҳәа.Жәлар рфырхаҵа есааиратәи иқәԥара зызку иԥсадгьыл ахьчара, ижәлар реиқәырхара ацәхьамҵра ауп иҿагыло амчқәа егьа ирацәазаргьы. Ижәлар зҭагылоу агәаҟра иара ихымԥсаауа гәырҩоуп. Уи иазыҟазаашьа дара ажәларгьы ицаҳәцаҳәуа ирныруан. Жәлар рфырхаҵа иакәымзар иззыгәаӷьуадаз "Жәлар рылахь соуааит абри сызқәылаз амҩа сацәхьаҵран сҟалозар!" ҳәа ҭоуба аура…Аԥсуаа рҳәамҭақәа ирҳәоит ажәытәан аибашьҩы иниҵашаз ақәра наӡа аҟынӡа аламала дышзымнеиуаз. Ус акәхеит Владислав Арӡынбагьы – абыргхара, ашлара дахьымӡеит, аибашьҩы иқәра дҭысны иҟамлеит. Иара аԥсуа жәлар рзы зыжәлар ргәышьҭыхра зылшаз политикны мацара акәымкәа доуҳатә ԥызаны дҟалеит, ижәларгьы рыбзиабара зицу уиазоуп…
https://sputnik-abkhazia.info/20240514/vladislav-arynba-iazhei-iaamei-1045759768.html
https://sputnik-abkhazia.info/20230514/1045796855.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Есма Ҭодуаԥҳа
https://cdnn1.img.sputnik-abkhazia.info/img/102963/74/1029637432_634:0:1967:1333_100x100_80_0_0_6428449d26d913d4418a6902209f10ec.jpg
Есма Ҭодуаԥҳа
https://cdnn1.img.sputnik-abkhazia.info/img/102963/74/1029637432_634:0:1967:1333_100x100_80_0_0_6428449d26d913d4418a6902209f10ec.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Есма Ҭодуаԥҳа
https://cdnn1.img.sputnik-abkhazia.info/img/102963/74/1029637432_634:0:1967:1333_100x100_80_0_0_6428449d26d913d4418a6902209f10ec.jpg
аналитикеи аиҿцәажәарақәеи, аԥсны, ажәабжьқәа, жәлар рдоуҳа
аналитикеи аиҿцәажәарақәеи, аԥсны, ажәабжьқәа, жәлар рдоуҳа
"Шәышықәса рахьтә знык ииуа" - жәлар рфырхаҵаны иҟалаз Владислав Арӡынба
Есма Ҭодуаԥҳа
НААР аҭҵаарадырратә усзуҩ
Жәлар рыбзиабара иалнахыз, ҳаамҭазтәи аԥсуа ҳәынҭқарра ашьаҭаркҩы, амилаҭтә фырхаҵа, Аԥсны раԥхьатәи ахада Владислав Арӡынба игәалашәара иазкуп Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа иахьатәи ланҵамҭа.
Аԥсны аҭоурых иагмызт афырхацәа ажәлар рыԥсҭазаара зыԥсҭазаараз, рхьаа зхьааз, урҭ рыхьчараз иқәԥоз, ацәгьаҩцәа ирҿагылоз. Ас еиԥш иҟаз жәлар рфырхацәа аԥхьарца ианҵаны ашәақәа рзыркуан, аҳәамҭақәа аԥырҵон. Салуман Бӷажәба, Смыр Гәдиса, Наԥҳа Кьагәа, Кьахьба Ҳаџьараҭ уҳәа жәлар фырхацәаны аԥсуа ҭоурыхтә-фырхаҵаратә ҳәамҭақәа рҿы ишаанхаз еиԥш жәлар дырфырхаҵаны, хашҭра зқәым ҭоурыхтә хаҿсахьаны даанхоит аамҭак иҳацаныз Аԥсны раԥхьатәи ахада Владислав Арӡынба. Уи зны Аԥсҳа дидыркылоит, зны Нарҭ Сасрыҟәа ихаҿсахьа дазааигәоуп уҳәап, мамзаргьы Абрыскьыл еиԥш згәы амца ҭашуа.
Баграт Шьынқәба иажәеинраалоу ироман "Ахра ашәа" аҟны ишиҩуа еиԥш: "Жәлар рыбзиабара ҟьалан иааӡом, иалнахыз – далнахит, иаԥсам – дабаӡом!" ҳәа Владислав Арӡынба ажәлар рыбзиабара иалнахыз дыруаӡәкуп. Иара ажәлар ргәаҿы даанхоит урҭ рхақәиҭратә қәԥара иаԥхьагылаҩыз, аиааира рзаазгаз иакәны. Аԥхьарца ианҵаны ашәа ззыркуаз реиԥш иаргьы милаҭтә фырхаҵаны, дыԥсҿыхгаҩны дҟалеит.
Владислав Арӡынба изку архивқәа уанрыхәаԥшуа ашәышықәсақәа иргәылыҩуа бжьык уаҳауашәа иаҩызоуп. Ирҳәоит ас еиԥш иҟоу афырхацәа шәышықәса рахь знык ауп ианииуа ҳәа.
Жәлар рфырхаҵа есааиратәи иқәԥара зызку иԥсадгьыл ахьчара, ижәлар реиқәырхара ацәхьамҵра ауп иҿагыло амчқәа егьа ирацәазаргьы. Ижәлар зҭагылоу агәаҟра иара ихымԥсаауа гәырҩоуп. Уи иазыҟазаашьа дара ажәларгьы ицаҳәцаҳәуа ирныруан. Жәлар рфырхаҵа иакәымзар иззыгәаӷьуадаз "Жәлар рылахь соуааит абри сызқәылаз амҩа сацәхьаҵран сҟалозар!" ҳәа ҭоуба аура…
Аԥсуаа рҳәамҭақәа ирҳәоит ажәытәан аибашьҩы иниҵашаз ақәра наӡа аҟынӡа аламала дышзымнеиуаз. Ус акәхеит Владислав Арӡынбагьы – абыргхара, ашлара дахьымӡеит, аибашьҩы иқәра дҭысны иҟамлеит. Иара аԥсуа жәлар рзы зыжәлар ргәышьҭыхра зылшаз политикны мацара акәымкәа доуҳатә ԥызаны дҟалеит, ижәларгьы рыбзиабара зицу уиазоуп…
