Пограничный пост Псоу - Sputnik Аҧсны, 1920
Аԥсны араионқәеи ақалақьқәеи реиҿкаара

Дочиа: Тҟәарчал апарк хада аиҭашьақәыргылара хара имгакәа ихыркәшахоит

© Sputnik / Томас Тхайцук Реконструкция центрального парка городе Ткуарчал
Реконструкция центрального парка городе Ткуарчал - Sputnik Аҧсны, 1920, 26.06.2023
Анапаҵаҩра
НовостиTelegram
Тҟәарчал апарк хада аиҭашьақәыргылараз аԥара азоужьуп аҭыԥантәии ареспубликатәии абиуџьетқәа рҟынтәи.
АҞӘА, рашәара 26 – Sputnik, Асмаҭ Ҵәыџьԥҳа. Тҟәарчал араион ахада Исидор Дочиа Тҟәарчал апарк хада аиҭашьақәыргылара хара имгакәа ихыркәшахоит ҳәа азгәеиҭеит.
Иара иҳәеит 2022 шықәсазы излагаз аусурақәа иарбаз аамҭала уажәшьҭа ихдыркәшахьазр шакәыз.
"Иҟаз агхақәа азгәаҭаны иҳаӡбеит аус аҵыхәтәанынӡа инаҳагӡарц", - ҳәа иҳәеит иара.
Дочиа иажәақәа рыла, апарк аҿы ахаҳәҟьаԥс шьҭаҵоуп, иаахәоуп ахәыҷтәии аспорттәии плошьадкақәа, аԥқьаҭасразы астолқәа, иргылоуп афымцатәшьаҟақәа.
Араион ахада иҳәеит ишазгәаҭоу аӡыршә. Уи асовет аамҭақәа раахысгьы ихыркәшамкәа инханы иҟоуп.
Араион ахадара иазԥхьагәанаҭоит Аиааиреи Ахьыԥшымреи 30-шықәса рхыҵра амшаз иаадыртырц. Аусурақәа рыхәԥса 35 миллион мааҭ итәоит. Тҟәарчал апарк хада аиҭашьақәыргылараз аԥара азоужьуп аҭыԥантәии ареспубликатәии абиуџьетқәа рҟынтәи.
Ажәабжьқәа зегьы
0