https://sputnik-abkhazia.info/20230704/aparlament-ausuramsha-lasha-ashba-azinarat-usbara-aus-shaua-dalatsazheit-1046701249.html
Апарламент аусурамшқәа: Лаша Ашәба азинԥҵаратә усбарҭа аус шауа далацәажәеит
Апарламент аусурамшқәа: Лаша Ашәба азинԥҵаратә усбарҭа аус шауа далацәажәеит
Sputnik Аҧсны
Аԥсны Жәлар Реизара – Апарламент аиҳабы Лаша Ашәба арадио Sputnik Аԥсны апрограмма "Наҟ-ааҟтәи аинтерес" амҩаԥгаҩ изҵаарақәа рҭак ҟаиҵеит. 04.07.2023, Sputnik Аҧсны
2023-07-04T13:10+0300
2023-07-04T13:10+0300
2023-07-04T13:16+0300
аԥсны
ажәабжьқәа
лаша ашәба
https://cdnn1.img.sputnik-abkhazia.info/img/07e7/06/1d/1046615198_0:160:3072:1888_1920x0_80_0_0_f3355ef3534cc0c7edd4c39bfd115efb.jpg
АҞӘА, ԥхынгәы 3 – Sputnik. 2022 шықәса аҩнуҵҟа имҩаԥган аофициалтә ҩаӡара аиԥш аусутә формат змаз аиԥыларақәа жәпакы Урыстәылатәи Афедерациаҟынтәи ҳколлегацәеи ҳареи ҳабжьара иҳәеит арадио Sputnik аинтервиу азҭаз Апарламент аиҳабы Лаша Ашәба. Аԥсны азакәанԥҵаратә мчра ахәҭа аиҳабы агәыӷра ааирԥшит Урыстәыла апарламенттә структурақәа рымадареи рнырреи атәылақәа рыҩбагьы рзы хра шамоу. Аԥсны Апарламент аиҳабы иара убасгьы еиҭеиҳәеит Аԥсни Урыстәылеи рзакәанԥҵарақәа реишьашәаларақәа рзы аусурақәа шцо. Иара иажәақәа рыла, ари апроцесс маҷк ишьшьылаҳауп. "Иазгәаҭатәуп ари аус маҷк ишьшьылаҳаны ишцо, ҳшақәгәыӷуаз аасҭа. Азакәанқәа реишьаршәалара азԥхьагәаҭан 2014 шықәсазы анапы зҵарҩыз Аиқәшаҳаҭра аҳәаақәа ирҭагӡаны. Иара убасгьы уа иазгәаҭан азҵаара рацәа – аинфраструктура, аҳаирбаӷәаза, аҳәаа уҳәа реиԥш иҟақәоу. Азҵаара еиԥыларацыԥхьаӡа ҳалацәажәоит, аха аганқәа рыҩба рзы ихымԥадатәиу аӡбара амоуцт, избанзар аҳәааҿы арежим ырмариатәуп", - ҳәа иҳәеит иара. Ашәба иара убасгьы иҳәеит Аԥсни Урыстәылеи ртәылауаа ԥкрада, иманшәаланы аҳәаа иахыслар шакәу. Иара убасгьы дазааҭгылеит аԥснытәи аделегациа Петербургтәи жәларбжьаратәи аекономикатә форум алахәра атәы. "Ишыжәдыруа аиԥш, Петербургтәи жәларбжьаратәи аекономикатә форум – аекономика аусхк аҟны есышықәса имҩаԥырго уснагӡатәуп, зегь раасҭа зымҽхак ҭбаау форумуп. Атәылақәа рхадацәа, афедерациатә субиектқәа рхаҭарнакцәа, агубернаторцәа, анаплакыҩцәа дуқәа алахәуп. ИАР аҵакыраҿы реиҳа еиҳау политикатә, економикатә хҭысуп", – иҳәеит Ашәба. Петербургтәи жәларбжьаратәи аекономикатә форум убри инадҳәаланы Аԥсны азы аинтерес ду аҵан ҳәа иҳәеит Лаша Ашәба.
https://sputnik-abkhazia.info/20230614/asny-alakhup-peterburg-imaysua-zhlarbzharati-aekonomikat-forum--1046335109.html
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, лаша ашәба
Апарламент аусурамшқәа: Лаша Ашәба азинԥҵаратә усбарҭа аус шауа далацәажәеит
13:10 04.07.2023 (ирҿыцуп: 13:16 04.07.2023) Аԥсны Жәлар Реизара – Апарламент аиҳабы Лаша Ашәба арадио Sputnik Аԥсны апрограмма "Наҟ-ааҟтәи аинтерес" амҩаԥгаҩ изҵаарақәа рҭак ҟаиҵеит.
АҞӘА, ԥхынгәы 3 – Sputnik. 2022 шықәса аҩнуҵҟа имҩаԥган аофициалтә ҩаӡара аиԥш аусутә формат змаз аиԥыларақәа жәпакы Урыстәылатәи Афедерациаҟынтәи ҳколлегацәеи ҳареи ҳабжьара иҳәеит арадио Sputnik аинтервиу азҭаз Апарламент аиҳабы Лаша Ашәба.
"Имҩаԥган Аԥсны Апарламент аделегациа Урыстәылатәи Афедерациахь официалтә ҟазшьала рнеира. Ари асеиԥштәи аҭагылазаашьала ираԥхьатәиз еиԥыларан. 2022 шықәса ԥхынҷкәын 1 азы Аԥсны иаҭааит Аҳәынҭқарратә Дума ахада Виачеслав Виктор-иԥа Володин зхадараҿы дыҟаз Аҳәынҭқарратә дума аделегациа. Анапы аҵаҩын Аԥсны Апарламенти Аҳәынҭқарратә думеи рыбжьара аусеицуразы Аиқәшаҳаҭра", - иҳәеит Ашәба.
Аԥсны азакәанԥҵаратә мчра ахәҭа аиҳабы агәыӷра ааирԥшит Урыстәыла апарламенттә структурақәа рымадареи рнырреи атәылақәа рыҩбагьы рзы хра шамоу. Аԥсны Апарламент аиҳабы иара убасгьы еиҭеиҳәеит Аԥсни Урыстәылеи рзакәанԥҵарақәа реишьашәаларақәа рзы аусурақәа шцо. Иара иажәақәа рыла, ари апроцесс маҷк ишьшьылаҳауп.
"Иазгәаҭатәуп ари аус маҷк ишьшьылаҳаны ишцо, ҳшақәгәыӷуаз аасҭа. Азакәанқәа реишьаршәалара азԥхьагәаҭан 2014 шықәсазы анапы зҵарҩыз Аиқәшаҳаҭра аҳәаақәа ирҭагӡаны. Иара убасгьы уа иазгәаҭан азҵаара рацәа – аинфраструктура, аҳаирбаӷәаза, аҳәаа уҳәа реиԥш иҟақәоу. Азҵаара еиԥыларацыԥхьаӡа ҳалацәажәоит, аха аганқәа рыҩба рзы ихымԥадатәиу аӡбара амоуцт, избанзар аҳәааҿы арежим ырмариатәуп", - ҳәа иҳәеит иара.
Ашәба иара убасгьы иҳәеит Аԥсни Урыстәылеи ртәылауаа ԥкрада, иманшәаланы аҳәаа иахыслар шакәу. Иара убасгьы дазааҭгылеит аԥснытәи аделегациа Петербургтәи жәларбжьаратәи аекономикатә форум алахәра атәы.
"Ишыжәдыруа аиԥш, Петербургтәи жәларбжьаратәи аекономикатә форум – аекономика аусхк аҟны есышықәса имҩаԥырго уснагӡатәуп, зегь раасҭа зымҽхак ҭбаау форумуп. Атәылақәа рхадацәа, афедерациатә субиектқәа рхаҭарнакцәа, агубернаторцәа, анаплакыҩцәа дуқәа алахәуп. ИАР аҵакыраҿы реиҳа еиҳау политикатә, економикатә хҭысуп", – иҳәеит Ашәба.
Петербургтәи жәларбжьаратәи аекономикатә форум убри инадҳәаланы Аԥсны азы аинтерес ду аҵан ҳәа иҳәеит Лаша Ашәба.
