https://sputnik-abkhazia.info/20230706/aibashra-ialakhyz-azhibei-apuaai-iiulti-azhylara-iazkny-1046754276.html
Аибашьра иалахәыз: Ажьибеи Џьапуаԥҳаи Ииультәи ажәылара иазкны
Аибашьра иалахәыз: Ажьибеи Џьапуаԥҳаи Ииультәи ажәылара иазкны
Sputnik Аҧсны
1993 шықәса ԥхынгәымзазы имҩаԥган Аԥсны жәлар Рџьынџьтәылатә еибашьраҟны иҷыдоу аҭыԥ аанызкыло ажәылара. Уи аԥхьа акымкәа иманшәаламхаз аоперациақәа рышьҭахь... 06.07.2023, Sputnik Аҧсны
2023-07-06T20:00+0300
2023-07-06T20:00+0300
2023-07-06T20:05+0300
арадио
аԥсны
аподкаст
https://cdnn1.img.sputnik-abkhazia.info/img/07e7/07/06/1046754946_0:0:1280:721_1920x0_80_0_0_e87e38e366d239b7f8b9286c3e2a0191.jpg
Аибашьра иалахәыз: Ажьибеи Џьапуаԥҳаи Ԥхынгәымзатәи ажәылара иазкны
Sputnik Аҧсны
Аибашьра иалахәыз: Ажьибеи Џьапуаԥҳаи Ԥхынгәымзатәи ажәылара иазкны
1993 шықәса ԥхынгәымзазы имҩаԥган Аԥсны жәлар Рџьынџьтәылатә еибашьраҟны иҷыдоу аҭыԥ аанызкыло ажәылара. Уи аԥхьа акымкәа иманшәаламхаз аоперациақәа рышьҭахь, аԥсуа архәҭақәа даҽазнык ижәылеит ақырҭқәа ирымпыҵархалаз рыдгьылқәа рхақәиҭтәразы. Ажәылара иалахәын аҩфронткгьы - Гәымсҭатәии Мрагыларатәии.Гәымсҭатәи афронт аҿы ажәылара иалагеит ԥхынгәы 2 ауха. Раԥхьа Лада Ешыра актәи абригада ахԥатәи абаталион жәылеит. Дара аԥшыхәратә рота рыцхыраарала ирылшеит Гәымсҭа ирны рхахьы аӷа ихьарԥшра, егьырҭ абаталионқәа Ҩада Ешыра ижәылонаҵы. Ихадоу ажәылара ҳәа иԥхьаӡан Гәымсҭатәи афронт арымаратәи аган - уа Ахалшени-Камантәии Аҳабҩықә-Абыӡахәтәии (Цугуровка) ахырхарҭақәа рыла аҩбатәи абригада аӷа ааха ирҭар акәын. Ԥхынгәы 3 асааҭ 16 рзы а-4-тәи абаталион еибашьны иргеит Аҳбиук аҳаракыра, аха ирзаанымкылеит. Егьырҭ ах-баталионк аҳаракырақәа Аҳабҩықә-Абыӡахә (Цугуровка) рышҟа ихалеит, аха минала ирыԥхыз адәы ирнаҭомызт ԥхьаҟа аиҭаҵха, шьҭахьҟа илыбаар акәхеит. Аҩбатәи абригада арыӷьарахьтәи аган аҟны ажәылара хыбгаларц ианаҿыз аамҭазы, армаратәи аган аҿы иманшәалахеит. Ешыра - Афонтәи абаталион аибашьцәа ирылшеит ақыҭа Каман ахақәиҭтәра.30 шықәса раԥхьа иҟаз аибашьра ахҭысқәа арадио Sputnik аефир аҟны иргәаладыршәеит абаталион "Горец" аибашьҩы, Леон иорден занашьоу Арсен Ажьибеи Ешыра-Афонтәи абаталион амедеҳәшьа, Леон иорден занашьоу Шьазина Џьапуаԥҳаи.Аицәажәара шәаҳар шәылшоит аудиофаил аҟны хыхь.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, аудио
Аибашьра иалахәыз: Ажьибеи Џьапуаԥҳаи Ииультәи ажәылара иазкны
20:00 06.07.2023 (ирҿыцуп: 20:05 06.07.2023) 1993 шықәса ԥхынгәымзазы имҩаԥган Аԥсны жәлар Рџьынџьтәылатә еибашьраҟны иҷыдоу аҭыԥ аанызкыло ажәылара. Уи аԥхьа акымкәа иманшәаламхаз аоперациақәа рышьҭахь, аԥсуа архәҭақәа даҽазнык ижәылеит ақырҭқәа ирымпыҵархалаз рыдгьылқәа рхақәиҭтәразы. Ажәылара иалахәын аҩфронткгьы - Гәымсҭатәии Мрагыларатәии.
Гәымсҭатәи афронт аҿы ажәылара иалагеит ԥхынгәы 2 ауха. Раԥхьа Лада Ешыра актәи абригада ахԥатәи абаталион жәылеит. Дара аԥшыхәратә рота рыцхыраарала ирылшеит Гәымсҭа ирны рхахьы аӷа ихьарԥшра, егьырҭ абаталионқәа Ҩада Ешыра ижәылонаҵы. Ихадоу ажәылара ҳәа иԥхьаӡан Гәымсҭатәи афронт арымаратәи аган - уа Ахалшени-Камантәии Аҳабҩықә-Абыӡахәтәии (Цугуровка) ахырхарҭақәа рыла аҩбатәи абригада аӷа ааха ирҭар акәын. Ԥхынгәы 3 асааҭ 16 рзы а-4-тәи абаталион еибашьны иргеит Аҳбиук аҳаракыра, аха ирзаанымкылеит. Егьырҭ ах-баталионк аҳаракырақәа Аҳабҩықә-Абыӡахә (Цугуровка) рышҟа ихалеит, аха минала ирыԥхыз адәы ирнаҭомызт ԥхьаҟа аиҭаҵха, шьҭахьҟа илыбаар акәхеит. Аҩбатәи абригада арыӷьарахьтәи аган аҟны ажәылара хыбгаларц ианаҿыз аамҭазы, армаратәи аган аҿы иманшәалахеит. Ешыра - Афонтәи абаталион аибашьцәа ирылшеит ақыҭа Каман ахақәиҭтәра.
30 шықәса раԥхьа иҟаз аибашьра ахҭысқәа
арадио Sputnik аефир аҟны иргәаладыршәеит абаталион "Горец" аибашьҩы, Леон иорден занашьоу Арсен Ажьибеи Ешыра-Афонтәи абаталион амедеҳәшьа, Леон иорден занашьоу Шьазина Џьапуаԥҳаи.
Аицәажәара шәаҳар шәылшоит аудиофаил аҟны хыхь.
