https://sputnik-abkhazia.info/20230814/gal-ay-ma-ma-iouryshloit-aararaa-irykhany-1047499872.html
Гал аӡоушьҭра еиԥҟьоит аарҩарақәа ирыхҟьаны
Гал аӡоушьҭра еиԥҟьоит аарҩарақәа ирыхҟьаны
Sputnik Аҧсны
ГалМедиа ишаанацҳауа ала, мышқәак ирылагӡаны Гал араион аҿы аӡы хәба-хәба сааҭ ҳәа идырцәалар ҟалоит. 14.08.2023, Sputnik Аҧсны
2023-08-14T21:55+0300
2023-08-14T21:55+0300
2023-08-14T22:05+0300
аԥсны
ажәабжьқәа
ауаажәларра
https://cdnn1.img.sputnik-abkhazia.info/img/07e7/04/06/1045121149_0:131:3068:1857_1920x0_80_0_0_0ce33185465921ecfbf846674b90b95d.jpg
АҞӘА, нанҳәа 14 – Sputnik, Асмаҭ Ҵәыџьԥҳа. Гал араион аҿы аӡы аиԥҟьара зыхҟьаз аарҩарақәа ирыхҟьаны аӡеизгарҭақәа рҿы аӡы аҩаӡара ахьылаҟәыз азоуп. Абри атәы Sputnik акорреспондент илзеиҭеиҳәеит араион ахада актәи ихаҭыԥуаҩ, ақалақьтә нхамҩа аусбарҭа аиҳабы Дмитри Адлеиба.Иара иажәақәа рыла, аӡеизгарҭақәа рахь аӡы неиуеит Кавказтәи ашьхеибаркыра хыхьтәи ахәҭаҟынтәи илбааҽҽаны иаауа аӡқәа ирыбзоураны.Аарҩарақәа рнаҩсгьы, аҭагылазаашьа еиҳагьы идыруадаҩуеит аӡымҩангагақәа ахькылҵәоу. Иахьатәи аамҭазы ҩажәаџьара убас аӡы ахьацәцо рыԥшаахьеит иҳәеит Адлеиба, урҭ рахьтә 10 ҭыԥк рҿыгҳара дууп. Араион ахада ихаҭыԥуаҩ иазгәеиҭеит Гал араион аҿы аӡы еиԥҟьалоит ҳазҭало амчыбжь зегьы иалагӡаны ҳәа. Ашьхараҿы ақәа шлеилак, аԥсабаратә ӡеизгарҭақәа ҭәуеит, убасҟан акранқәа рҿгьы аӡрыжәтә неиуеит, аӡымҩангагақәа аӡы рыцәцозаргьы.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ауаажәларра
Гал аӡоушьҭра еиԥҟьоит аарҩарақәа ирыхҟьаны
21:55 14.08.2023 (ирҿыцуп: 22:05 14.08.2023) ГалМедиа ишаанацҳауа ала, мышқәак ирылагӡаны Гал араион аҿы аӡы хәба-хәба сааҭ ҳәа идырцәалар ҟалоит.
АҞӘА, нанҳәа 14 – Sputnik, Асмаҭ Ҵәыџьԥҳа. Гал араион аҿы аӡы аиԥҟьара зыхҟьаз аарҩарақәа ирыхҟьаны аӡеизгарҭақәа рҿы аӡы аҩаӡара ахьылаҟәыз азоуп. Абри атәы Sputnik акорреспондент илзеиҭеиҳәеит араион ахада актәи ихаҭыԥуаҩ, ақалақьтә нхамҩа аусбарҭа аиҳабы Дмитри Адлеиба.
Иара иажәақәа рыла, аӡеизгарҭақәа рахь аӡы неиуеит Кавказтәи ашьхеибаркыра хыхьтәи ахәҭаҟынтәи илбааҽҽаны иаауа аӡқәа ирыбзоураны.
"Ашьхарақәа рҟынтәи аԥсабаратә ӡыршьҭрақәеи ауаҩы инапала иҟаиҵаз аӡыршьҭрақәеи рыла илбааны аӡеизгарҭақәа аӡы рҭалоит, уантәи аӡымҩангагақәа ҩба рыла ақалақь аладатәии аҩадатәии ахәҭақәа рахь ицоит. Арҭ ацәаҳәақәа рыла Тҟәарчал араион ақыҭақәакгьы аӡы роуеит", - иҳәеит иара.
Аарҩарақәа рнаҩсгьы, аҭагылазаашьа еиҳагьы идыруадаҩуеит аӡымҩангагақәа ахькылҵәоу. Иахьатәи аамҭазы ҩажәаџьара убас аӡы ахьацәцо рыԥшаахьеит иҳәеит Адлеиба, урҭ рахьтә 10 ҭыԥк рҿыгҳара дууп.
Араион ахада ихаҭыԥуаҩ иазгәеиҭеит Гал араион аҿы аӡы еиԥҟьалоит ҳазҭало амчыбжь зегьы иалагӡаны ҳәа. Ашьхараҿы ақәа шлеилак, аԥсабаратә ӡеизгарҭақәа ҭәуеит, убасҟан акранқәа рҿгьы аӡрыжәтә неиуеит, аӡымҩангагақәа аӡы рыцәцозаргьы.
