https://sputnik-abkhazia.info/20231005/zeg-ryla-dyrshygan-gagra-akhaitraan-iakhaz-daur-aiba-izkny-1048436748.html
"Зегь рыла дҿырԥшыган": Гагра ахақәиҭтәраан иҭахаз Даур Аиба изкны
"Зегь рыла дҿырԥшыган": Гагра ахақәиҭтәраан иҭахаз Даур Аиба изкны
Sputnik Аҧсны
Жьҭаарамза 1992 шықәсазы, Гагра араион ақырҭуа мпыҵахалаҩцәа рҟнытә ахы ақәиҭтәразы ажәыларатә аоперациа ианалага, абџьар шимамызгьы, иҩызцәа дрыцны аӷа... 05.10.2023, Sputnik Аҧсны
2023-10-05T19:25+0300
2023-10-05T19:25+0300
2023-10-05T22:20+0300
аԥсны
аԥсны
аналитикеи аиҿцәажәарақәеи
аибашьра аҭоурыхқәа: аиааира 30 шықәса
https://cdnn1.img.sputnik-abkhazia.info/img/102311/19/1023111932_0:156:3001:1844_1920x0_80_0_0_673ccb30cc4c2143f4d921dde05e0feb.jpg
Жьҭаарамза 1992 шықәсазы, Гагра араион ақырҭуа мпыҵахалаҩцәа рҟнытә ахы ақәиҭтәразы ажәыларатә аоперациа ианалага, абџьар шимамызгьы, иҩызцәа дрыцны аӷа диҿагылоит 27 шықәса зхыҵуаз оҭҳаратәи арԥыс Даур Аиба. Иара дҭахоит Ԥсахара ақыҭан, ақырҭцәа рганахь аграната аниршәуаз аамҭазы. Арԥыс инысымҩа анылҵеит Sputnik акорреспондент Саида Жьиԥҳа иҭаца Циала Еныкьԥҳа лажәақәа рыла.Аԥсны Аџьынџьтәылатәи аибашьра аламҭалазы, Даур Аиба аус ахьиуаз Аҟәатәи аҩызауад аҟны аԥсшьарамшқәа ганы ашьхаҟа дцоит. Ахьшьцәа ажәабжь хлымӡаах анраҳа, аӡәаӡәала ишеибырҳәоз Даур иҟынӡагьы инаӡоит. Арԥыс иаразнак аҩныҟа Оҭҳараҟа даауеит. Даур иҭаацәараҟны фҩык ахшара ыҟан, хәҩык аишьцәеи аиаҳәшьеи. Дара раб Алықьсеи ран Бубчка Барцыцԥҳаи ахәыҷқәа иҿырԥшыганы ирааӡеит. Уи арҵабыргуеит, ҷыдала Даур итәы уҳәозар, Қарҭ аррамаҵура данахысуаз икомандаҟаҵаҩцәа ирҭаз аҟазшьарба. Ажәакала, Аԥсны ашәарҭара ианҭагыла Алықьсеи Бубчкеи рԥацәа рыхәҩыкгьы фырхаҵарала рыԥсадгьыл аҿаԥхьа руалԥшьақәа рынагӡара иалагоит. Даур Гагра ахырхарҭахь Реваз Аибеи Руслан Папбеи дрыцны даауеит. Ԥсахара ирықәшәоит ирдыруаз аҷкәынцәа гәыԥҩык. Араҟа иахәҭакхоит Гәылик Еныкь икоманда. "Раԥхьатәи амшқәа рзы абџьар ыҟамызт. Аҷкәынцәа инеиҭак-ааиҭакуа акәын аибашьратә цәаҳәаҿы иштәаз. Гагратәи аоперациа уамак шагмыз, Даур автомат иҩыза иҭаны Оҭҳараҟа даауеит. Араҟа иаҳауеит жьҭаара 2 рзы жәылара ишдәықәло. Абџьар шимамзгьы, напышьашәала аӷа сиҿагылоит ҳәа иҩызцәа дрыхьӡоит", - лҳәоит иҭаца Циала Еныкьԥҳа. Даур аибашьцәа дрыцны Гагра ақалақь аҭарцәра иҽалаирхәоит. Иара уажәтәила абџьар имамызт, аха идыркоит агранатақәа. Ус ӷәӷәала аиҿахысрақәа ирықәшәоит Ԥсахара ақырҭуа школ ааигәара. Ҳаибашьцәа ишьҭаианы ихысуан. Раԥхьаҟа аӷацәа ааиуашәа аниба, ахышьҭхра шыҟамлозгьы, Даур дҩагылан агранатақәа иршәуа далагеит, аха убри аамҭазы аӷа апулемиот ала Даур диеихсуеит. Арԥыс имгәа иақәшәаз ахы икьатеиқәа ҭнагоит. Уажәшьҭа дышнымхоз дырны, "сышәшьы" ҳәа иҩызцәа рахь аҳәара ҟаиҵоит, аха дара Гәдоуҭатәи агоспиталь ахь дыршьҭуеит. Даур иоуз ахәра дзаиааиуам, аҽныцәҟьа иԥсҭазаара далҵуеит. Даур Аиба данҭаха ашьҭахь ианашьан "Агәымшәаразы" амедал. Иара аҭаацәара даламлацкәа дыҟан. Аԥсҭазаара зызхара иззымбаз аибашьҩы ихьӡ иацызҵашаз ахылҵ димамкәа дымҩасит. Ус шаҟаҩы…
https://sputnik-abkhazia.info/20231003/gagroup-aiaaira-ashaa-akhakyz-aibashy-ofik-tskua-igalasharaa-1048419535.html
https://sputnik-abkhazia.info/20231002/azhylara-rakhati-amsh-gagra-akhaitraan-iakhaz-aibashy-vasili-bazba-izkny-1048410723.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
аԥсны, аналитикеи аиҿцәажәарақәеи, аибашьра аҭоурыхқәа: аиааира 30 шықәса
аԥсны, аналитикеи аиҿцәажәарақәеи, аибашьра аҭоурыхқәа: аиааира 30 шықәса
Жьҭаарамза 1992 шықәсазы, Гагра араион ақырҭуа мпыҵахалаҩцәа рҟнытә ахы ақәиҭтәразы ажәыларатә аоперациа ианалага, абџьар шимамызгьы, иҩызцәа дрыцны аӷа диҿагылоит 27 шықәса зхыҵуаз оҭҳаратәи арԥыс Даур Аиба. Иара дҭахоит Ԥсахара ақыҭан, ақырҭцәа рганахь аграната аниршәуаз аамҭазы. Арԥыс инысымҩа анылҵеит Sputnik акорреспондент Саида Жьиԥҳа иҭаца Циала Еныкьԥҳа лажәақәа рыла.
Аԥсны Аџьынџьтәылатәи аибашьра аламҭалазы, Даур Аиба аус ахьиуаз Аҟәатәи аҩызауад аҟны аԥсшьарамшқәа ганы ашьхаҟа дцоит. Ахьшьцәа ажәабжь хлымӡаах анраҳа, аӡәаӡәала ишеибырҳәоз Даур иҟынӡагьы инаӡоит. Арԥыс иаразнак аҩныҟа Оҭҳараҟа даауеит. Даур иҭаацәараҟны фҩык ахшара ыҟан, хәҩык аишьцәеи аиаҳәшьеи. Дара раб Алықьсеи ран Бубчка Барцыцԥҳаи ахәыҷқәа иҿырԥшыганы ирааӡеит. Уи арҵабыргуеит, ҷыдала Даур итәы уҳәозар, Қарҭ аррамаҵура данахысуаз икомандаҟаҵаҩцәа ирҭаз аҟазшьарба. Ажәакала, Аԥсны ашәарҭара ианҭагыла Алықьсеи Бубчкеи рԥацәа рыхәҩыкгьы фырхаҵарала рыԥсадгьыл аҿаԥхьа руалԥшьақәа рынагӡара иалагоит.
Даур Гагра ахырхарҭахь Реваз Аибеи Руслан Папбеи дрыцны даауеит. Ԥсахара ирықәшәоит ирдыруаз аҷкәынцәа гәыԥҩык. Араҟа иахәҭакхоит Гәылик Еныкь икоманда.
"Раԥхьатәи амшқәа рзы абџьар ыҟамызт. Аҷкәынцәа инеиҭак-ааиҭакуа акәын аибашьратә цәаҳәаҿы иштәаз. Гагратәи аоперациа уамак шагмыз, Даур автомат иҩыза иҭаны Оҭҳараҟа даауеит. Араҟа иаҳауеит жьҭаара 2 рзы жәылара ишдәықәло. Абџьар шимамзгьы, напышьашәала аӷа сиҿагылоит ҳәа иҩызцәа дрыхьӡоит", - лҳәоит иҭаца Циала Еныкьԥҳа.
Даур аибашьцәа дрыцны Гагра ақалақь аҭарцәра иҽалаирхәоит. Иара уажәтәила абџьар имамызт, аха идыркоит агранатақәа. Ус ӷәӷәала аиҿахысрақәа ирықәшәоит Ԥсахара ақырҭуа школ ааигәара. Ҳаибашьцәа ишьҭаианы ихысуан. Раԥхьаҟа аӷацәа ааиуашәа аниба, ахышьҭхра шыҟамлозгьы, Даур дҩагылан агранатақәа иршәуа далагеит, аха убри аамҭазы аӷа апулемиот ала Даур диеихсуеит. Арԥыс имгәа иақәшәаз ахы икьатеиқәа ҭнагоит. Уажәшьҭа дышнымхоз дырны, "сышәшьы" ҳәа иҩызцәа рахь аҳәара ҟаиҵоит, аха дара Гәдоуҭатәи агоспиталь ахь дыршьҭуеит. Даур иоуз ахәра дзаиааиуам, аҽныцәҟьа иԥсҭазаара далҵуеит.
"Даур иҭахара рыԥсҭазаара аркьаҿит иани иаби. Абыргцәа рԥацәа зегьы еибашьуан аҟнытә, егьырҭ рзгьы агәҭынчымра рыман. "Уара ула иаангыларыма арыцҳара" рҳәон. Деибашьуан рымаҳә заҵә Руслан Ҭраԥшьгьы. Иара илахьынҵа еиқәаҵәахоит Хәажәкыратәи ажәылараан. Аӷацәа дыргәаҟны дыршьоит, анаҩс дыржоит ареспубликатә хәышәтәырҭа авара. Ибаҩ аамз рышьҭахь ауп иҭаацәа ианроуа", - еиҭалҳәоит Циала.
Даур Аиба данҭаха ашьҭахь ианашьан "Агәымшәаразы" амедал. Иара аҭаацәара даламлацкәа дыҟан. Аԥсҭазаара зызхара иззымбаз аибашьҩы ихьӡ иацызҵашаз ахылҵ димамкәа дымҩасит. Ус шаҟаҩы…
