https://sputnik-abkhazia.info/20231108/iaaramariany-aara-akhya-rzy-asyshala-ash-ytsa-yrgoup--1048970484.html
Иаармарианы аҵара: ахәыҷқәа рзы аԥсышәала ашәҟә ҿыцқәа ӡыргоуп
Иаармарианы аҵара: ахәыҷқәа рзы аԥсышәала ашәҟә ҿыцқәа ӡыргоуп
Sputnik Аҧсны
Ашәҟәқәа реиҳарак Аԥсны ахәыҷбаҳчақәеи ашколқәеи ирзеихшахоит. 08.11.2023, Sputnik Аҧсны
2023-11-08T09:00+0300
2023-11-08T09:00+0300
2023-11-08T16:56+0300
аԥсны
аԥсны
ажәабжьқәа
https://cdnn1.img.sputnik-abkhazia.info/img/07e7/0b/07/1048969683_0:0:1280:720_1920x0_80_0_0_17d533bbbf743026eb5952a3fa78144e.jpg
АҞӘА, абҵара 8 – Sputnik, Бадраҟ Аҩӡба. Абызшәатә политиказы Аԥсны аҳәынҭқарратә усбарҭа иӡырнагеит хышықәса инаркны жәашықәсанӡа зхыҵуа ахәыҷқәа рзы аҭыжьымҭа ҿыцқәа ԥшьба ҳәа Sputnik иазеиҭалҳәеит аусбарҭа аиҳабы Гәында Кәыҵниаԥҳа. "Ажәар "Раԥхьатәи сышәҟәы" 3-6 шықәса зхыҵуа ахәыҷқәа ирзырхоуп. Ашәҟәы сахьала иҩычоуп, урҭ амаҭәарқәа рыхьӡқәа рыҵаҩуп, уи ахәыҷқәа алшара рнаҭоит имарианы агәынкылара. Аизга "Ашәҭқәа рашәа" аҟны еизгоуп ашәҭқәа ирызку ажәеинраалақәа, ашәҭқәа рыхьӡқәа, аԥшшәхәқәа рыхьӡқәа ржәар", - еиҭалҳәоит Кәыҵниаԥҳа. Ашәҟәы "Аамҭеи асааҭи" ахархәарала аԥхьаҩ хәыҷы илшоит ихала аамҭа еилиргаларц, ашьыжь дангыло инаркны аурокқәа раамҭа аҟынӡа. Ашәҟәы аинтерес аҵазарц азы уа еизгоуп илахҿыху ажәеинраалақәа, асахьақәа. Иара убасгьы, аҭыжьымҭа ахәыҷқәа ирзеиҭанаҳәоит аамҭаԥхьаӡара ишалагаз аҭоурых, еиуеиԥшым аамҭақәа рзы ауаа рхы ишадырхәоз аԥслымӡ-сааҭ, амра-сааҭ, ацәашь-сааҭ. Аҟәа ақалақь ахадара ахыбраҿ икыду асааҭ азы аинформациа рыҭоуп. "Анзор Мықәба ипиесоуп "Жьакәыр гәымшәа". Ашәҟәы азы асахьақәа азирхиеит асахьаҭыхҩы, амультипликатор Асҭамыр Кәыҵниа", - лҳәеит Гәында Кәыҵниаԥҳа.Аҭыжьымҭақәа аус рыдыруылон аԥсуа бызшәа аусхк аҟны аекспертцәа, аметодистцәа, ирыдыԥхьалан асахьаҭыхыҩцәа. Ашәҟәқәа рыԥшьба рзеиԥш тираж 3500 цыра ыҟоуп. Ашәҟәқәа реиҳарак Аԥсны ахәыҷбаҳчақәеи ашколқәеи ирзеихшахоит. Иара убасгьы урҭ раахәара ҟалоит ашәҟәыҭирҭақәа рҿы.
https://sputnik-abkhazia.info/20231104/asua-byzsha-aarazy-amobilt-kharkhaga-azyrkhioup-1048934140.html
https://sputnik-abkhazia.info/20231028/2024-shysazy-asua-byzsha-dyrarazy-atsentra-aartkhoit-asny-aalaa-zegy-rny-1048832078.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Иаармарианы аҵара: ахәыҷқәа рзы аԥсышәала ашәҟә ҿыцқәа ӡыргоуп
09:00 08.11.2023 (ирҿыцуп: 16:56 08.11.2023) Ашәҟәқәа реиҳарак Аԥсны ахәыҷбаҳчақәеи ашколқәеи ирзеихшахоит.
АҞӘА, абҵара 8 – Sputnik, Бадраҟ Аҩӡба. Абызшәатә политиказы Аԥсны аҳәынҭқарратә усбарҭа иӡырнагеит хышықәса инаркны жәашықәсанӡа зхыҵуа ахәыҷқәа рзы аҭыжьымҭа ҿыцқәа ԥшьба ҳәа Sputnik иазеиҭалҳәеит аусбарҭа аиҳабы Гәында Кәыҵниаԥҳа.
Кәыҵниаԥҳа лажәақәа рыла икьыԥхьуп сахьала иҩычоу, "Раԥхьатәи сышәҟәы" асериа иаҵанакуа ажәар, алакә-пиеса "Жьакәыр гәымшәа", ажәеинраалақәа реизгақәа ҩба: "Ашәҭқәа рашәа", Аамҭеи асааҭи".
"Ажәар "Раԥхьатәи сышәҟәы" 3-6 шықәса зхыҵуа ахәыҷқәа ирзырхоуп. Ашәҟәы сахьала иҩычоуп, урҭ амаҭәарқәа рыхьӡқәа рыҵаҩуп, уи ахәыҷқәа алшара рнаҭоит имарианы агәынкылара. Аизга "Ашәҭқәа рашәа" аҟны еизгоуп ашәҭқәа ирызку ажәеинраалақәа, ашәҭқәа рыхьӡқәа, аԥшшәхәқәа рыхьӡқәа ржәар", - еиҭалҳәоит Кәыҵниаԥҳа.
Ашәҟәы "Аамҭеи асааҭи" ахархәарала аԥхьаҩ хәыҷы илшоит ихала аамҭа еилиргаларц, ашьыжь дангыло инаркны аурокқәа раамҭа аҟынӡа. Ашәҟәы аинтерес аҵазарц азы уа еизгоуп илахҿыху ажәеинраалақәа, асахьақәа.
Иара убасгьы, аҭыжьымҭа ахәыҷқәа ирзеиҭанаҳәоит аамҭаԥхьаӡара ишалагаз аҭоурых, еиуеиԥшым аамҭақәа рзы ауаа рхы ишадырхәоз аԥслымӡ-сааҭ, амра-сааҭ, ацәашь-сааҭ. Аҟәа ақалақь ахадара ахыбраҿ икыду асааҭ азы аинформациа рыҭоуп.
"Анзор Мықәба ипиесоуп "Жьакәыр гәымшәа". Ашәҟәы азы асахьақәа азирхиеит асахьаҭыхҩы, амультипликатор Асҭамыр Кәыҵниа", - лҳәеит Гәында Кәыҵниаԥҳа.
Аҭыжьымҭақәа аус рыдыруылон аԥсуа бызшәа аусхк аҟны аекспертцәа, аметодистцәа, ирыдыԥхьалан асахьаҭыхыҩцәа.
Ашәҟәқәа рыԥшьба рзеиԥш тираж 3500 цыра ыҟоуп. Ашәҟәқәа реиҳарак Аԥсны ахәыҷбаҳчақәеи ашколқәеи ирзеихшахоит. Иара убасгьы урҭ раахәара ҟалоит ашәҟәыҭирҭақәа рҿы.
