https://sputnik-abkhazia.info/20231207/anab-eieieit-aa-aymangagaa-rysakhra-shaa-aama-aakhkho-aty-1049352375.html
Анқәаб еиҭеиҳәеит Аҟәа аӡымҩангагақәа рыԥсахра шаҟа аамҭа аҭаххо атәы
Анқәаб еиҭеиҳәеит Аҟәа аӡымҩангагақәа рыԥсахра шаҟа аамҭа аҭаххо атәы
Sputnik Аҧсны
Аҟәа ахәҭак ӡыда иаанхеит ԥхынҷкәын 7 рзы аиҭашьақәыргыларатә усурақәа ирыхҟьаны ҳәа аанацҳаит "Аҟәатәи аӡыршьҭра". Аӡоужьра аанкылазаауеит асааҭ 18:00 рҟынӡа... 07.12.2023, Sputnik Аҧсны
2023-12-07T13:15+0300
2023-12-07T13:15+0300
2023-12-07T13:15+0300
арадио
аԥсны
аподкаст
https://cdnn1.img.sputnik-abkhazia.info/img/07e7/0c/07/1049352477_0:0:1510:850_1920x0_80_0_0_4caa8b4d9a53ba04cd68959ef810593d.jpg
Анқәаб еиҭеиҳәеит Аҟәа аӡымҩангагақәа рыԥсахра шаҟа аамҭа аҭаххо атәы
Sputnik Аҧсны
Анқәаб еиҭеиҳәеит Аҟәа аӡымҩангагақәа рыԥсахра шаҟа аамҭа аҭаххо атәы
Аҟәа ахәҭак ӡыда иаанхеит ԥхынҷкәын 7 рзы аиҭашьақәыргыларатә усурақәа ирыхҟьаны ҳәа аанацҳаит "Аҟәатәи аӡыршьҭра". Аӡоужьра аанкылазаауеит асааҭ 18:00 рҟынӡа: Аҳабла ҿыц, Гәымсҭа аиланхарҭа, Ешба имҩа, Ажәытә ҳабла, авокзал, ақалақь агәи ашьхара иахьаԥнуи, ВИЕМ, аџьармыкьа, Алашарбага аҳабла рҿы. Арҭ аусурақәа планла иарбазу, еиԥҟьарақәак ирыхҟьану изымҩаԥысуа, аӡымҩангагақәа рҟынтәи аҳҭнықалақь аҟны шаҟа ԥсаху, иҵегьы шаҟа аамҭа аҭаххо егьырҭ рыԥсахразы - абарҭ азҵаарақәа арадио Sputnik аефир аҟны дрылацәажәеит "Аҟәатәи аӡыршьҭра" аиҳабы Мераб Анқәаб."Ақалақь зегьы аҟны шаҟа ҳаԥсахыз ҳәа иҭҵааны исымаӡам, аха сгәаанагарала, 10% ԥсахзар ҟалап, ма усҟак ыҟамзаргьы. Ақалақь агәыҟны 3-4 мҩаду рҟны иҳаԥсаххьеит акәымзар, егьи зегьы ажәытә ӡымҩангагақәа роуп иҵоу", - иҳәеит Анқәаб.Иара иажәақәа рыла, аӡымҩангагақәа рыԥсахра рнапы алакуижьҭеи жәабаҟа шықәса ҵуеит. Аусура ажәабатәи ахәҭак ауп макьаназы инагӡоу."Аӡымҩангагақәа аҭыџь иалхуп, 80-90 шықәса рхыҵуеит. Ихьанҭоу атехниказы иазгәарымҭаӡеит. Дара иҵауланы 2,5 метра иҵоуп, аха амашьына дуқәа 40-45 тонна иҟоу адгьыл дырҵысуеит. Аӡымҩангагақәа ахьеибарку идырҵысуеит. Аҩнқәа рахь инеиуа аӡымҩангагақәа зегьы аиха иалхуп, урҭ иаҳа ирласны ибаауеит", - ҳәа азгәеиҭеит Анқәаб.Аицәажәара инеиҵыхны ишәаҳар шәылшоит аудиофаил аҟны хыхь.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, аудио
Аҟәа ахәҭак ӡыда иаанхеит ԥхынҷкәын 7 рзы аиҭашьақәыргыларатә усурақәа ирыхҟьаны ҳәа аанацҳаит "Аҟәатәи аӡыршьҭра". Аӡоужьра аанкылазаауеит асааҭ 18:00 рҟынӡа: Аҳабла ҿыц, Гәымсҭа аиланхарҭа, Ешба имҩа, Ажәытә ҳабла, авокзал, ақалақь агәи ашьхара иахьаԥнуи, ВИЕМ, аџьармыкьа, Алашарбага аҳабла рҿы. Арҭ аусурақәа планла иарбазу, еиԥҟьарақәак ирыхҟьану изымҩаԥысуа, аӡымҩангагақәа рҟынтәи аҳҭнықалақь аҟны шаҟа ԥсаху, иҵегьы шаҟа аамҭа аҭаххо егьырҭ рыԥсахразы - абарҭ азҵаарақәа арадио Sputnik аефир аҟны дрылацәажәеит "Аҟәатәи аӡыршьҭра" аиҳабы Мераб Анқәаб.
"Ақалақь зегьы аҟны шаҟа ҳаԥсахыз ҳәа иҭҵааны исымаӡам, аха сгәаанагарала, 10% ԥсахзар ҟалап, ма усҟак ыҟамзаргьы. Ақалақь агәыҟны 3-4 мҩаду рҟны иҳаԥсаххьеит акәымзар, егьи зегьы ажәытә ӡымҩангагақәа роуп иҵоу", - иҳәеит Анқәаб.
Иара иажәақәа рыла, аӡымҩангагақәа рыԥсахра рнапы алакуижьҭеи жәабаҟа шықәса ҵуеит. Аусура ажәабатәи ахәҭак ауп макьаназы инагӡоу.
"Аӡымҩангагақәа аҭыџь иалхуп, 80-90 шықәса рхыҵуеит. Ихьанҭоу атехниказы иазгәарымҭаӡеит. Дара иҵауланы 2,5 метра иҵоуп, аха амашьына дуқәа 40-45 тонна иҟоу адгьыл дырҵысуеит. Аӡымҩангагақәа ахьеибарку идырҵысуеит. Аҩнқәа рахь инеиуа аӡымҩангагақәа зегьы аиха иалхуп, урҭ иаҳа ирласны ибаауеит", - ҳәа азгәеиҭеит Анқәаб.
Аицәажәара инеиҵыхны ишәаҳар шәылшоит аудиофаил аҟны хыхь.
