https://sputnik-abkhazia.info/20240121/anyaa-aiashayrgylaraa-aualafakhy-gagra-araion-2024-shysazti-ausnagata-1049894412.html

Аныҳәақәа, аиҭашьақәыргыларақәа, ауалафахәы: Гагра араион 2024 шықәсазтәи ауснагӡатәқәа

Аныҳәақәа, аиҭашьақәыргыларақәа, ауалафахәы: Гагра араион 2024 шықәсазтәи ауснагӡатәқәа

Sputnik Аҧсны

АҞӘА, ажьырныҳәа 21 - Sputnik. Гагра араион ахада ихаҭыԥуаҩ Хана Гәынԥҳа арадио Sputnik аефир аҟны 2023 шықәсызтәи аихшьаалақәа ҟаҵо дазааҭгылеит, раԥхьаҟа... 21.01.2024, Sputnik Аҧсны

2024-01-21T09:15+0300

2024-01-21T09:15+0300

2024-01-21T09:15+0300

аԥсны

ажәабжьқәа

аԥсны

гагра араион

https://cdnn1.img.sputnik-abkhazia.info/img/07e5/02/05/1031781474_0:59:1501:903_1920x0_80_0_0_44d645828388f3fd631aa8a372c2c44c.jpg

АҞӘА, ажьырныҳәа 21 - Sputnik. Гагра араион ахада ихаҭыԥуаҩ Хана Гәынԥҳа арадио Sputnik аефир аҟны 2023 шықәсызтәи аихшьаалақәа ҟаҵо дазааҭгылеит, раԥхьаҟа ишьҭоу аусқәа ртәгьы.Гәынԥҳа илҳәеит, аусурақәа Гагра араион зегьы шамҽханакыз, урҭ рахьынтәи аиҳарак асоциалтә усхкқәа ишрыдҳәалаз. Ҿырԥштәык аҳасабала иаалгеит Гагратәи араионтә хәшәтәырҭа хада хәҭа-хәҭала аиҭашьақәыргылара, азеиԥшҵараиурҭақәа, Бзыԥ аҳаблан аспортзал аргылара, Лӡаатәи акультура ахан, ашкол акрыфарҭа уҳәа реиҭашьақәыргылара.Гагра ақалақь Абазгаа рымҩаҟны иҟоу ахәыҷбаҳча аиҭашьақәыргыларатә усурақәа хыркәшахоит 2024 шықәсазы. Аусурақәа ирыцырҵоит Адыгаа рымҩала иҟоу ахәыҷбаҳчеи Пицунда акультура ахани реиҭашьақәыргылараз.Гәынԥҳа илҳәеит, аԥсабаратә рыцҳарақәа ирыхҟьаны ааха зауз Лӡаа ақыҭа анхацәа 60-ҭӡы афинанстә цхыраара аҳасабала 11 миллион мааҭ шырзыршәаз."Ишыжәдыруа еиԥш, 2023 шықәсазы ҳраион хынтә аԥсабаратә рыцҳара иақәшәит. Уи атәы инарҭбаан акырынтә ҳалацәажәахьеит. Ииашаны Лӡаа ақыҭа ӷәӷәала аԥхасҭа аиуит. Араҟа аус дуқәа мҩаԥган амҩақәа реиҭашьақәыргылараз, агәам-сам ақәгараз, иара убас аҭаацәарақәа ацхыраара рыҭан", - ҳәа лҳәеит лара.Гәынԥҳа лажәақәа рыла, ажьырныҳәа 1 2024 шықәса инаркны аҭыԥантәи абиџьет ахарџьқәа рыла зқьҩыла руалафахәы шьҭыхуп."Иазгәасҭарц сҭахуп, 2024 шықәсазы Урыстәылатәи Афедерациа иҟанаҵо ацхыраара аиқәшаҳаҭра иаҵанамкуа, 971-ҩык абиуџьет аҟынтәи ауалафахәы зауа аҭыԥантәи абиуџьет аҟынтәи руалафахәы ацҵара шазгәаҭоу. Уи 50 миллион мааҭ инареиҳауп", - лҳәеит Гәынԥҳа.Иазгәалҭеит, урҭ рхыԥхьаӡараҿы ишыҟоу аҵарадырра, акультура, агәабзиарахьчара ахырхарҭала аус зуа, иара убас аҭыԥантәи аусбарҭақәа русзуҩцәа.

https://sputnik-abkhazia.info/20240120/gagra-araion-fnyzyk-inareiany-aturisttsa-aaait-ashysytsyzti-anyaa-rzy--1049889244.html

https://sputnik-abkhazia.info/20230731/gagra-araion-any-asabarat-rytsara-iakhany-ialaz-akhasa-60-million-maa-inareiaup-1047239633.html

гагра араион

2024

Ажәабжьқәа

ab_AB

ажәабжьқәа, аԥсны, гагра араион