https://sputnik-abkhazia.info/20240408/zhordania-rusdram-agastrola-rzy-azu-ama-akhynaiashou-aildyrkaaueit-1050701076.html

Жорданиа РУСДРАМ агастрольқәа рзы: ҳазқәу амҩа ахьынӡаиашоу ҳаилдыркаауеит

Жорданиа РУСДРАМ агастрольқәа рзы: ҳазқәу амҩа ахьынӡаиашоу ҳаилдыркаауеит

Sputnik Аҧсны

Мшаԥы 6 инаркны 9-нӡа Фазиль Искандер ихьӡ зху Аҳәынҭқарратә аурыс театр (РУСДРАМ) Москва агастроль дуқәа мҩаԥнагоит. Ԥшьымш ирылагӡаны ахәаԥшцәа... 08.04.2024, Sputnik Аҧсны

2024-04-08T18:30+0300

2024-04-08T18:30+0300

2024-04-08T18:50+0300

арадио

аԥсны

аподкаст

https://cdnn1.img.sputnik-abkhazia.info/img/07e8/04/08/1050701157_0:0:3067:1725_1920x0_80_0_0_83dd00fbf7d31034e7d9e2b83bbcd115.jpg

Мшаԥы 6 инаркны 9-нӡа Фазиль Искандер ихьӡ зху Аҳәынҭқарратә аурыс театр (РУСДРАМ) Москва агастроль дуқәа мҩаԥнагоит. Ԥшьымш ирылагӡаны ахәаԥшцәа ф-қәыргыламҭак ддырбоит. Аспектакльқәа ықәыргылан Атеатралтә центр "На страстном" асценаҟны иара убас иддырбоит Москватәи атеатр "Et Cetera"аҟны.РУСДРАМ актиор, Аԥсны Зҽаԥсазтәыз артист Џьамбул Жорданиа арадио Sputnik аефир аҟны ицәажәараан иазгәеиҭеит уажәшьҭа итрадициахаз агастрольқәа рыпрофессионалтә ҩаӡара ашьҭыхраҟны ишцхыраагӡа дуу."Аҩны ҳаныҟоу атеатр ахь инеиуеит еиҳарак ҳаздыруа, бзиа ҳазбо. Ицәгьа-ибзиа дара ргәы иаахәоит ҳақәгыларақәа, убри хәыҷык ҳажьар ҟалоит. Иаҳҳәап, хәыҷык ииашамкәа атеатр аҟны азгәаҭарақәак ҟаҳҵар алшоит, ҳарблаҟьар ауеит. Даҽаџьара ҳанцо, ҳаззымдыруа ҳахәаԥшны ирҳәоит ргәаанагара, ҳазқәу амҩа ахьынӡаиашоу, ҳақәгылара ахаҭабзиара шыҟоу. Ганкахьала ҳахьӡ ҭаҳгоит, аха даҽа ганкахьала ҳапрофессионалтә ҩаӡара ахә ршьоит, иҳарҳәоит аус здаҳулаша. Абри ауп еиҳараӡак ҳара ҳзы ихадоу. Хәыҷык уарҿыхоит ари, мамзар ухала уаныҟоу еснагь ухазынаны уус ҟауҵо џьушьоит. Абзиара аганахьала хәыҷык аӡыхьшәашәа ануҿарҭәо, иаҳа уарҿыхоит, аус здыуулаша уарҳәоит", - иҳәеит Жорданиа.

2024

Ажәабжьқәа

ab_AB

аԥсны, аподкаст, аудио