Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аконцлагерқәа рыҟны ирбаандаҩыз ирызку афильм "Аԥшаара" дырбан "Москва Аҩны" аҿы

© Sputnik / Марианна Кубрава Здание Дома Москвы
Здание Дома Москвы  - Sputnik Аҧсны, 1920, 07.05.2024
Анапаҵаҩра
Афильм арбара Аиааира Ду иазку аҿартә акциа "Аԥсны аиааира аволантиорцәа" иахәҭакын.
АҞӘА, лаҵара 7 - Sputnik. Арежиссиор Дмитри Статеинов идокументалтә фильм "Аԥшаара" ддырбеит "Москва Аҩны" аҿы.
Аусмҩаԥгатә еиҿкаан аҿартә акциа "Аԥсны аиааира аволантиорцәа" аҳәаақәа ирҭагӡаны. Афильм аҿы еиҭаҳәоуп аԥснытәи акурсантцәа анацист лагерқәа ирҭанҵәаз рџьынџьуаа шырыԥшаауаз атәы.
"Лаҵара 9 аламҭалаз ҳаизеит Аџьынџьтәылатә еибашьра Ду аҟны аиааира ҳзаазгаз ргәаларшәаразы. Иахьа даҳгәалаҳаршәоит ҳҩыза, ари афильм арежиссиор Дмитри Статеинов", - ҳәа лҳәеит Урыстәыла атәылауаа рзинхьчаразы Ацентр аиҳабы Елена Жилинскаиа.
Лара иазгәалҭеит акыр ашықәсқәа рнаҩс анацизм Украина ахы шцәырнагаз, уи иаҿагылан ишықәԥо иагьшаиааиуа.
Афильм арбара иалахәын астудентцәа, ашколхәыҷқәа, аҿар реиҿкаарақәа. Урҭ ирзеиҭаҳәан Аџьынџьтәылатә еибашьра Ду иалахәыз ареспублика ауааԥсыра рфырхаҵарақәа ртәы.
Ажәабжьқәа зегьы
0