https://sputnik-abkhazia.info/20241103/1052748296.html
Аиубилеи шықәс: аҭоурыхтә дәы Лыхнашҭа аҽаҩра аныҳәа
Аиубилеи шықәс: аҭоурыхтә дәы Лыхнашҭа аҽаҩра аныҳәа
Sputnik Аҧсны
Лыхнашҭа 40 шықәса раахыс традицала еихаҳан иаарго аҽаҩра аныҳәа рхы аладырхәит Гәдоуҭа араион 22-қыҭеи, Афын ҿыци, Ҟарачы-Черкессиантәи асасцәеи. 03.11.2024, Sputnik Аҧсны
2024-11-03T22:15+0300
2024-11-03T22:15+0300
2024-11-03T22:48+0300
аԥсны
афотосахьақәа
аԥсны
https://cdnn1.img.sputnik-abkhazia.info/img/07e8/0b/03/1052750061_0:85:1620:996_1920x0_80_0_0_99a5417d9985635e43c78619b41a3726.jpg
Аҭоурых ду змоу Лыхнашҭа имҩаԥысит аҽаҩра аныҳәа. Сынтәа иара иубилеитәын, адунеи аҟны имҩаԥысуаз апандемиа аамҭазы ҩышықәса бжьахеит акәымзар, есышықәса ари аныҳәа мҩаԥыргоит 1984 шықәса раахыс. Аныҳәа иаҭааит атәыла ахада Аслан Бжьаниа, Жәлар Реизара аиҳабы Лаша Ашәба, аԥыза-аминистр ихаҭыԥуаҩ, аекономика аминистр Кристина Озган, адепутатцәа, Аиҳабыра рхаҭарнакцәа, аҳәынҭқарратә усбарҭақәа рнапхгаҩцәа.Традициала ишаԥу еиԥш Лыхнашҭа еиҿкаан ақыҭақәа рашҭақәа, анхацәа урҭ дырҩычеит ашәыри ажәытә амилаҭтә маругақәеи рыла. Инаргеит сынтәатәи аҿамаҿа, ицәырыргеит рчеиџьыка, рҩы, руаҭка. Аныҳәа алахәылацәа асасцәа ирԥылон амилаҭтә шәҵатәы рышәҵаны, ирыдыргалон рчеиџьыка агьама рбарц, рныҳәаҿақәа шьҭырхуан. Шьыжьнаҵы амцақәа еиқәырҵеит ашьтәеи абысҭеи армазеиразы. Аныҳәа акультуратә программа акәашара-вокалтә коллективқәеи анагӡаҩцәа ҿарацәеи рконцерт ала ишьақәгылан. Иара убасгьы имҩаԥысит аԥсуа традициатә спорттә еицлабрақәа, имҩаԥган ахыц ала ахысразы амстер - классқәа.Сынтәа "Аҽаҩраныҳәа" аҿы ақыҭашҭақәа раԥхьаӡа акәны ахәшьара рыҭан. Аиааира згаз аԥаратә ҳамҭақәа ранашьан: актәи аҭыԥ азы – 50 нызқь мааҭ, аҩбатәи аҭыԥ азы – 30 нызқь мааҭ, ахԥатәи аҭыԥ азы – 20 нызқь мааҭ. Акомиссиа аӡбамҭа рылаҳәахоит ҳазҭало амчыбжь азы.
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
фото, афотосахьақәа, аԥсны
фото, афотосахьақәа, аԥсны
Аиубилеи шықәс: аҭоурыхтә дәы Лыхнашҭа аҽаҩра аныҳәа
22:15 03.11.2024 (ирҿыцуп: 22:48 03.11.2024) Лыхнашҭа 40 шықәса раахыс традицала еихаҳан иаарго аҽаҩра аныҳәа рхы аладырхәит Гәдоуҭа араион 22-қыҭеи, Афын ҿыци, Ҟарачы-Черкессиантәи асасцәеи.
Аҭоурых ду змоу Лыхнашҭа имҩаԥысит аҽаҩра аныҳәа. Сынтәа иара иубилеитәын, адунеи аҟны имҩаԥысуаз апандемиа аамҭазы ҩышықәса бжьахеит акәымзар, есышықәса ари аныҳәа мҩаԥыргоит 1984 шықәса раахыс.
Аныҳәа иаҭааит атәыла ахада Аслан Бжьаниа, Жәлар Реизара аиҳабы Лаша Ашәба, аԥыза-аминистр ихаҭыԥуаҩ, аекономика аминистр Кристина Озган, адепутатцәа, Аиҳабыра рхаҭарнакцәа, аҳәынҭқарратә усбарҭақәа рнапхгаҩцәа.
Традициала ишаԥу еиԥш Лыхнашҭа еиҿкаан ақыҭақәа рашҭақәа, анхацәа урҭ дырҩычеит ашәыри ажәытә амилаҭтә маругақәеи рыла. Инаргеит сынтәатәи аҿамаҿа, ицәырыргеит рчеиџьыка, рҩы, руаҭка.
Аныҳәа алахәылацәа асасцәа ирԥылон амилаҭтә шәҵатәы рышәҵаны, ирыдыргалон рчеиџьыка агьама рбарц, рныҳәаҿақәа шьҭырхуан. Шьыжьнаҵы амцақәа еиқәырҵеит ашьтәеи абысҭеи армазеиразы.
Аныҳәа акультуратә программа акәашара-вокалтә коллективқәеи анагӡаҩцәа ҿарацәеи рконцерт ала ишьақәгылан. Иара убасгьы имҩаԥысит аԥсуа традициатә спорттә еицлабрақәа, имҩаԥган ахыц ала ахысразы амстер - классқәа.
Сынтәа "Аҽаҩраныҳәа" аҿы ақыҭашҭақәа раԥхьаӡа акәны ахәшьара рыҭан. Аиааира згаз аԥаратә ҳамҭақәа ранашьан: актәи аҭыԥ азы – 50 нызқь мааҭ, аҩбатәи аҭыԥ азы – 30 нызқь мааҭ, ахԥатәи аҭыԥ азы – 20 нызқь мааҭ. Акомиссиа аӡбамҭа рылаҳәахоит ҳазҭало амчыбжь азы.
Абҵара 3 рзы Лыхнашҭа имҩаԥысит аҽаҩра аныҳәа.
Аныҳәа иалахәын Гәдоуҭа араион 22-қыҭеи, Афон ҿыц ақалақьи, Ҟарачы-Черкессиантәи иааз асасцәеи.
Анхацәа досу рқыҭа ашҭақәа дырхиеит, имҩаԥыргеит ацәыргақәҵақәа.
Аҽыбӷаҟазацәа Лыхнашҭа аныҳәаҿы.
Ашот Трапизониан ажәытәӡатәи абырзентә лира аиарҳәоит.
Анхацәа сынтәатәи раарыхра цәырыргеит, иара убас аԥсуа чыс хкқәеи арыжәтәи наргеит.
Лыхнытәи абжьаратә школ аҵаҩцәа ҳҳәынҭқарратә бираҟ рыман инеиуеит.
Лыхны аҽаҩраҭагалара аныҳәа официалла аартра аусмҩаԥгатә хацыркын абираҟқәа кны ҽыла амҩасрала.
Аусмҩаԥгатә иаҭааит Гәтоуҭа араион шәҩыла ауааԥсыреи асасцәеи.
Аныҳәа иалахәыз Карачы-Черкессиантәи асасцәа, ирҭаауаз ирԥылон шәаҳәарылеи кәашарылеи.
Лхаа рысасцәа рзын ацә аҵәы иахаҵаны ирӡит.
Лыхнашҭа аныҳәа даҭааит атәыла ахада Аслан Бжьаниа.
Аныҳәа акультуратә программа акәашара-вокалтә коллективқәеи анагӡаҩцәа ҿарацәеи рконцерт ала ишьақәгылан.
Имҩаԥган амилаҭтә спорт хәмаррақәа.
