Микрофон  - Sputnik Аҧсны, 1920
Арадио

Бигәаа еиҭеиҳәеит Гал ааԥынтәи ақыҭанхамҩатә усурақәа иахьынӡарзыҟаҵоу атәы

Бигәаа еиҭеиҳәеит Гал ааԥынтәи ақыҭанхамҩатә усурақәа иахьынӡарзыҟаҵоу атәы
Анапаҵаҩра
Ааԥын ақыҭанхамҩатә усурақәа рышҽырзыҟарҵо, амашьына-трактортә станциа аҭагылазаашьа зеиԥшроу, раԥхьа ишьҭоу аусура амҽхак, аҵиаақәа рыхәшәтәразы анхацәа ахьынӡарзеиқәыршәо атәы, арадио Sputnik аефир аҟны еиҭеиҳәеит Гал араион ақыҭанхамҩа аҟәша аиҳабы Беслан Бигәаа.
Араион аҟны иҟоу амашьына-трактортә станциа иамоуп атракторқәа 14, урҭ мчыбжьык ала аус рыдуланы ацәаӷәара иаздырхиоит, иҳәеит Бигәаа.
"Насгьы иҳамоу атрактор ду К-700 уи еиқәшәоуп, иҵегьы атрактор ДТ еиқәыршәаны иҳамоуп. Ари Белоруссиатәи атракторқәа ирыгу амаҭәахәқәа хәыҷык ыҟоуп, урҭгьы ԥшааны ацәаӷәара ҳҽазҳархиоит. Макьана адгьыл цәаакуп, аха аҽазыҟаҵара ҳаҿуп, атракторқәа рхианы аҭыԥ иқәаҳҵоит амчыбжь аҩныҵаҟа",- иҳәеит Бигәаа.
Иара иазгәеиҭеит араион аҟны зхатә тракторқәа змоу анаплакқәа, ауаа шыҟоу.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0