https://sputnik-abkhazia.info/20250505/sputnik-amchybzh-rakhati-aviareis-dioskuria-sergei-kirienko-iaara-1054760095.html

Sputnik Амчыбжь: раԥхьатәи авиареис, "Диоскуриа", Сергеи Кириенко иаара

Sputnik Амчыбжь: раԥхьатәи авиареис, "Диоскуриа", Сергеи Кириенко иаара

Sputnik Аҧсны

Аинформациатә маҵзура Sputnik иазнархиеит мшаԥы 28 инаркны лаҵара 4 рҟынӡа ареспубликаҿы аҭыԥ змаз ажәабжьқәа рыхҳәаа. 05.05.2025, Sputnik Аҧсны

2025-05-05T09:00+0300

2025-05-05T09:00+0300

2025-05-05T09:00+0300

аԥсны

ажәабжьқәа

аԥсны

аполитика

ауаажәларра

https://cdnn1.img.sputnik-abkhazia.info/img/07e9/05/02/1054732870_0:162:3065:1886_1920x0_80_0_0_be32e5d399cbdcb642ed38e56c779fdb.jpg

30 шықәса рыҩнуҵҟа раԥхьаӡа акәны Аԥсны апассаџьыртә авиареис ишаԥылаз, афымцадәыӷба "Диоскуриа" шааз, Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенкои агәабзиарахьчара аминистр Михаил Мурашкои Аԥсны раҭаара шымҩаԥысыз Sputnik аматериал аҿы."Диоскуриа" аараЖәларбжьаратәи афымцадәыӷба ҿыц "Диоскуриа" раԥхьаӡа акәны Аҟәатәи авокзал ахь иааит лаҵара акы аҽны.Адәыӷба иаԥылеит Урыстәыла ахада Иусбарҭа аиҳабы актәи ихаҭыԥуаҩ Сергеи Кириенкои, Аԥсны ахада Бадра Гәынбеи, Аиҳабыра рлахәылацәеи, адепутатцәеи, аҳәынҭқарратә усбарҭақәа рнапхгаҩцәеи, ауаажәларреи. Адәыӷба апассаџьырцәа ԥсыуаҵасла ирԥылеит – абыргцәа рансамбль асасцәа шәаҳәаралеи кәашаралеи ирԥыланы аԥсуа чыс агьама ддырбеит.Сергеи Кириенко иазгәеиҭеит, Аԥсни Урыстәылеи рхадацәа реицәажәараан иазгәаҭаз аамҭа инақәыршәаны ауснагӡатә шымҩаԥгоу."Диоскуриа" иааиԥмырҟьаӡакәа мышкахьы ҩынтә иныҟәалоит. Амҩа иқәхоит х-сааҭки 35 минуҭи. Ареспублика аҩнуҵҟа аангыларҭақәа азгәаҭоуп Абааҭа, Гагрыԥшь, Гагра, Бзыԥҭа, Гәдоуҭа, Ԥсырӡха, Афон ҿыц. Апассаџьырцәа аҳазалхреи аҳәаахьчареи ирхысуеит адәыӷба ишҭоу Весиолоиеи Цандрыԥшьи ааҭгыларҭақәа рҿы.Афымцадәыӷба "Диоскуриа" Аԥсны аҳҭнықалақь аҭыԥ аҿы игылаз ажәытәӡатәи абырзенцәа рықалақь ахьӡ ахуп, аԥснытәии урыстәылатәии асахьаҭыхыҩцәа русумҭақәа рыла ирԥшӡоуп. Аԥышәаратә ныҟәара мҩаԥган жәабран 27 рзы.Аԥырра қәҿиарала имҩаԥыситИара уи аҽны, ахәылбыҽха атәыла зегьы азы акыр зҵазкуа даҽа хҭыскгьы ҟалеит, Аҟәатәи аҳаирбаӷәазаҿы аибашьра ашьҭахь раԥхьаӡа акәны иааиԥмырҟьаӡакәа ибжьало апассаџьыртә ҳаирплан тәеит. Уаанӡа Аԥсны актәи ахада Владислав Арӡынба ихьӡ зху Жәларбжьаратәи аҳаирбаӷәаза официалла аартра мҩаԥысхьан.Ацаха ҟаԥшь ԥырҟеит Аԥсны ахада Бадра Гәынба, Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко, Аԥсны актәи ахада Владислав Арӡынба иԥшәмаԥҳәыс Светлана Џьергениаԥҳа.Аҳаиреимадара аартрахь ааԥхьара рыҭан аибашьра аветеранцәа, Аԥсны актәии аҩбатәии ахадацәа – Владислав Арӡынбеи Сергеи Багаԥшьи рҭаацәа, Аминистрцәа реилазаара алахәылацәа, Жәлар Реизара адепутатцәа, ауааԥсыра.Аилахәыра "ЮВТ-Аэро" аҳаирплан Внуково аҟынтәи ишьҭыԥрааит 17 минуҭ иагханы, Владислав Арӡынба ихьӡ зху аҟәатәи аҳаирбаӷәазаҿы қәҿиарала итәеит лаҵара 1 асааҭ 18:26 рзы.Аҳаирплан аҿы 50-ҩык апассаџьырцәа ҭан. Урҭ ирԥылеит Бадра Гәынбеи Сергеи Кириенкои. Апассаџьырцәа рхыԥхьаӡараҿы иҟан Урыстәылеи Аԥсни жәлар рартист, Щукин ихьӡ зху атеатртә институт аректор Евгени Книазев, Аԥсны жәлар рартистка, Урыстәыла зҽаԥсазтәыз артистка Алиса Гыцԥҳа, ажурналистцәа, аблогерцәа.Владислав Арӡынба ихьӡ зху Жәларбжьаратәи аҳаирбаӷәаза аартра Аԥсны аҿиара анаҭоит ҳәа иҳәеит атәыла ахада Бадра Гәынба, иара убасгьы ҭабуп ҳәа ахиҳәааит Урыстәыла ахада Владимир Путин иарбоу апроект анагӡараҿы иҟаиҵаз ацхырааразы.Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко инаҵшьны иазгәеиҭеит, Аҟәатәи аҳаирбаӷәазахь раԥхьатәи апассаџьыртә ҳаирплан аара иаанаго аԥсуа жәлар 30 шықәса раахыс изеиԥхыӡуаз ргәаҳәара анагӡара шакәу.Иара убас, Кириенко иҟаиҵаз адыррақәа рыла, рашәарамза инаркны Аҟәатәи аҳаирбаӷәазаҿы аҳаирплан маҷқәа рыдагьы, аҳаирплан дуқәагьы рыдкылара алыршахоит.Аԥшаҳәа, ахәшәтәырҭа, аспорттә ҭыԥ, амуралқәаИиасыз амчыбжь азы Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко Аԥсны ахада Бадра Гәынба дицны Аҟәа ақалақь Амҳаџьырқәа рыԥшаҳәа даҭааит.Аԥшаҳәаҿы аныҟәара, традициала еицырдыруа акаҳуажәырҭа "Брехаловка" аҭаарала ихацыркхеит. Кириенко акаҳуажәырҭа аҭаацәа аԥсшәа раҳәаны, лаҵара 1 рыдиныҳәалеит. Аԥслымӡ аҿы идыршуа акаҳуа идыргалеит.Аҟәа ақалақь ахада Ҭемыр Агрба ҳаҭыр зқәу асас иирбеит аԥшаҳәа аиҭашьақәыргыларазы иазырхиоу апроектқәа, урҭ иара игәаанагарала аԥшаҳәа аҭоурыхтә хаҿра еиқәдырхоит.Сергеи Кириенко амшын аԥшаҳәа аиҭашьақәыргылареи уи ахыркәшара аамҭеи рзы адыррақәа зну абаннерқәа ықәыргылазарц ажәалагала ҟаиҵеит.Бадра Гәынба ари ахшыҩҵак дадгыло иҳәеит ари аус анагӡаразы аҭакԥхықәра зду рыхьӡқәа аинформациатә стендқәа ишрынҵатәу.Кириенко ҷыдала ахшыҩзышьҭра аиҭеит еилабгоу асқьала – жәаҳәарада уи рбганы ҿыц аргылара, аха убри аан агәашьақәа реилазаара ԥхасҭамхароуп.Кириенко игәаанагарала, апроект хымԥада иаҵанакыр ахәҭоуп еиуеиԥшым ауснагӡатәқәа рымҩаԥгара ахьалшаша, аӡахьы анеирҭа ҭыԥқәа.Сергеи Кириенко Аҟәатәи Ареспубликатә хәышәтәырҭа даҭааит. Иара далахәын Аԥсны Агәабзиарахьчара аминистрра еиҭаҵуа афлиуорографиатә уада аҭара. Иара Гәдоуҭа Араионтә хәшәтәырҭа абаланс аҟны иқәыргылахоит, ауааԥсыра рымаҵ аулоит.Уи адагьы, Гагреи Тҟәарчали араионтә хәшәтәырҭақәа астационартә рентген-аппаратқәа ҩба рыҭоуп.Гәынбеи Кириенкои Аҟәа Аҳабла ҿыц аҿы зыргылара иаҿу аспорттә дәы иаҭааит. Уи макьана ақәыршә ашьҭаҵара аҭахуп, аха абаҩрҵәыратә тренажиорқәа шьақәдыргылахьеит, аспортсмен ҿарацәа урҭ ахархәара рҽазыршәахьеит.Иааидкыланы Аԥсны ас еиԥш иҟоу аҭыԥқәа 12 дыргылоит: Аҟәа — ааба, Тҟәарчал — ҩба, Очамчыреи Гали — ҩба-ҩба. Аргыларазы афинанстә цхыраара ҟанаҵоит Краснодартәи атәылаҿацә.Уи адагьы, Кириенкои Гәынбеи Агрба имҩаду аҿы иҟоу 9-тәи аҩны аҭӡамц аҿы урыстәылатәи асахьаҭыхыҩцәа иҭырхыз амуралқәа инеины ирбеит.Амуралқәа зегьы Аҟәа Ақалақьтә еизара ишьақәнарӷәӷәеит, ауааԥсыреи дареи еиқәшаҳаҭны. Апроектқәа аус рыдулараан, урыстәылатәи асахьаҭыхыҩцәа аԥсуа культура ҭырҵаауан, Фазиль Искандер ирҿиамҭақәа ирыԥхьон.Кириенко иазгәеиҭеит аҭыԥантәи аҟазацәеи аргылаҩцәеи ари аԥышәа рыҭара акырӡа шаҵанакуа, урҭ анаҩсгьы ари аус иацырҵарц азы. Асахьаҭыхыҩцәа иеиҭарҳәеит аҭыԥантәи ауааԥсыра, рытрадициатә сасдкылара аарԥшуа, еснагь рчеиџьыка шрыдыргалоз.Мурашко Аԥсны иҟазаараУрыстәыла Агәабзиарахьчара аминистр Михаил Мурашко усутә ныҟәарыла Аԥсны даҭааит.Иара дырԥылеит ареспубликаҿы ахәыҷқәа рдиспансеризациа мҩаԥызго урыстәылатәи аҳақьымцәа.Мурашко ареспублика аҩнуҵаҟа дымҩаԥызгоз Аԥсны агәабзиарахьчара аминистр Едуард Быҭәба ахәыҷқәа рмедицинатә гәаҭарақәа мҩаԥызго урыстәылатәи аҳақьымцәа русура дазааҭгыло иҳәеит: "Ҳара зегьы ҳаиуацәахеит".Анаҩс Михаил Мурашкои Едуард Быҭәбеи Аҟәа ақалақь аҿы ангиограф азы ахыбра аргылара шцо иаҭааны иахәаԥшит. Быҭәба иҳәеит аргыларатә усурақәа активла шцо, ааигәа ахыб еиҩкаара шҭадырҭәаз.Михаил Мурашко Акапиталтә ргылара аусбарҭа ахаҭарнак диҿцәажәо иҳәеит, аргылара иадҳәалоу атехникатә уадаҩрақәа зегьы лаҵара 15 рҟынӡа иӡбахап ҳәа агәыӷра шимоу.Аминистрцәа аҭаан игәарҭеит Ареспубликатә хәыҷтәы хәшәтәырҭа аргылара шымҩаԥысуа. Ахыбра ахыркәшаратә усурақәа азгәаҭоуп 2026 шықәсазы.Атәыла ахада иҟынтәи адныҳәалараАԥсны ахада Бадра Гәынба Аԥсны иҟоу Урыстәыла АШәМ Аҳәаахьчаратә усбарҭа 16 шықәса ахыҵра рыдиныҳәалеит.Атәыла ахада иазгәеиҭеит Урыстәыла Аԥсны ашәарҭадаразы хәдықәҵара азнауеит, астратегиатә партниорцәоуп ҳәа."Аҭынха ду – еицаҳзеиԥшу аԥеиԥш"Аԥсны Жәлар Реизара-Апарламент аделегациа Аџьынџьтәылатә еибашьра Дуӡӡаҿы игаз Аиааира 80 шықәса ахыҵра иазкыз Жәларбжьаратәи афорум "Аҭынха ду – еицаҳзеиԥшу аԥеиԥш" рхы аладырхәит.Афорум аартра хацыркхеит Волгоград иҭахаз аибашьцәа рашҭаҿы Иҿымцәаауа амца аркрала. Ихыркәшахеит аҳаҭыртә хьчаҩцәа рротеи арратә оркестри рымҩасралеи Александр Невски ихьӡ зху Аныхабаа аҵәҵәабжьқәа ргаралеи.Афорум апленартә еилатәара ааиртит Белоруссиеи Урыстәылеи Реидгыла Апарламенттә еизара ахада, Аҳәынҭқарратә Дума ахантәаҩы Виачеслав Володин.Апарламент аиҳабы Лаша Ашәба "Аԥсны Аҳәынҭқарраҿы Аџьынџьтәылатә еибашьра Дуӡӡа агәалашәара" ала ажәахә ҟаиҵеит.Иара еиҭеиҳәеит ареспублика ауааԥсыра афашизм аиааира аус аҿы рлагала атәы, иахьа урҭ аамҭа хлымӡаахқәа ргәалашәара аиқәырхара рыҽшазыршәо.Аколлегацәа реиԥылареи Аконституциатә реформа апроектиУрыстәылатәи аделегациа афымцадәыӷба "Диаскуриа" ала лаҵара 1 азы Аҟәаҟа иааит. Иара убри амш азы Аԥсны Ауаажәларратә палата алахәылацәеи дареи реиԥылара мҩаԥысит.Ауаажәларратә проектқәа рзы Урыстәыла ахада Иусбарҭа аиҳабы ихаҭыԥуаҩ Александр Журавски Урыстәылеи Аԥсни ирыбжьоу аҩганктәи аизыҟазаашьақәа рыҿиашьа ахә ҳаракны ишьеит, еицырзеиԥшу апроектқәа рынагӡара Урыстәылатәи арегионқәа ралархәрагьы уахь иналаҵаны.Ауаажәларратә палата амаӡаныҟәгаҩ Гәыли Кьычԥҳа инаҵшьны иазгәалҭеит, урыстәылатәи рколлегацәеи дареи реимадара еизааигәаны ишышьақәгылоу 2009 шықәса раахыс."Ҳара ҳабжьара иҟоу аизыҟазаашьа ԥхақәа ԥхьаҟатәи аҿиара шроуа азы агәыӷра ҳазцәырнагоит", — ҳәа лҳәеит Кьычԥҳа.Иҳаҩсыз амчыбжь алагамҭазы еилкаахеит Ауаажәларратә палата Аԥсны ахадеи Жәлар Реизара-Апарламент ахантәаҩи рахь идәықәнаҵоит аҳәынҭқарра аргылареи, аҭыԥантәи ахаланаԥхгареи, ауаажәларратә еицәажәара аҿиареи рзы АП акомиссиа иазнархиаз аконституциатә еиҭакрақәа апроект шдәықәнаҵо.Апроект аҿы иазыԥхьагәаҭоуп Апарламент ахь алхрақәа рымҩаԥгара еилаԥсоу асистемахь аиагара, адепутатцәа рхыԥхьаӡара 35-ҩык рҟынтәи 45-ҩык рҟынӡа аизырҳара, иара убас ақәра аҳәаа 25 шықәса инаркны 30 шықәса рҟынӡа аизырҳара, аҳәынҭқарра ахада ирыдигалаз аԥыза-министр икандидатура адепутатцәа ҩынтә мап ацәыркыр, Апарламент аҳәынҭқарра ахада еимирпырц азы амеханизм аԥҵара.Тҟәарчал аԥшатлакә аситЛаҵара 1-2 руыха Тҟәарчали уи ааигәа-сигәа иҟоу ақыҭақәеи рҿы аԥша ӷәӷәа асит."Аԥшатлакә асааҭ 23:00 инаркны 01:00 рҟынӡа иасуан. Уи иахҟьаны Арӡынба имҩаду аҿы иҟоу аҩнеихагылақәа руак ахыб зегьы ақәнахит. Иара убас, даҽа х-ҩнеихагылак ҭыԥ-ҭыԥла рхыбқәа ақәнахит", - ҳәа Sputnik иазеиҭеиҳәеит араион амцацрцәара-еиқәырхаратә хәҭа аиҳабы Денис Кәыҵниа.Аԥшатлакә 30-ҵла инареиҳаны иканажьит, афымцацәаҳәақәа ԥнаҵәҵәеит. Аенергетикцәа оперативла алашара аҟалара алдыршеит, аха афырҭын ахҟьаԥҟьақәа раԥыхра мышқәак ирыдхалеит.Аусурақәа ирылархәын Тҟәарчал анхарҭа-коммуналтә маҵзурақәа, АҶА аспециалистцәа.

https://sputnik-abkhazia.info/20250501/sergei-kirienko-aati-arespublikat-khshtyra-daaait-1054706807.html

https://sputnik-abkhazia.info/20250501/urystyla-agabziarakhchara-aministr-ausut-nyaryla-asny-daaait-1054700506.html

https://sputnik-abkhazia.info/20250429/asny-aparlament-adelegatsia-zhlarbzharati-aforum-rkhy-aladyrkhit-1054669305.html

https://sputnik-abkhazia.info/20250501/asny-auaazhlarrat-palata-alakhylatsa-urystylati-rkollegatsa-iryleit-1054711462.html

2025

Ажәабжьқәа

ab_AB

ажәабжьқәа, аԥсны, аполитика, ауаажәларра