Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны алахәын асанепидемиологиатә ҭышәынтәаларазы азинмчы змоу анапхгаҩцәа реилатәара

© Foto / Минздрав АбхазииМинздрав Абхазии
Минздрав Абхазии - Sputnik Аҧсны, 1920, 06.05.2025
Анапаҵаҩра
АҞӘА, лаҵара 6 - Sputnik. Аԥсны Агәабзиарахьчара аминистр Едуард Быҭәбеи асанитартә ҳақьым хада Алла Белиаевеи рхы аладырхәит Евразиатәи аекономикатә еидгыла атәыла-лахәылацәа ирықәынхо ауааԥсыра рсанитар-епидемиологиатә ҭышәынтәалара аусхк аҟны азинмчы змоу анапхгаҩцәа рхеилак аилатәара.
Уи рхы аладырхәит иара убас Белоруссиа, Ермантәыла, Ҟазахсҭан, Ҟырӷызсҭан, Узбекисҭан, Таџьикистан, Аахыҵ Уаԥстәыла рхаҭарнакцәа.
Быҭәба иҟаиҵаз ажәахә аҿы Аԥсны аепидемиологиатә ҭагылазаашьа ҭынчуп ҳәа азгәеиҭеит. Аӡынразы ареспублика еиҳарак агриппи ареспиратортә вирустә инфекциақәеи роуп еиҳарак ирыхьуа, 2023-2024 шықәсқәа рзы аимҳәаршәаа чымазара цәырҵит, аха уажәшьҭа еиҵахо иалагеит – 2025 шықәса актәи аԥшьбарак иалагӡаны 8-ҩык ирыхьит, иҳаҩсыз ашықәс азы – 179-ҩык.
Агәабзиарахьчара аминистр иажәа иацҵо иҳәеит 30 шықәса раахыс раԥхьаӡа акәны Аԥсны аботулизм чымазара шцәырҵыз.
"Аепидемиологиатә ҭҵаара макьаназы ихыркәшам, абактериологиатә ҭҵаарақәа мҩаԥысуеит, аха уи зыхҟьаз аҩнтәи аалыҵқәа ракәзар ҟалоит", — ҳәа иазгәеиҭеит Едуард Быҭәба.
Ажәабжьқәа зегьы
0