Sputnik амчыбжь: Путини Гәынбеи реиԥылара, Аиааира амши аԥшаӷьи
© Foto / Пресс-служба президента Абхазии
Анапаҵаҩра
Аинформациатә маҵзура Sputnik Аԥсны иазнархиеит лаҵара 5-11 рыҩныҵҟа ареспубликаҿы аҭыԥ змаз иналукааша ажәабжьқәа рыхҳәаа.
Владимир Путини Бадра Гәынбеи Москва реиԥылара, Аиааира амш Урыстәылеи Аԥсни раҳҭнықалақьқәа рҿы ишазгәарҭаз, атәылақәа рыҩба атәылахьчараз рминистррақәа реилацәажәара, Ахақәиҭра ашҭаҿы аспорт афестиваль шымҩаԥысыз, иазыз аԥшаӷьы ахҟьаԥҟьақәа Sputnik аматериал аҿы.
Аиааира амши ахадацәа реиԥылареи
Аԥсны Аҳәынҭқарра ахада Бадра Гәынба Аџьынџьтәылатә еибашьра Дуӡӡа аҿы Аиааира агара иазкны Москва имҩаԥысуаз аныҳәатә усмҩаԥгатәқәа ихы рылаирхәит. Урыстәыла аҩызара аазырԥшуа жәабала аҳәынҭқаррақәа рхадацәа дрыцны Ашҭа Ҟаԥшь аҿы игылоу Идырым асолдаҭ ибаҟа амҵан ашәҭ шьыҵәрақәа шьҭаиҵеит, Аиааира апарад ихы алаирхәит.
Бадра Гәынбеи уи иԥшәмаԥҳәыс Ирма Хашыгԥҳаи Владимир Путин Кремльтәи ахан аҿы хаҭала дырԥылеит.
Мышкы уи ашьҭахь, лаҵара 10 рзы Путини Гәынбеи аиԥылара мҩаԥыргеит апресса аусзуҩцәа алархәны. Дара аҩганктәи аусеицура иадҳәалоу актуалтә зҵаарақәа жәпакы ирылацәажәеит. Аԥсны ахада Урыстәылатәи иколлега ааԥхьара ииҭеит иара изы иманшәалоу аамҭазы ареспублика даҭаарц, инаҵшьны иазгәеиҭеит ареспублика ауааԥсыра гәыкала ишизыԥшу.
“Дараӡа ҭабуп, гәахәарыла”, ҳәа аҭак ҟаиҵеит Путин.
Гәынба инаҵшьны иазгәеиҭеит аурыс-аԥсуа еизыҟазаашьақәа адинамикатә ҿиара шрымоу, иара убасгьы иазгәеиҭеит лаҵарамза алагамҭазы 30 шықәса инареиҳаны еиԥҟьаз Аԥсни Урыстәылеи рыбжьара аҳаиртә еимадара аиҭашьақәыргылара шалыршахаз.
Уи адагьы, Москватәи ацхыраара иабзоураны, ареспубликаҿ инхо урыстәылатәи амашьынарныҟәцаратә бӷьыцқәа ирҿырԥшу азинқәеи Аԥсны инхо урыстәылатәи атәанчаҩцәа рзы абанктә картачкақәеи рыҭара еиҿкаан.
"Лымкаала ҭабуп ҳәа шәасҳәоит хаҭала шәара, Урыстәылатәи Афедерациа ауааԥсыра, ҳреспублика гәыкала шәахьазыҟоу, уи ашәарҭадараз, ҳадгьыл аҿы аҭынчра ахьышәыхьчо азы", - иҳәеит Гәынба.
Урыстәылатәи Афедерациа анапхгаҩы еиуеиԥшым ахырхарҭақәа рыла Аԥсни аус ацура ацҵара дшазхиоу азгәеиҭеит. Уахь иаҵанакуеит аекономикатәи агуманитартәи усеицура, аҵарадырра, агәабзиарахьчара, атуризм.
"Иҳаҩсыз ашықәс азы атуристцәа рхыԥхьаӡара аизҳара акырӡа аҵанакуа иҟан. Ҳазыԥшуп сынтәа уи 7% иреиҵамкәа иацлап ҳәа, иҟалап уи еиҳагьы еизҳар", ҳәа инаҵшьны иазгәеиҭеит Урыстәыла ахада иԥылараан Бадра Гәынба.
Путин Аԥсны афашизм аиааираз иҟанаҵаз алагала гәыгәҭеимыжьит. Уи инаҵшьны иазгәеиҭеит 17 нызқьҩык инареиҳаны ареспублика ауааԥсыра афронт аҟынтәи рыҩныҟа ишыхнымҳәыз. Аԥсны ауааԥсыра 23ҩык Асовет Еидгыла Афырхаҵа ҳәа ахьӡ ҳарак рыхҵан, хҩык — Ахьӡ-аԥша аорден акавалер нагӡа ранашьоуп.
хҩык — Ахьӡ-аԥша аорден акавалер нагӡа ранашьоуп.
Аныҳәа аламҭалаз Аԥсны ахада Бадра Гәынба Аиааира 80 шықәса ахыҵра идиныҳәалеит Аџьынџьтәылатә еибашьра Дуӡӡа аветеран Алықьса Лашәриа.
"Ҳаҭыр ду зқәу ҳветеранцәа, ҳгәы шәыладууп. Шәара шәгәымшәара ҿырԥшыгоуп. Аиааиразы, иҭабуп", — иҳәеит Гәынба.
1945 ашықәсазы Алықьса Лашәриа Берлиннӡа днаӡеит, иара Реихстаг аҭӡамц аҿы аҩыра аанижьит. Ҳазҭоу ашықәс жәабранмзазы иара 100 шықәса ихыҵит. Иирамш идиныҳәалеит Урыстәыла ахада Владимир Путин.
Аџьынџьтәылатә еибашьра Дуӡӡа аветеран Алықьса Лашәриа Шәача ақалақь аҳаҭыр зқәу атәылауаҩ ҳәа ахьӡ иҭоуп.
Лаҵара 7 рзы Аԥсныҟа иааргеит Иҿымцәаауа амцабз аҟәырҷаха. Уи Аҟәатәи Владислав Арӡынба ихьӡ зху Аҳәынҭқарратә Арратә хьӡи-ԥшеи рмузеи ахь инаган.
Лаҵара 9 аҽны ареспублика ақалақьқәеи араионқәеи зегьы рҿы ари арыцхә иазкыз аныҳәатәи агәалашәаратәи усмҩаԥгатәқәа мҩаԥысит. Атәыла ақыҭақәа жәпакы рҿы афашизм аҿагылареи Аԥсны жәлар Рџьынџьтәылатә еибашьреи раан иҭахаз афырхацәа рмемориалқәеи рбаҟақәеи реиҭашьақәыргылара ашьҭахь ныҳәатә ҟазшьала раартра мҩаԥган. Аусурақәа Урыстәыла Ахада игрантқәа Рфонд аҟынтәи ирзоушьҭыз аԥарақәа рыла имҩаԥган.
Бадра Гәынба Аԥсны жәлар Аџьынџьтәылатә еибашьра Дуӡӡа аҿы игаз Аиааира амш рыдиныҳәалеит.
"Ҳаҭыр зқәу аветеранцәа! Шәыԥсҭазаара – ари зыԥсы ҭоу, зегь реиҳа ихьанҭоу аԥышәарақәа раан иҩу ҭоурыхуп. Шәара шәгәымшәара шәхәыҷқәеи шәԥаҭацәеи рзы иҿырԥшыган, урҭ ажәашықәсқәа рышьҭахь Аԥсны ақырҭуа агрессиа аҟынтәи ахьчара рықәшәеит", — ҳәа аҳәоит атекст аҿы.
Гәынба иҳәеит, ҳазҭоу аамҭазы тәылақәак рҿы анацизм аиҭарҿиара ишаҿу. Урыстәыла уи ИАО адәаҟны иаҿагыланы ишықәԥо, Аԥсны уи астратегиатә ҩыза адгылара шанаҭо.
Аџьынџьтәылатә еибашьра Дуӡӡаҿы Аиааира 80 шықәса ахыҵра иазку арыцхә мҽхакыҭбаала иазгәарҭеит Аҟәа.
Алабжышқәа хаҟәҟәало: Аиааира апарад мҩаԥысит Аҟәа
1/14
© Sputnik / Томас Тхайцук
Аҟәа иазгәарҭеит Аџьынџьтәылатә еибашьра Дуӡӡаҿы игаз Аиааира 80 шықәса ахыҵра.
2/14
© Sputnik / Томас Тхайцук
Ихадоу ахҭысқәа ируакын Диоскуриа аԥшаҳәаҿы имҩаԥысыз арратә парад.
3/14
© Sputnik / Томас Тхайцук
Ахәаԥшцәа аӡәырҩы дара рхаҭақәагьы армаҭәала еилаҳәан.
4/14
© Sputnik / Томас Тхайцук
Апарад мҩаԥысуан Аԥсны Атәылахьчара аминистрра аоркестр арҳәарала.
5/14
© Sputnik / Томас Тхайцук
Шьаҿеиқәшәала аԥшаҳәа иқәсит Аԥсни Урыстәылеи аррамаҵзурауаа,
6/14
© Sputnik / Томас Тхайцук
Урҭ рыбжьара иҟан Аҭагылазаашьа ҷыдақәа рзы аминистрра, Аҳәынҭқарратә ахьчаратә маҵзура, Аҳәынҭқарра ашәарҭадаратә маҵзура аҳәаахьчаратә усбарҭа русзуҩцәа.
7/14
© Sputnik / Томас Тхайцук
Апарад напхгара азиуан аполковник Беслан Мышәба, идикылеит атәылахьчара аминистр инапынҵақәа назыгӡо Беслан Ҵәыџьба.
8/14
© Sputnik / Томас Тхайцук
Аџьынџьтәылатә еибашьра Дуӡӡаҿы игаз Аиааира 80 шықәса ахыҵра азгәаҭара азҿлымҳара ду арҭеит Аԥсны ауааԥсыреи асацәеи.
9/14
© Sputnik / Томас Тхайцук
Аныҟәара рхы аладырхәит аҭыԥҳацәа ссирқәагьы.
10/14
© Sputnik / Томас Тхайцук
Аиааира апарад аҟны Аԥсны иҟоу Урыстәыла АШәМ Аҳәаахьчаратә маҵзура.
11/14
© Sputnik / Томас Тхайцук
Аныҟәара рхы аладырхәит 600-ҩык аррамаҵзурауаа.
12/14
© Sputnik / Томас Тхайцук
Амшын аҿы ицәырҵит аҳәаахьчаратә ӷбақәа, ажәҩан ахь ихалеит Аԥсны аҳаирмчқәа рвертолиотқәа.
13/14
© Sputnik / Томас Тхайцук
Ашьаҟауаа еишьҭагылан рныҟәара хыркәшахеит маланыҟәалеи Ԥсра зқәым архәҭа амҩасралеи.
14/14
© Sputnik / Томас Тхайцук
Аиааира абираҟ аҩызаҵәҟьа кны днеиуан Нарҭ Габлиа — Асовет Еидгыла Афырхаҵа Варлам Габлиа имаҭа.
1/14
© Sputnik / Томас Тхайцук
Аҟәа иазгәарҭеит Аџьынџьтәылатә еибашьра Дуӡӡаҿы игаз Аиааира 80 шықәса ахыҵра.
2/14
© Sputnik / Томас Тхайцук
Ихадоу ахҭысқәа ируакын Диоскуриа аԥшаҳәаҿы имҩаԥысыз арратә парад.
3/14
© Sputnik / Томас Тхайцук
Ахәаԥшцәа аӡәырҩы дара рхаҭақәагьы армаҭәала еилаҳәан.
4/14
© Sputnik / Томас Тхайцук
Апарад мҩаԥысуан Аԥсны Атәылахьчара аминистрра аоркестр арҳәарала.
5/14
© Sputnik / Томас Тхайцук
Шьаҿеиқәшәала аԥшаҳәа иқәсит Аԥсни Урыстәылеи аррамаҵзурауаа,
6/14
© Sputnik / Томас Тхайцук
Урҭ рыбжьара иҟан Аҭагылазаашьа ҷыдақәа рзы аминистрра, Аҳәынҭқарратә ахьчаратә маҵзура, Аҳәынҭқарра ашәарҭадаратә маҵзура аҳәаахьчаратә усбарҭа русзуҩцәа.
7/14
© Sputnik / Томас Тхайцук
Апарад напхгара азиуан аполковник Беслан Мышәба, идикылеит атәылахьчара аминистр инапынҵақәа назыгӡо Беслан Ҵәыџьба.
8/14
© Sputnik / Томас Тхайцук
Аџьынџьтәылатә еибашьра Дуӡӡаҿы игаз Аиааира 80 шықәса ахыҵра азгәаҭара азҿлымҳара ду арҭеит Аԥсны ауааԥсыреи асацәеи.
9/14
© Sputnik / Томас Тхайцук
Аныҟәара рхы аладырхәит аҭыԥҳацәа ссирқәагьы.
10/14
© Sputnik / Томас Тхайцук
Аиааира апарад аҟны Аԥсны иҟоу Урыстәыла АШәМ Аҳәаахьчаратә маҵзура.
11/14
© Sputnik / Томас Тхайцук
Аныҟәара рхы аладырхәит 600-ҩык аррамаҵзурауаа.
12/14
© Sputnik / Томас Тхайцук
Амшын аҿы ицәырҵит аҳәаахьчаратә ӷбақәа, ажәҩан ахь ихалеит Аԥсны аҳаирмчқәа рвертолиотқәа.
13/14
© Sputnik / Томас Тхайцук
Ашьаҟауаа еишьҭагылан рныҟәара хыркәшахеит маланыҟәалеи Ԥсра зқәым архәҭа амҩасралеи.
14/14
© Sputnik / Томас Тхайцук
Аиааира абираҟ аҩызаҵәҟьа кны днеиуан Нарҭ Габлиа — Асовет Еидгыла Афырхаҵа Варлам Габлиа имаҭа.
Лаҵара 9, ашьыжь, Диоскураа рыԥшаҳәаҿы имҩаԥган Аиааира апарад.
Шьаҿеиқәшәала аԥшаҳәа иқәсит Аԥсни Урыстәылеи рыррамаҵзурауаа, АҶА, АХьМ, АШәМ Аҳәаахьчаратә усбарҭа аусзуҩцәа. Амшын ахь ицәырҵит аҳәаахьчаратә усбарҭа аӷбақәа, ажәҩан аҿы – Аԥсны АМ рверталиотқәа. Апарад напхгара азиуеит аполковник Беслан Мышәба. Апарад идикылоит атәылахьчара аминистр инапынҵақәа назыгӡо Беслан Ҵәыџьба.
Аколоннақәа рымҩасра хыркәшан Ԥсра зқәым аполк амҩасралеи амаланыҟәатә еиԥхныҩлареи.
Еизаз рҿаԥхьа дықәгылеит ахада ихаҭыԥуаҩ Беслан Бигәаа.
"Гәык-ԥсык ала ишәыдысныҳәалоит Аџьынџьтәылатә еибашьра Дуӡӡа Аиааира 80 шықәса ахыҵра. Ари аныҳәа ԥшьа агәымшәара, афырхаҵара, аԥсадгьыл ахь ҳәаа змам абзиабара ирсимволуп, ҳәа инаҵшьны иазгәеиҭеит иара.
Аԥсны иҟоу Урыстәыла ацҳаражәҳәаҩ Михаил Шургалингьы Аԥсны жәлар аныҳәа ду рыдиныҳәалеит. Уи иазгәеиҭеит Германиа мацара акәымкәа, Европа иқәынхо егьырҭ ажәларқәа аӡәырҩгьы асовет жәлар ишырҿагылаз.
Анаҩс, хыԥхьаӡара рацәала ахәылԥаз асасцәа рҿаԥхьа иқәгылеит Чычба ихьӡ зху Аҟәатәи аҳәынҭқарратә музыкатә ҵараиурҭа ахор, агәыԥ "Аԥсны-67", Ҭемыр Ҭаниа, Хьыбла Мықәԥҳа уҳәа анагӡаҩцәа.
Урҭ аибашьра иазку, еицырдыруа ашәақәа рҳәон: "Аибашьра ԥшьа", "Хьӡы змам ахәы", "Смуглианка", "Аԥҟақәа", "Аиааира Амш".
Аспорт аныҳәа
Аҟәа, Ахақәиҭра ашҭаҿы Аџьынџьтәылатә еибашьра Дуӡӡаҿы Аиааира агара 80 шықәса ахыҵра иазку аспорттә фестиваль мҩаԥысит. иалагеит. Афестиваль алахәылацәеи асасцәеи аԥсшәа реиҳәеит Аԥсны ахада Бадра Гәынба. Уи иазгәеиҭеит афестиваль аспортсменцәа рымацара ракәымкәа, Аԥсны атәылауаа зегьы рзы хҭысны иҟалар шахәҭоу, иҳәеит аԥснытәи аспортсменцәа жәларбжьаратәи аренаҿы ахаангьы ареспублика ахьӡ шҭыргоз.
" Иахьа иреиӷьу алҵшәақәа аазырԥшыз 30-ҩык аспортсменцәа ацхыраара рыҭаразы аӡбара рыдыркылеит, шықәсык аҩныҵҟа есымза грант ҳасабла ацхыраара роулоит" ҳәа иҳәеит ахада.
Аԥсны араионқәа зегьы рҟынтәи 20-20 спортсмен злахәыз 25 колонна шьаҿеиқәшәала ашҭа иқәсит. Урҭ раԥхьа игылан атәыла аспорт аветеранцәа.
Аусмҩаԥгатә иаҭааз рзы еиуеиԥшым аспорт хкқәа рыла аиндаҭларақәа еиҿкаан. Изҭаху зегьы еиуеиԥшым адисциплинақәа рыла аҟазара-классқәа рхы рыладырхәуан.
Аиқәшаҳаҭра ҿыц
Урыстәылеи Аԥсни ртәылахьчара аминистррақәа рнапхгаҩцәа Андреи Белоусови Владимир Ануеи аиҿцәажәарақәа мҩаԥыргеит, ареспубликаҿы иҟоу а-7-тәи арратә база аҵакыраҿы урыстәылатәи азеиԥшҵаратә школ аԥҵаразы анапхгарабжьаратәи аиқәшаҳаҭра рнапы аҵарҩит.
"Аԥсны Аҳәынҭқарра – ҳзықәгәыӷуа ҩызоуп. Ҳҳәынҭқаррақәа ирыбжьоу астратегиатә еиҩызаразы аиқәшаҳаҭра аҳәаақәа ирҭагӡаны, ҳара иаҳзеиԥшу ахьчаратә ҵакыра шьақәҳаргылоит", — иҳәеит Белоусов.
Владимир Ануа аиԥылараҟны иҳәеит Аԥсны атәылахьчара аминистрраҟны ахә ҳаракны ишыршьо ареспублика атәылахьчара алшарақәа арӷәӷәараҿы хаҭала Белоусови Урыстәыла Арбџьармчқәа рыштаб хадеи иҟарҵо ацхыраара.
Донбасс хатәгәаԥхарала еибашьуа Рымш
Донбасс хатәгәаԥхарала еибашьуа рымш Идырым асолдаҭ ибаҟа аҿаԥхьа иазгәарҭеит лаҵара 6 азы.
"Донбасс аибашьра мҩаԥысуеижьҭеи 11 шықәса ҵуеит, ахатәгәаԥхаҩцәа рымшгьы убриаҟараҵәҟьа аамҭа иазгәарҭоит. Ари амш – Иԥшьоу Гьаргь Аиааирагаҩ имш аҽны, ҳара иҭахаз ҳаҷкәынцәа ҳгәалаҳаршәоит, аха рыцҳарас иҟалаз, урҭ рхыԥхьаӡара еизҳауеит", — иҳәеит ауаажәларратә еиҿкаара "Ахатәгәаԥхарауаҩ" ахантәаҩы Вадим Мироненко.
Аусмҩаԥгатә аҳәаақәа ирҭагӡаны иҭахаз аибашьцәа рҭаацәа аҳамҭақәа ранашьан, иара убасгьы Донбасс аибашьра иалагазар инаркны иахьанӡа ацхыраара ҟазҵо ауаа аҳаҭыртә шәҟәқәа рыҭан.
Жәлар рышәҟәыҩҩы наӡаӡа абзиараз ҳәа иаҳәара
Аԥсны Жәлар рышәҟәыҩҩы, ароман-рапсодиа "Асду" автор Алықьса Гогәуа лаҵара 7 рзы иԥсҭазаара далҵит 93 шықәса дшырҭагылаз.
Самсон Ҷанба ихьӡ зху Аҳәынҭқарратә драматә театр аҿы лаҵара 10 рзы имҩаԥысит аграждантә панихидеи наӡаӡа абзиараз ҳәа иаҳәареи.
Гогәуа - Дырмит Гәлиа ихьӡ зху Аҳәынҭқарратә премиа алауреат, Ахьӡ-Аԥша аорден актәи аҩаӡара занашьоу, ироман-рапсодиа "Асду" Аԥсны культтә рҿиамҭаны иҟалеит.
Гогәуа Аԥсны амилаҭ-хақәиҭратә ҵысра ахыҵхырҭаҿы дгылан. Жәлар ракзаара Афорум "Аидгылара" актәи анапхгаҩыс дыҟан. Еиуеиԥшым ашықәсқәа рыҩнуҵҟала ажурнал "Алашара" аҭакзыԥхықәу маӡаныҟәгаҩыс, ахәыҷтәы журнал "Амцабз" аредактор хадас, Аԥсны ашәҟәыҩҩцәа Реидгыла анапхгара дахагылан.
Аҟәа ауаҩшьра
Аиааира Амш аныҳәа еилахәан уаҩшьрала. Ареспублика АҩАР адыррала Марыхәтәи амҩа аҩны №4 аҿаԥхьа дшьын Гарик Аҩӡба.
Аҭыԥ ахь днеиит аԥыза-министр ихаҭыԥуаҩ, аҩныҵҟатәи аусқәа рминистр Роберт Кьиут. Имҩаԥысуеит аоператив-ԥшааратә уснагӡатәқәа.
Уаанӡа Апрокуратура хада адырра ҟанаҵахьан Аҟәа ақалақь апрокуратура ашьаус шхацнаркыз азы.
Ахәаша, асааҭ 11:55 рзы аномерқәа М101ММ RSO зқәыз амашьына шкәакәа Toyota Alphard ала идырым ахаҿқәа Аинрал Аршба имҩеи Март 4 амҩеи реихысырҭахь инеиит.
Дара закәаншьаҭада иныҟәыргози имҩаныргози абџьар ала фынтә рҟынӡа Гарик Аҩӡба иеихсны ибналеит Гарик Аҩӡба иоуз ахәрақәа изхымгакәа иԥсҭазаара далҵит.
Адиспансеризациа
Урыстәылатәи амедусзуҩцәа зылшарақәа ԥку ахәыҷқәа рзы Ареспубликатә реабилитациатә Центр аҿы адиспансеризациа иалагеит лаҵара 5 азы.
Иара еиҿкаауп адиспансеризациа ахьымҩаԥысуаз иаабац ашколқәа рахь аныҟәара зылымшо ахәыҷқәа рзы ҳәа иҳәеит аҳақьымцәа ррегионалтә бригадақәа рнапхгаҩы Александр Букш.
30 шықәса рыла абасеиԥш инарҭбаау амедицинатә гәаҭара ареспубликаҿы жәабран 12 рзы ихацыркхеит, уи лаҵара анҵәамҭанӡа имҩаԥыслоит.
25 нызқьҩык рҟынӡа ахәыҷқәа ргәаҭара азыԥхьагәаҭоуп, урҭ рҟынтәи 22 нызқьҩык инареиҳаны аҳақьымцәа агәаҭара иахрыжьхьеит.
Аԥшаҳәаҿы аԥшаӷьы
Аԥшаӷьы лаҵара 10-11 рзы ауха Аԥсны амшын аԥшаҳәа ахәҭаҿы иасит. Аԥша ӷәӷәа аҵлақәа канажьит, афымца цәаҳәақәа ԥнаҵәҵәеит, ахатәыҩнқәеи аҩнеихагылақәеи рхыбқәа рықәнахит.
Аԥсны ахада Бадра Гәынба амшцәгьа ахҟьаԥҟьақәа раԥыхреи ауааԥсыра ацхыраара рыҭареи рзы иахәҭоу зегьы ҟарҵарц анапынҵа ииҭеит аԥыза-министр Владимир Делба.
Аиҳарак ааха ҟалеит Аҟәа, Гәдоуҭа, Аҟәа араион рҿы. Уажәы арыцҳара ахәшьара аҭареи уи ахҟьаԥҟьақәа раԥыхреи ирҿуп.
