https://sputnik-abkhazia.info/20250518/urylakhart-ian-aishtsa-leiaa-iryzkny-1054601279.html
"Урылаҽхәартә иҟан": аишьцәа Леиаа ирызкны
"Урылаҽхәартә иҟан": аишьцәа Леиаа ирызкны
Sputnik Аҧсны
Аџьынџьтәылатәи аибашьра Ду ианалага, афронт ахь ицеит хҩык аишьцәа Алықьсеи, Платони, Сандрои Беигәа-иԥацәа Леиаа. Дара еиҭымны изызҳаз, зхала еибааӡаз... 18.05.2025, Sputnik Аҧсны
2025-05-18T10:00+0300
2025-05-18T10:00+0300
2025-05-18T00:06+0300
аиааира ду – 80
аналитикеи аиҿцәажәарақәеи
аиааира ду аҭоурыхқәа
аиааира ду ҳзаазгаз
аԥсны
https://cdnn1.img.sputnik-abkhazia.info/img/07e7/07/08/1046796107_0:160:3072:1888_1920x0_80_0_0_e880b176e0ee197f532014878fd7ee52.jpg
Аџьынџьтәылатәи аибашьра Ду ианалага, афронт ахь ицеит хҩык аишьцәа Алықьсеи, Платони, Сандрои Беигәа-иԥацәа Леиаа. Дара еиҭымны изызҳаз, зхала еибааӡаз ракәын. Аҷкәынцәа рыхшыҩ бзиан, аҵарақәа рыман. Рыжәлар рылаҽхәо ианыҩагыла аамҭазы рлахьынҵа цәгьахеит. Аишьцәа рҭоурых анҵоуп Сандро иԥҳа Мевлиана Леиԥҳа лажәақәа рыла. Иахьатәи санҵамҭа зызку Алықьсеи, Платони, Сандрои Леиаа ишыхәыҷқәаз рани раби рыԥхеит. Аишьцәа рхала ршьапы иқәгылеит. Драаӡеит раҳәшьазаҵә Евагьы. Мгәыӡырхәатәи ашкол иалгаз Алықьса, арҵаҩы изанааҭ ала аҵара иҵеит. Акоммунисттә партиа далан. Аџьынџьтәылатәи аибашьра Ду аламҭалазы Мгәыӡырхәатәи абжьаратә школ директорс дахагылан. Раԥхьа иара Баҭымҟа ддәықәырҵеит. Устәи 1942 шықәсазы Германиаҟа днанагеит баандаҩык иаҳасабала. Икоммунисттә партиатә билеҭ анидырбала, гәыԥҩык иҩызцәеи иареи шьны жрак аҟны еицыржит. Иахьа Киольн ақалақьтә музеи аҟны еиқәханы иҟоуп Алықьса иҭаацәа рахь иҩуаз асалам шәҟәқәа. Платон Леиба ашкол даналга, Украина Иреиҳау арратә-танктә ҵараиурҭа дҭалоит. Иԥсҭазаарагьы уа ишьақәиргылоит. Анаҩс иаҳәшьеиҵбы Евагьы иара иахь дигоит. Сандро Аҟәатәи арҵаҩратә техникум дышҭаз аррақәра данаҵанак, азеиԥш ԥсадгьыл аҿаԥхьа иуалԥшьақәа рынагӡаразы Украинаҟа ддәықәырҵоит. "Рашәара 22 1941 шықәсазы Аџьынџьтәылатәи аибашьра Ду ианалага аҽны Платон арратә горнизон аҟны дыҟан. Ажәҩан аҳаирпланқәа аналала, аӷацәа адгьыл аҟны ирбоз зегьы ԥыххаа ианыргоз, Платон илшеит Дбар ҷкәынаки Гәынбаки рыԥсы аиқәырхара. Аҭагылазаашьа ԥшааны, машьынала Аԥсныҟа идәықәиҵеит иҭаацәа. Иаҳәшьа Вера, усҟан абыжьбатәи акласс аҟны аҵара лҵон. Аибашьра раԥхьатәи амшқәа рзы Платон хабарда дыбжьаӡуеит. Саб, Сандро иакәзар, ивзвод иалаз хҩык рыда зегьы ҭахоит. Анаҩс иара далалоит Калинин ихьӡ зхыз апартизантә отриад. Махәҿылатәи аибашьраан, иҩызцәеи иареи 40-ҩык аӷацәа ҭадырхоит, 30-ҩык рхәоит", - аҭоурых дазааҭгылоит Сандро Леиба иԥҳа Мевлиана. Сандро аибашьра зегьы ихеигоит. Ажьырныҳәа 30 1945 шықәсазы ахәра иоуит. Ригатәи агоспиталь аҟны дышьҭарҵоит. Устәи, ҩаԥхьа ирратә уалԥшьақәа рынагӡара иациҵоит. "Аџьынџьтәылатәи аибашьра Ду ианалагоз, саб аррамаҵура дахысуан, афронт аҿы дшыҟазгьы, зегь акоуп ирратә уалԥшьа аҵыхәтәанӡа инаигӡароуп ҳәа архәҭаҟны дынрыжьуеит. Аԥсныҟа дхынҳәуеит 1946 шықәсазы", - лажәа иацылҵоит Мевлиана. Алықьсеи, Платони, Сандрои раҳәшьазаҵә Вера Аԥсны еицырдыруаз ҳақьымхеит. Лара Қарҭтәи амедицинатә институт далганы, Гәдоуҭатәи аимҳәацәгьа чымазаратә хәшәтәырҭаҟны фтизиатрс аус луан. Аишьцәа Алықьсеи Платони реибашьратә мҩа кьаҿхеит, аха аҭоурыхтә хҭысқәа рыла иҭәын. Еибганы амцашыра иалҵыз Сандро, аҳәынҭқарратә ҳамҭақәа жәпакы дрыԥсахеит.
https://sputnik-abkhazia.info/20250512/16-shysa-ikhyuan-grigori-arynba-izkny-1054597642.html
https://sputnik-abkhazia.info/20250516/25-shysa-aakra-iyreit-kychka-agrba-iourykh-1054600585.html
Sputnik Аҧсны
media@sputniknews.com
+74956456601
MIA „Rossiya Segodnya“
2025
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
аналитикеи аиҿцәажәарақәеи, аиааира ду аҭоурыхқәа, аиааира ду ҳзаазгаз, аԥсны
аналитикеи аиҿцәажәарақәеи, аиааира ду аҭоурыхқәа, аиааира ду ҳзаазгаз, аԥсны
Аџьынџьтәылатәи аибашьра Ду ианалага, афронт ахь ицеит хҩык аишьцәа Алықьсеи, Платони, Сандрои Беигәа-иԥацәа Леиаа. Дара еиҭымны изызҳаз, зхала еибааӡаз ракәын. Аҷкәынцәа рыхшыҩ бзиан, аҵарақәа рыман. Рыжәлар рылаҽхәо ианыҩагыла аамҭазы рлахьынҵа цәгьахеит. Аишьцәа рҭоурых анҵоуп Сандро иԥҳа Мевлиана Леиԥҳа лажәақәа рыла.
Иахьатәи санҵамҭа зызку Алықьсеи, Платони, Сандрои Леиаа ишыхәыҷқәаз рани раби рыԥхеит. Аишьцәа рхала ршьапы иқәгылеит. Драаӡеит раҳәшьазаҵә Евагьы.
Мгәыӡырхәатәи ашкол иалгаз Алықьса, арҵаҩы изанааҭ ала аҵара иҵеит. Акоммунисттә партиа далан. Аџьынџьтәылатәи аибашьра Ду аламҭалазы Мгәыӡырхәатәи абжьаратә школ директорс дахагылан. Раԥхьа иара Баҭымҟа ддәықәырҵеит. Устәи 1942 шықәсазы Германиаҟа днанагеит баандаҩык иаҳасабала. Икоммунисттә партиатә билеҭ анидырбала, гәыԥҩык иҩызцәеи иареи шьны жрак аҟны еицыржит. Иахьа Киольн ақалақьтә музеи аҟны еиқәханы иҟоуп Алықьса иҭаацәа рахь иҩуаз асалам шәҟәқәа.
Платон Леиба ашкол даналга, Украина Иреиҳау арратә-танктә ҵараиурҭа дҭалоит. Иԥсҭазаарагьы уа ишьақәиргылоит. Анаҩс иаҳәшьеиҵбы Евагьы иара иахь дигоит. Сандро Аҟәатәи арҵаҩратә техникум дышҭаз аррақәра данаҵанак, азеиԥш ԥсадгьыл аҿаԥхьа иуалԥшьақәа рынагӡаразы Украинаҟа ддәықәырҵоит.
"Рашәара 22 1941 шықәсазы Аџьынџьтәылатәи аибашьра Ду ианалага аҽны Платон арратә горнизон аҟны дыҟан. Ажәҩан аҳаирпланқәа аналала, аӷацәа адгьыл аҟны ирбоз зегьы ԥыххаа ианыргоз, Платон илшеит Дбар ҷкәынаки Гәынбаки рыԥсы аиқәырхара. Аҭагылазаашьа ԥшааны, машьынала Аԥсныҟа идәықәиҵеит иҭаацәа. Иаҳәшьа Вера, усҟан абыжьбатәи акласс аҟны аҵара лҵон. Аибашьра раԥхьатәи амшқәа рзы Платон хабарда дыбжьаӡуеит. Саб, Сандро иакәзар, ивзвод иалаз хҩык рыда зегьы ҭахоит. Анаҩс иара далалоит Калинин ихьӡ зхыз апартизантә отриад. Махәҿылатәи аибашьраан, иҩызцәеи иареи 40-ҩык аӷацәа ҭадырхоит, 30-ҩык рхәоит", - аҭоурых дазааҭгылоит Сандро Леиба иԥҳа Мевлиана.
Сандро аибашьра зегьы ихеигоит. Ажьырныҳәа 30 1945 шықәсазы ахәра иоуит. Ригатәи агоспиталь аҟны дышьҭарҵоит. Устәи, ҩаԥхьа ирратә уалԥшьақәа рынагӡара иациҵоит.
"Аџьынџьтәылатәи аибашьра Ду ианалагоз, саб аррамаҵура дахысуан, афронт аҿы дшыҟазгьы, зегь акоуп ирратә уалԥшьа аҵыхәтәанӡа инаигӡароуп ҳәа архәҭаҟны дынрыжьуеит. Аԥсныҟа дхынҳәуеит 1946 шықәсазы", - лажәа иацылҵоит Мевлиана.
1948 шықәсазы Сандро дҭаацәарахеит. Иара иаб игәараҭа ҵәҩаншьапс дахагылеит. Иԥшәмаԥҳәыс Галина Аргәынԥҳаи иареи хҩык аԥацәеи аԥҳаи рхылҵит. Рыҷкәынцәа Витали, Сасрыҟәа, Салаҭбеи алахәын ҳара хџьынџьтәылатәи аибашьра.
Алықьсеи, Платони, Сандрои раҳәшьазаҵә Вера Аԥсны еицырдыруаз ҳақьымхеит. Лара Қарҭтәи амедицинатә институт далганы, Гәдоуҭатәи аимҳәацәгьа чымазаратә хәшәтәырҭаҟны фтизиатрс аус луан.
Аишьцәа Алықьсеи Платони реибашьратә мҩа кьаҿхеит, аха аҭоурыхтә хҭысқәа рыла иҭәын. Еибганы амцашыра иалҵыз Сандро, аҳәынҭқарратә ҳамҭақәа жәпакы дрыԥсахеит.
