https://sputnik-abkhazia.info/20250808/asny-ausura-ialadyrgeit-aitslabra-asny-amedia-ytsa--1056793994.html
Аԥсны аусура иаладыргеит аицлабра "Аԥсны амедиа ҿыцқәа"
Аԥсны аусура иаладыргеит аицлабра "Аԥсны амедиа ҿыцқәа"
Sputnik Аҧсны
АҞӘА, нанҳәа 8 - Sputnik. Ареспублика аинформациатә суверенитет аԥҵаразы аицлабра "Аԥсны амедиа ҿыцқәа" хымԥада иалагалатәуп ҳәа аҳәамҭа ҟаиҵеит Аԥсны ахада... 08.08.2025, Sputnik Аҧсны
2025-08-08T18:00+0300
2025-08-08T18:00+0300
2025-08-08T18:31+0300
аԥсны
ажәабжьқәа
https://cdnn1.img.sputnik-abkhazia.info/img/07e9/08/08/1056791065_0:160:3072:1888_1920x0_80_0_0_4af8c270baea06f9981de1415555418a.jpg
АҞӘА, нанҳәа 8 - Sputnik. Ареспублика аинформациатә суверенитет аԥҵаразы аицлабра "Аԥсны амедиа ҿыцқәа" хымԥада иалагалатәуп ҳәа аҳәамҭа ҟаиҵеит Аԥсны ахада Иусбарҭа аинформациатә хархәагақәа рымадаразы аҟәша аиҳабы Алхас Ҷолокәуа Sputnik аҿы имҩаԥысыз апресс-конференциаҿы. Уи игәаанагарала, аицлабра иабзоураны ареспубликаҿы ҳаамҭазтәи ахәыцра змоу ажурналистцәеи аблогерцәеи рхыԥхьаӡара иацлоит, уи атәыла ахыԥшеи жәларбжьаратәи аплатформақәа рҿы аӡыргареи рҿы хра злоу анырра ҟанаҵоит.Иара иазгәеиҭеит Аԥснытәи ажурналистцәа 1992-1993 шықәсқәа рзы аинформациатә еибашьраҿы аиааира шыргаз. Уи инаҵшьны иҳәеит Қырҭтәыла акыр еиҳаз алшарақәа шамазгьы, аинформациатә еибашьраҿы хыԥхьаӡарала еиҳа имаҷыз аԥсадгьыл абзиабара иабылуаз апрофессионалтә аԥсуа журналистцәа аиааира шыргаз. Аӷагьы уи дақәшаҳаҭхар акәхеит. Иара убас, Ҷолокәуа иазгәеиҭеит аицлабра "Аԥсны амедиа ҿыцқәа" амҩаԥгара аҵак ду шамоу, уи ҳаамҭазы ареспублика аинформациатә суверенитет ашьақәыргылараҿы ацхыраара ду шыҟанаҵо."Амедиа ҿыцқәа рҟазарҭа" ашьаҭаркҩы Иулиа Аблец Аицлабра "Аԥсны амедиа ҿыцқәа" алахәхаразы арзаҳалқәа арҭахьеит 50-ҩык ҳәа лҳәеит Sputnik аҿы имҩаԥгаз апресс-конференциаҿы. Арзаҳалқәа рыдыркылоит цәыббра 16 рҟынӡа. Апрограмма аушьҭымҭацәа апрактикатә дыррақәа роуеит, Аԥсни Урыстәылеи иреиӷьу амедиаструктурақәа рҿы астажировка ахысра, аексперттә дгылара, уимоу, рхатәы медиапроект аԥҵаразгьы алшара роуеит. Аицлабра "Аԥсны амедиа ҿыцқәа" рхы аладырхәыр рылшоит ажурналистцәа, аблогерцәа, апродиусерцәа, асценаристцәа, арежиссиорцәа, апресс-маӡаныҟәгаҩцәа. Азыҟаҵаратә программа ԥшь-модульк рыла ишьақәгылоуп ҳәа иҳәеит аицлабра аԥшьгаҩ, "Аԥсны акоманда" афиналист Артур Чакриан. Актәи аетап аҿы 50-ҩык алахәылацәа ҟалоит, урҭ рарзаҳалқәа алххоит, анаҩс гәыԥ-гәыԥла еихшаны, аҟазацәа рыбжьара еихыршоит, урҭ дара рзы аусуратә программа шьақәдыргылоит. Иара убас, "Зысасгәашә аарту Аԥсны" апроекти иареи ринтеграциа азԥхьагәаҭоуп ҳәа инаҵшьны иазгәеиҭеит иара. Аусмҩаԥгатә алахәылацәа қәрала 18 - 55 шықәса ирыҵаркуеит, урҭ Аԥсны иатәылауаазароуп. Арзаҳалқәа рыдыркылоит цәыббра 15 рҟынӡа, алԥшаарақәа рылҵшәақәа еилкаахоит жьҭаарамза алагамҭазы, Урыстәылеи Аԥсни рҿы хаҭалатәи амодульқәа жьҭаарамза инаркны хәажәкырамза анҵәамҭанӡа имҩаԥыслоит.
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
АҞӘА, нанҳәа 8 - Sputnik. Ареспублика аинформациатә суверенитет аԥҵаразы аицлабра "Аԥсны амедиа ҿыцқәа" хымԥада иалагалатәуп ҳәа аҳәамҭа ҟаиҵеит Аԥсны ахада Иусбарҭа аинформациатә хархәагақәа рымадаразы аҟәша аиҳабы Алхас Ҷолокәуа Sputnik аҿы имҩаԥысыз апресс-конференциаҿы.
Уи игәаанагарала, аицлабра иабзоураны ареспубликаҿы ҳаамҭазтәи ахәыцра змоу ажурналистцәеи аблогерцәеи рхыԥхьаӡара иацлоит, уи атәыла ахыԥшеи жәларбжьаратәи аплатформақәа рҿы аӡыргареи рҿы хра злоу анырра ҟанаҵоит.
Иара иазгәеиҭеит Аԥснытәи ажурналистцәа 1992-1993 шықәсқәа рзы аинформациатә еибашьраҿы аиааира шыргаз.
Уи инаҵшьны иҳәеит Қырҭтәыла акыр еиҳаз алшарақәа шамазгьы, аинформациатә еибашьраҿы хыԥхьаӡарала еиҳа имаҷыз аԥсадгьыл абзиабара иабылуаз апрофессионалтә аԥсуа журналистцәа аиааира шыргаз. Аӷагьы уи дақәшаҳаҭхар акәхеит.
"Иҟалап, аԥсадгьыл ахь абзиабара, ахҭысқәа шыҟаҵәҟьаз азы аиаша аҳәаразы агәаҳәара еиҳа аԥыжәара роузар, убри абзоуралоуп ҳколлегацәа аинформациатә блокада аиааира шрылшаз", — ҳәа инаҵшьны иазгәеиҭеит иара.
Иара убас, Ҷолокәуа иазгәеиҭеит аицлабра "Аԥсны амедиа ҿыцқәа" амҩаԥгара аҵак ду шамоу, уи ҳаамҭазы ареспублика аинформациатә суверенитет ашьақәыргылараҿы ацхыраара ду шыҟанаҵо.
"Амедиа ҿыцқәа рҟазарҭа" ашьаҭаркҩы Иулиа Аблец Аицлабра "Аԥсны амедиа ҿыцқәа" алахәхаразы арзаҳалқәа арҭахьеит 50-ҩык ҳәа лҳәеит Sputnik аҿы имҩаԥгаз апресс-конференциаҿы.
Арзаҳалқәа рыдыркылоит цәыббра 16 рҟынӡа. Апрограмма аушьҭымҭацәа апрактикатә дыррақәа роуеит, Аԥсни Урыстәылеи иреиӷьу амедиаструктурақәа рҿы астажировка ахысра, аексперттә дгылара, уимоу, рхатәы медиапроект аԥҵаразгьы алшара роуеит.
"Ари иабзоураны шәара шәеиԥш зықьҩыки бжаки инареиҳаны зтәылақәа ирыцхраар зҭаху, аҟазаратә, арҿиаратә, иҵоуроу аконтент азы аудиториа аус ацура зҭаху амедиа-специалистцәа рыцхыраара роуеит. Насгьы, ҳапрактика ишаҳнарбо ала, ҳапрограммақәа роушьҭымҭацәа рыла ишьақәгылоу ауаажәларра амч ауп аус дуқәа рынагӡараҿы ацхыраара ҟазҵо", — ҳәа лҳәеит Аблец.
Аицлабра "Аԥсны амедиа ҿыцқәа" рхы аладырхәыр рылшоит ажурналистцәа, аблогерцәа, апродиусерцәа, асценаристцәа, арежиссиорцәа, апресс-маӡаныҟәгаҩцәа.
Азыҟаҵаратә программа ԥшь-модульк рыла ишьақәгылоуп ҳәа иҳәеит аицлабра аԥшьгаҩ, "Аԥсны акоманда" афиналист Артур Чакриан. Актәи аетап аҿы 50-ҩык алахәылацәа ҟалоит, урҭ рарзаҳалқәа алххоит, анаҩс гәыԥ-гәыԥла еихшаны, аҟазацәа рыбжьара еихыршоит, урҭ дара рзы аусуратә программа шьақәдыргылоит.
Иара убас, "Зысасгәашә аарту Аԥсны" апроекти иареи ринтеграциа азԥхьагәаҭоуп ҳәа инаҵшьны иазгәеиҭеит иара.
Аусмҩаԥгатә алахәылацәа қәрала 18 - 55 шықәса ирыҵаркуеит, урҭ Аԥсны иатәылауаазароуп. Арзаҳалқәа рыдыркылоит цәыббра 15 рҟынӡа, алԥшаарақәа рылҵшәақәа еилкаахоит жьҭаарамза алагамҭазы, Урыстәылеи Аԥсни рҿы хаҭалатәи амодульқәа жьҭаарамза инаркны хәажәкырамза анҵәамҭанӡа имҩаԥыслоит.
