Аԥсны афымцаҳақәа реиҭарҿыцра иалагеит
16:01 06.02.2026 (ирҿыцуп: 16:26 06.02.2026)
© Sputnik / Евгений Переверзев
Анапаҵаҩра
АҞӘА, жәабран 6— Sputnik. Афымцаҳақәа реиҭарҿыцреи абонентцәа афымцамч ашәҟәы аҭагаларазы ахархәагақәа рыла реиқәыршәареи рзы аусурақәа ирылагеит.
Аԥсны аенергетика аминистр Баҭал Мышәба иажәақәа рыла, ауснагӡатәқәа мҩаԥысуеит атәыла ахада Бадра Гәынба инапынҵала, ареспублика афымцаҳатә нхамҩа аиҭарҿыцреи амодернизациеи рыпрограмма аҳәаақәа ирҭагӡаны.
Аусурақәа мҩаԥыргоит Аԥсни Урыстәылеи рҟазаҟәа. Амчратә кабельқәа рыԥсахреи иажәхьоу аҩнқәа рыҩналарҭаҿтәи амаругақәа рырҿыцреи мҩаԥысуеит ҳәа азгәаҭоуп ареспублика Аенергетика аминистрра адырраҭараҿы.
Апрограмма ахыркәшара азгәаҭоуп 2026 шықәса анҵәамҭанӡа, уи ареспублика араионқәа зегьы аҵанакуеит. Зынӡа иқәдыргылараны иҟоуп 60 нызқь рҟынӡа аҳасаббаратә хархәагақәа.
Аенергетика аминистрра иазгәанаҭоит аусурақәа афымцаҳатә инфраструктура аиӷьтәра, афымцаҳақәа рҿы амашәырқәеи атехникатә цәыӡқәеи рыларҟәра, афымцамч азымхара амҽхак аларҟәра, уи ахҩаразы ахарџьқәа рырмаҷра, абонентцәа рхы иадырхәаз афымцамч ииашаны аҳасаббара алыршара ишырзырхоу.
Аԥсны аенергетика аминистр Баҭал Мышәба иажәақәа рыла, ауснагӡатәқәа мҩаԥысуеит атәыла ахада Бадра Гәынба инапынҵала, ареспублика афымцаҳатә нхамҩа аиҭарҿыцреи амодернизациеи рыпрограмма аҳәаақәа ирҭагӡаны.
Аусурақәа мҩаԥыргоит Аԥсни Урыстәылеи рҟазаҟәа. Амчратә кабельқәа рыԥсахреи иажәхьоу аҩнқәа рыҩналарҭаҿтәи амаругақәа рырҿыцреи мҩаԥысуеит ҳәа азгәаҭоуп ареспублика Аенергетика аминистрра адырраҭараҿы.
Апрограмма ахыркәшара азгәаҭоуп 2026 шықәса анҵәамҭанӡа, уи ареспублика араионқәа зегьы аҵанакуеит. Зынӡа иқәдыргылараны иҟоуп 60 нызқь рҟынӡа аҳасаббаратә хархәагақәа.
Аенергетика аминистрра иазгәанаҭоит аусурақәа афымцаҳатә инфраструктура аиӷьтәра, афымцаҳақәа рҿы амашәырқәеи атехникатә цәыӡқәеи рыларҟәра, афымцамч азымхара амҽхак аларҟәра, уи ахҩаразы ахарџьқәа рырмаҷра, абонентцәа рхы иадырхәаз афымцамч ииашаны аҳасаббара алыршара ишырзырхоу.
