Шәҩык Аԥсны атәылауаа Урыстәыла Агастрономиа аинститут аҿы аҵара рҵар рылшоит
17:01 06.02.2026 (ирҿыцуп: 00:10 07.02.2026)
© Sputnik / Томас Тхайцук
Анапаҵаҩра
Шәҩык Аԥсны атәылауаа Сибратәи Афедералтә университет Агастрономиа аинститут аҿы аҵара иахысыр рылшоит абри атәы Sputnik аҿы имҩаԥысыз апресс-конференциаҟны ирҳәеит аиҿкааҩцәа.
Аԥснытәи агастроиндустриа аспециалистцәа рзы хәыда-ԥсада иназыцҵоу азанааҭҵара апрограммақәа еиҿкаахоит 2026 шықәсазы.
Аинститут азыҳәақәа аднакылоит: акрыфараатә наплакы анапхгара, ахәыҟаҵаҩцәеи ахаа-мыхааҟаҵаҩцәеи рзы акурс хада, сомелье азы алагамҭатә курсқәа, "Meet the meat" аԥышәа змоу ахәыҟаҵаҩцәа рзы, аԥышәа змоу ахаа-мыхааҟаҵаҩцәа рзы акурсқәа, ахәыҟаҵаҩ-хадацәа рзы ацхырааратә курсқәа рпрограммақәа рыла.
Аԥснытәи агастроиндустриа аспециалистцәа рзы хәыда-ԥсада иназыцҵоу азанааҭҵара апрограммақәа еиҿкаахоит 2026 шықәсазы.
Аинститут азыҳәақәа аднакылоит: акрыфараатә наплакы анапхгара, ахәыҟаҵаҩцәеи ахаа-мыхааҟаҵаҩцәеи рзы акурс хада, сомелье азы алагамҭатә курсқәа, "Meet the meat" аԥышәа змоу ахәыҟаҵаҩцәа рзы, аԥышәа змоу ахаа-мыхааҟаҵаҩцәа рзы акурсқәа, ахәыҟаҵаҩ-хадацәа рзы ацхырааратә курсқәа рпрограммақәа рыла.
"Апроект абизнес аҿиара астратегиа иахәҭакуп. Ишәыдаагало апрограммақәа аус зуа аспециалистцәа рзанааҭтә дырра аизырҳара адагьы аинновациақәеи аконкуренттә лшареи рырцыхцыхра иазырхоуп", — иҳәеит "Акурорт Пицунда апансионатқәа Реидгыла" аменеџьер Азамаҭ Багаҭелиа.
Агастрономиа аинститут иназыцҵоу азанааҭдырра Ацентр анапхгаҩы ихаҭыԥуаҩ Елена Миагкова инаҵшьны иазгәалҭеит аҵара апроцесс аан азхьаԥшра шаҭахо аҭыԥантәи аџьармыкьа, аҵакыра, аҭыԥантәи аалыҵқәа рҷыдарақәа, аԥеиԥш зауша абизнес аган ӷәӷәақәа.
Апрограммақәа ирылахәхар рылшоит еиуеиԥшым аусхкқәа ирыҵаркуа агастроиндустриа ахаҭарнакцәа, уи азы Аԥсны Атуризм аминистрреи Ахәаахәҭра-ааглыхратә палатеи рахь азыҳәа харҭәаатәуп.
