Агрба: Аҟәа аԥшаҳәа аиҭашьақәыргылара иазгәаҭаз аамҭеихша инақәыршәаны имҩаԥысуеит
18:48 07.05.2026 (ирҿыцуп: 21:20 07.05.2026)
© Sputnik / Томас Тхайцук
Анапаҵаҩра
АҞӘА, лаҵара 7 — Sputnik. Аҟәа аԥшаҳәа аиҭашьақәыргылара иазгәаҭаз аамҭеихша инақәыршәаны имҩаԥысуеит, аха аусурақәа рымҽхак иацлоит, абри атәы иҳәеит ақалақь ахада Ҭемыр Агрба, Sputnik Аԥсни Аԥсуа телехәаԥшреи аинтервиу рыҭо.
Аҵыргәатә ҭӡы ачаԥага хаҳә анықәырга ашьҭахь еилкаахеит аҵыргәатәии амԥҽыгатәии ҭыӡқәа рырҽеира шаҭаху. Иара убас ақәаршҩцарҭақәеи анџьныртә инфраструктуреи нап рылактәхеит.
"Арҭ аусцҵақәа ирыхҟьаны ахарџьынҵатә усшәҟәқәа аԥсахрақәа алагалан, уи ашьҭахь Урыстәыла аекспертиза иахыжьын. Жәаҳәарада, урҭ зегьы аусурақәа рыҿҳәарақәа анырра анаҭоит, иара убас амшқәа ирыхҟьаны аамҭеихша аҽаԥсахуеит", — иҳәеит Агрба.
Ақалақь ахада иажәақәа рыла, аҿҳәарақәа уамак еиԥҟьаӡом. Есымза иазгәаҭоуп аԥшаҳәа аҭыԥ ҿыцқәа раартра.
Уажәы аусурақәа цоит Идырым асолдаҭ ибаҟа аҿаԥхьа апарк аҿы. Жәларбжьаратәи аҳаирбаӷәаза "Аҟәа" аԥаразоужьра иабзоураны аиҭашьақәыргыларатә усурақәа хыркәшоуп, апарк арԥшӡара лаҵарамза анҵәамҭазы иалгоит.
Аҭагылазаашьа еиҳа иуадаҩуп аԥшаҳәа аҭоурыхтә хәҭаҿы — уаҟа археологиатә жрақәа мҩаԥысуеит.
"Ҳақалақь азы, ҳҭоурых азы ари ахәҭа кыр аҵанакуеит. Ари археологцәа аусурақәа ахьымҩаԥырго, иуникалтәу аԥшаахқәа ахьырыԥшаауа архитектуратә баҟоуп", — иҳәеит иара.
Аҵарауааи аҭоурыхҭҵааҩцәеи иҟарҵаз аҳәарала абаа аҵакыраҿы аамҭалатәи амҩасра ҟарҵарц азыӡбан, археологцәа аԥхын аусуразы алшара рырҭарц азы. Егьырҭ аҭыԥқәа рҿы аусурақәа аамҭеихша инақәыршәаны имҩаԥысуеит.
Аҵыргәатә ҭӡы ачаԥага хаҳә анықәырга ашьҭахь еилкаахеит аҵыргәатәии амԥҽыгатәии ҭыӡқәа рырҽеира шаҭаху. Иара убас ақәаршҩцарҭақәеи анџьныртә инфраструктуреи нап рылактәхеит.
"Арҭ аусцҵақәа ирыхҟьаны ахарџьынҵатә усшәҟәқәа аԥсахрақәа алагалан, уи ашьҭахь Урыстәыла аекспертиза иахыжьын. Жәаҳәарада, урҭ зегьы аусурақәа рыҿҳәарақәа анырра анаҭоит, иара убас амшқәа ирыхҟьаны аамҭеихша аҽаԥсахуеит", — иҳәеит Агрба.
Ақалақь ахада иажәақәа рыла, аҿҳәарақәа уамак еиԥҟьаӡом. Есымза иазгәаҭоуп аԥшаҳәа аҭыԥ ҿыцқәа раартра.
Уажәы аусурақәа цоит Идырым асолдаҭ ибаҟа аҿаԥхьа апарк аҿы. Жәларбжьаратәи аҳаирбаӷәаза "Аҟәа" аԥаразоужьра иабзоураны аиҭашьақәыргыларатә усурақәа хыркәшоуп, апарк арԥшӡара лаҵарамза анҵәамҭазы иалгоит.
Аҭагылазаашьа еиҳа иуадаҩуп аԥшаҳәа аҭоурыхтә хәҭаҿы — уаҟа археологиатә жрақәа мҩаԥысуеит.
"Ҳақалақь азы, ҳҭоурых азы ари ахәҭа кыр аҵанакуеит. Ари археологцәа аусурақәа ахьымҩаԥырго, иуникалтәу аԥшаахқәа ахьырыԥшаауа архитектуратә баҟоуп", — иҳәеит иара.
Аҵарауааи аҭоурыхҭҵааҩцәеи иҟарҵаз аҳәарала абаа аҵакыраҿы аамҭалатәи амҩасра ҟарҵарц азыӡбан, археологцәа аԥхын аусуразы алшара рырҭарц азы. Егьырҭ аҭыԥқәа рҿы аусурақәа аамҭеихша инақәыршәаны имҩаԥысуеит.
