Аԥсны иаатит IV Жәларбжьаратәи аҭҵаарадырра-практикатә конференциа
10:44 12.05.2026 (ирҿыцуп: 12:51 12.05.2026)
© Sputnik / Томас Тхайцук
Анапаҵаҩра
Раԥхьаӡа акәны аҭҵаарадырра-практикатә конференциа мҩаԥысит 2023 шықәсазы ареспублика азеиԥш иурисдикциа иаҵанакуа аӡбарҭақәа аԥҵоуижьҭеи 100 шықәса аҵраан.
АҞӘА, лаҵара 12 — Sputnik. IV Жәларбжьаратәи аҭҵаарадырра-практикатә конференциа "Аԥсны Аҳәынҭқарраҟны азинӡбара" аатит Иреиҳаӡоу аӡбарҭаҿы.
Уи ҩымш имҩаԥыслоит. Лаҵарамза 13 рзы иазгәарҭо ареспублика азеиԥш иурисдикциа иаҵанакуа аӡбарҭақәа аԥҵоижьҭеи 103 шықәса аҵра иазкуп.
Аконференциа аусура рхы аладырхәуеит аҭҵаарадыррақәа рдокторцәеи ркандидатцәеи, аӡбаҩцәа, аҳәынҭусбарҭақәа, азинхьчаратә еиҿкаарақәа рхаҭарнакцәа, арҵаҩцәа, аҵарауаа, Аԥсни Урыстәылеи рҟынтәи апрактикаҿы аус зуа аҟазацәа.
Иазгәаҭоуп атематикатә секциақәа хәбеи астол гьежьи. Урҭ рызкуп аӡбаратә мчра аҿиара, ареспублика азинтә система, ашьауӷатә ӡбареиҿкаара ауадаҩрақәа, ауаҩы изинқәа рыхьчара, аиашаӡбара ацифраркра.
Аконференциа аусура рхы аладырхәуеит аҭҵаарадыррақәа рдокторцәеи ркандидатцәеи, аӡбаҩцәа, аҳәынҭусбарҭақәа, азинхьчаратә еиҿкаарақәа рхаҭарнакцәа, арҵаҩцәа, аҵарауаа, Аԥсни Урыстәылеи рҟынтәи апрактикаҿы аус зуа аҟазацәа.
Иазгәаҭоуп атематикатә секциақәа хәбеи астол гьежьи. Урҭ рызкуп аӡбаратә мчра аҿиара, ареспублика азинтә система, ашьауӷатә ӡбареиҿкаара ауадаҩрақәа, ауаҩы изинқәа рыхьчара, аиашаӡбара ацифраркра.
Апарламент аиҳабы Лаша Ашәба иҳәеит ихадоу аԥыжәара шамоу Жәлар Реизареи Иреиҳаӡоу аӡбарҭеи русеицура.
"Иазгәаҭатәуп аконференциа алахәылацәа рхаҭара аҳаракыра, еицырдыруа азиндырыҩцәа, еиуеиԥшым аинстанциақәа рнапхгаҩцәеи рыӡбаҩцәеи, аҳәаанырцәтәи асасцәа ралахәра. Уи иаанарԥшуеит ари афорум аҳаҭыр шыҳараку", — ҳәа иҳәеит иара.
Ашәба иара убасгьы иазгәеиҭеит аԥсуа специалистцәеи Урыстәылантәи рколлегацәеи реинырра аҵак ду шамоу.
