https://sputnik-abkhazia.info/20260624/1063897767.html

Аԥсны имҩаԥысран иҟоу Ахәыҷтәы фестиваль ду "АФД "ЭХО" ахәыҷтәы спектакльқәа хәба алалеит

Аԥсны имҩаԥысран иҟоу Ахәыҷтәы фестиваль ду "АФД "ЭХО" ахәыҷтәы спектакльқәа хәба алалеит

Sputnik Аҧсны

"АФД "ЭХО" — Урыстәыла Жәлар рартист Сергеи Безруков инапхгарала ахәыҷқәеи ахбыџқәеи рзы аҟазара иафестивальуп. Аҟәа афестиваль мҩаԥысраны иҟоуп ԥхынгәы 6-10... 24.06.2026, Sputnik Аҧсны

2026-06-24T14:40+0300

2026-06-24T14:40+0300

2026-06-24T14:54+0300

аԥсны

ажәабжьқәа

аԥсны

акультура

https://cdnn1.img.sputnik-abkhazia.info/img/102045/56/1020455648_0:160:3072:1888_1920x0_80_0_0_4d90b0ea92f2ca46db57a0e8620187c3.jpg

АҞӘА, рашәара 24 — Sputnik. Аԥсны имҩаԥысран иҟоу Ахәыҷтәы фестиваль ду жәларбжьаратәи апрограмма "АФД "ЭХО" ахәыҷтәы спектакльқәа хәба алалеит.Ахәаԥшцәа ирбоит Москва, Воронеж, Ниаган, Омск ртеатрқәа рықәыргыламҭақәа. РУСДРАМ аҿы апрограмма аанартуеит Москватәи Агуберниатә театр алакә "Апринц хәыҷы", ароль хада наигӡоит Сергеи Безруков.Аспектакльқәа руак Афон ҿыц Акультура ахан аҿы иддырбоит ҳәа азгәеиҭеит РУСДРАМ адиректор хада Иракли Хынҭәба. Афестиваль апрограммаҿы иара убасгьы иҟоуп хәыда-ԥсада АФД алауреатцәа рҭыхымҭа киноқәеи амультфильмқәеи дырбара. Урҭ мҩаԥгахоит Аԥснытәи аҳәынҭқарратә филармониаҿы. Иара убасгьы имҩаԥысраны иҟоуп асценатә неиҭаҵ-ааиҭаҵреи, акәашареи, авокали рзы атренингқәеи аҟазара-классқәеи, абжьы аҿиаразы аҽазыҟаҵарақәеи.Ацәыргақәҵатә зал хадеи РУСДРАМ-и еиҿыркаауеит ахәыҷтәы шәҟәыҩҩцәеи, асахьаркыҩцәеи злахәу арҿиаратә еиԥыларақәеи аҟазарҭақәеи. Изҭаху рзы аусмҩаԥгатәқәа рҭаара хәыдаԥсадоуп.

https://sputnik-abkhazia.info/20260615/1063713590.html

2026

Ажәабжьқәа

ab_AB

ажәабжьқәа, аԥсны, акультура