Хьыбла Гьерзмааԥҳа лыԥсҭазаареи лырҿиареи иазку ашәҟәы аԥҵаҩцәа иҭабуп ҳәа ралҳәеит
19:22 01.08.2026 (ирҿыцуп: 20:52 01.08.2026)
© Sputnik / Томас Тхайцук
Анапаҵаҩра
АҞӘА, нанҳәа 1 — Sputnik. Аԥсны Жәлар рартистка, Урыстәыла Жәлар рартистка Хьыбла Гьерзмааԥҳа лыԥсҭазаареи лырҿиареи иазку ашәҟәы аԥҵаҩцәа иҭабуп ҳәа ралҳәеит.
Лара илҳәеит, илызку ашәҟәы аҭыжьра кыраамҭа дшақәшаҳаҭмыз, аха автор Владимир Занҭариа агәра лиргеит дызнысыз арҿиаратә мҩа аиҭаҳәара уажәоуп ианаҭаху ҳәа.
Лара илҳәеит, илызку ашәҟәы аҭыжьра кыраамҭа дшақәшаҳаҭмыз, аха автор Владимир Занҭариа агәра лиргеит дызнысыз арҿиаратә мҩа аиҭаҳәара уажәоуп ианаҭаху ҳәа.
"Сара исҳәеит:"Вова, сара саԥсам. Сара уеизгьы Пицундатәи аԥсуа ӡӷаб хәыҷы соуп, здацқәа здыруа, дахьынтәааз, дызусҭоу здыруа. Сара макьана иҟасҵаша даара ирацәоуп, насшәа иҟаҳҵап". Аха иара аҭак ҟаиҵеит: "Мап, уи уажәы иаҭахуп", — лҳәеит Гьерзмааԥҳа.
Лара илҳәеит автор лырҿиараҿы илагала ахә ҳаракны ишылшьо.
"Сара даара иҭабуп ҳәа иасҳәоит сашәақәа аԥсуа текстқәа рзы. Урҭ аанхоит ҳара ҳаныҟамло. Ари шьҭа ҭоурыхуп", — ҳәа азгәалҭеит аоператә шәаҳәаҩы.
Гьерзмааԥҳа ашәҟәы Аԥсны аҭыжьразы ашәҟәҭыжьырҭеи Даур Наҷҟьебиеи ҭабуп ҳәа ралҳәеит.
Ашәҟәы "Хьыбла Гьерзмааԥҳа лфеномен" ӡырыргеит иахьа РУСДРАМ афоие аҟны. Уи аиқәыршәаҩ, аконцепциа авторс — апоет, ашәҟәыҩҩы Владимир Занҭариа. Аусмҩаԥгатә мҩаԥысит уаҵәы Аҟәа иаатуа есышықәсатәи амузыкатә фестиваль "Хьыбла Гьерзмааԥҳа шәаалыԥхьоит..." аламҭалазы.
Имҩаԥысуеит Аԥсны анапхгареи Акультура Ааминистрреи, Урыстәыла акультура аминистрреи, акультуратә аԥшьгарақәа рзы Урыстәылатәи ахада Ифонди рыцхыраарала.
"Сара даара иҭабуп ҳәа иасҳәоит сашәақәа аԥсуа текстқәа рзы. Урҭ аанхоит ҳара ҳаныҟамло. Ари шьҭа ҭоурыхуп", — ҳәа азгәалҭеит аоператә шәаҳәаҩы.
Гьерзмааԥҳа ашәҟәы Аԥсны аҭыжьразы ашәҟәҭыжьырҭеи Даур Наҷҟьебиеи ҭабуп ҳәа ралҳәеит.
Ашәҟәы "Хьыбла Гьерзмааԥҳа лфеномен" ӡырыргеит иахьа РУСДРАМ афоие аҟны. Уи аиқәыршәаҩ, аконцепциа авторс — апоет, ашәҟәыҩҩы Владимир Занҭариа. Аусмҩаԥгатә мҩаԥысит уаҵәы Аҟәа иаатуа есышықәсатәи амузыкатә фестиваль "Хьыбла Гьерзмааԥҳа шәаалыԥхьоит..." аламҭалазы.
Имҩаԥысуеит Аԥсны анапхгареи Акультура Ааминистрреи, Урыстәыла акультура аминистрреи, акультуратә аԥшьгарақәа рзы Урыстәылатәи ахада Ифонди рыцхыраарала.
