Лариса Шебзыхәа лышәҟәы "Абазара адаҟьаркцала" ӡырган Аԥсуаҭҵааратә институт аҟны
14:00 11.08.2026 (ирҿыцуп: 17:42 11.08.2026)
© Sputnik / Бадрак Авидзба
Анапаҵаҩра
АҞӘА, нанҳәа 11 — Sputnik. Ҟарачы-Черқьесиа Жәлар рпоет Лариса Шебзыхәа лышәҟәы "Абазара адаҟьаркцала" ("Сквозь призму Абазара") ӡырыргеит Дырмит Гәлиа ихьӡ зху Аԥсуаҭҵааратә институт аҟны.
Аҭыжьымҭаҿы еизгоуп абаза литературеи аԥсуа литературеи рыҿиара иазку автор лпублицистикатә материалқәа, иара убас абазатә "Нарҭаа репос" иазку аҭҵаара.
"Ашәҟәы ианылеит ҳаамҭазтәи алитература иазку апублицистикатә статиақәа, арецензиақәа. Иара убас ари ашәҟәы иаласҵеит "Нарҭаа репос" иазку сыҭҵаара. Рыцҳарас иҟалаз, 50 шықәса ҵит Владимир Меремкулов абаза фырхаҵаратә епос азы иҭҵаара икьыԥхьижьҭеи, уи нахыс ари атема иазку усумҭак цәырымҵыцт", — азгәалҭеит Шебзыхәа.
Иара убас ашәҟәы "Абазара адаҟьаркцала" иануп Аԥсны Жәлар рпоетцәа Мушьни Лашәриа, Рушьбеи Смыр, апоет Владимир Занҭариа ирызку аматериалқәа.
Лариса Шебзыхәа— апоет, апрозаик, адраматург, аиҭагаҩ, апублицист. Диит мшаԥымза 6 1959 шықәсазы Ҟәбина-Лоуқыҭ.
Лара абаза бызшәеи аурыс бызшәеи рыла иҩу ашәҟәқәа дравторуп, лажәеинраалақәа ирылхуп 50 инареиҳаны ашәақәа. Урҭ рҩит Нхыҵ Кавказ еицырдыруа акомпозиторцәа.
Лариса Шебзыхәа— Урыстәыла ашәҟәыҩҩцәа реидгылеи, Ҟарачы-Черқьессиа ажурналистцәа реидгылеи, Аԥсны ашәҟәыҩҩцәа рассоциациеи рлахәыла.
Аҭыжьымҭаҿы еизгоуп абаза литературеи аԥсуа литературеи рыҿиара иазку автор лпублицистикатә материалқәа, иара убас абазатә "Нарҭаа репос" иазку аҭҵаара.
"Ашәҟәы ианылеит ҳаамҭазтәи алитература иазку апублицистикатә статиақәа, арецензиақәа. Иара убас ари ашәҟәы иаласҵеит "Нарҭаа репос" иазку сыҭҵаара. Рыцҳарас иҟалаз, 50 шықәса ҵит Владимир Меремкулов абаза фырхаҵаратә епос азы иҭҵаара икьыԥхьижьҭеи, уи нахыс ари атема иазку усумҭак цәырымҵыцт", — азгәалҭеит Шебзыхәа.
Иара убас ашәҟәы "Абазара адаҟьаркцала" иануп Аԥсны Жәлар рпоетцәа Мушьни Лашәриа, Рушьбеи Смыр, апоет Владимир Занҭариа ирызку аматериалқәа.
Лариса Шебзыхәа— апоет, апрозаик, адраматург, аиҭагаҩ, апублицист. Диит мшаԥымза 6 1959 шықәсазы Ҟәбина-Лоуқыҭ.
Лара абаза бызшәеи аурыс бызшәеи рыла иҩу ашәҟәқәа дравторуп, лажәеинраалақәа ирылхуп 50 инареиҳаны ашәақәа. Урҭ рҩит Нхыҵ Кавказ еицырдыруа акомпозиторцәа.
Лариса Шебзыхәа— Урыстәыла ашәҟәыҩҩцәа реидгылеи, Ҟарачы-Черқьессиа ажурналистцәа реидгылеи, Аԥсны ашәҟәыҩҩцәа рассоциациеи рлахәыла.
