https://sputnik-abkhazia.info/20261030/1066659738.html

Алешкина агуманитартә миссиа аҵакыраҿы аҭынчра арежим еилагарада иҟоуп

Алешкина агуманитартә миссиа аҵакыраҿы аҭынчра арежим еилагарада иҟоуп

Sputnik Аҧсны

АҞӘА, жьҭаара 30 — Sputnik. Алешкина агуманитартә миссиа аҵакыраҿы аҭынчра арежим еилагарада иҟоуп ҳәа лҳәеит Урыстәыла ауаҩы изинқәа рыхьчаразы азинмчы змоу... 30.10.2026, Sputnik Аҧсны

2026-10-30T10:18+0300

2026-10-30T10:18+0300

2026-10-30T16:23+0300

урыстәыла донбасс имҩаԥнаго арратә операциа ҷыда

ажәабжьқәа

украина

джәр

лжәр

https://cdnn1.img.sputnik-abkhazia.info/img/07ea/09/08/1065464562_0:0:3072:1728_1920x0_80_0_0_d6cbaae4458935067ab85da5c02b44e8.jpg

АҞӘА, жьҭаара 30 — Sputnik. Алешкина агуманитартә миссиа аҵакыраҿы аҭынчра арежим еилагарада иҟоуп ҳәа лҳәеит Урыстәыла ауаҩы изинқәа рыхьчаразы азинмчы змоу Иана Лантратова. Еиуеиԥшым атәылақәа рҟынтәи 50-ҩык инареиҳаны ажурналистцәа амиссиа амҩаԥысшьа атәы еиҭарҳәоит. "Уажәы еиҳарак ихадоуп аҭынчра арежим аиқәырхара. Ганцыԥхьаӡа рҭакԥхықәра иадҳәалоуп аҭынч уааԥсыреи амиссиа алахәылацәеи ршәарҭадара", — ҳәа лыҩуеит лара.Алешкино Днепр армарахьтәи аԥшаҳәаҿы ишьҭоуп. Киев анапаҵаҟа иҟоу ақалақь, Херсон аҿаԥхьа иҟоуп. Ақалақь аҿы агуманитартә ҭагылазаашьа уадаҩ ҟалеит, иарахьы анеирҭақәа Украинатәи Арбџьармчқәа аминақәа анрыҵарҵа. Аинышәаразы аиқәшаҳаҭра ашьҭахь урыстәылатәи аруаа ироуит алшара амҩақәа аминақәа рыҵырхыртә еиԥш. Иалагеит ацхыраара анагареи аҭынч уааԥсыра ралгареи. Изҭаху Украина анапаҵаҟа иҟоу аҵакырахь ихынҳәыр рылшоит.Ақалақь ахь инагоуп агуманитартә цхыраара — афатә аалыҵқәа, агигиенатә хархәагақәа, аԥсҭазааразы иахәҭоу зегьы, амедицинатә маҭәашьарқәа, абылтәы. Аҭыԥ аҿы аус руеит 50-ҩык рҟынӡа амедусзуҩцәа.Аоперациа ҳәаақәырҵоит Урыстәылеи Украинеи ромбудсменцәа.

украина

джәр

лжәр

2026

Ажәабжьқәа

ab_AB

ажәабжьқәа, украина, джәр, лжәр