Аԥсни Урыстәылеи рҳәааҿы атранспорттә хархәагақәа рҭаҩразы ҩ-цәаҳәак ахархәара рыҭоуп
14:53 04.11.2026 (ирҿыцуп: 15:11 04.11.2026)
© Sputnik
Анапаҵаҩра
АҞӘА, абҵара 4 — Sputnik. Аԥсни Урыстәылеи рҳәааҿы ақыҭанхамҩатә аалыҵ алызго атранспорттә хархәагақәа рҭаҩразы ҩ-цәаҳәак ахархәара рыҭоуп ҳәа ажурналистцәа ирзеиҭеиҳәеит Аҳәынҭқарратә ҳазалхратә еилакы ахантәаҩы инапынҵақәа назыгӡо Алиас Лабахәуа.
Аԥснынтәи атауарқәа рымҩангара азҵаара иалацәажәан Аԥсны Аҳәынҭқарратә аҳазалхратә еилаки Урыстәыла Афедералтә ҳазалхратә еилаки рхаҭарнакцәеи ААҬ "Адлер"анапхгареи реиԥылараан.
Лабахәуа иара убасгьы иазгәеиҭеит лассы иԥхасҭахо афатәқәа рыӡбахә ахьҳәоу инамаданы автомашьынатә аушьҭырҭатә ҭыԥ 8, 9 ацәаҳәақәа ақыҭанхамҩатә еидара мҩанызго амашьынақәа шракәу рымаҵ зуло.
Урыстәылатәи рколлегацәеи дареи русуратә еиԥылараҿы, урыстәылатәи аҳәаахьчаратә маҵзуреи аҳазалхратә хылаԥшреи русеицуразы аиқәшаҳаҭра рыбжьарҵеит. Уи ҟаҵоуп амаҵзурақәа ихьыԥшымкәа аус аныруа аамҭа еиҵымҵырц азы.
Аԥснынтәи атауарқәа рымҩангара азҵаара иалацәажәан Аԥсны Аҳәынҭқарратә аҳазалхратә еилаки Урыстәыла Афедералтә ҳазалхратә еилаки рхаҭарнакцәеи ААҬ "Адлер"анапхгареи реиԥылараан.
Лабахәуа иара убасгьы иазгәеиҭеит лассы иԥхасҭахо афатәқәа рыӡбахә ахьҳәоу инамаданы автомашьынатә аушьҭырҭатә ҭыԥ 8, 9 ацәаҳәақәа ақыҭанхамҩатә еидара мҩанызго амашьынақәа шракәу рымаҵ зуло.
Урыстәылатәи рколлегацәеи дареи русуратә еиԥылараҿы, урыстәылатәи аҳәаахьчаратә маҵзуреи аҳазалхратә хылаԥшреи русеицуразы аиқәшаҳаҭра рыбжьарҵеит. Уи ҟаҵоуп амаҵзурақәа ихьыԥшымкәа аус аныруа аамҭа еиҵымҵырц азы.
"Ҵыԥхгьы ари аҩыза аиқәшаҳаҭра ыҟан, амҩангаразы уадаҩра ҳамамызт", — ҳәа азгәеиҭеит иара.
Аганқәа иара убасгьы оперативла аинырразы еиқәшаҳаҭхеит ҳәа иҳәеит Аилак ахантәаҩы инапынҵақәа назыгӡо.
"Избанзар аушьҭырҭатә ҭыԥ аусура анырра азҭаша афакторқәа маҷымкәа иҟоуп. Уи аамҭак азы иадыркыргьы ҟалоит. Ари азҵааразы аинырра ҳамоуп — аҭагылазаашьа ҟалаанӡа заанаҵы иаадырлоит", — иҳәеит Лабахәуа.
Иара убасгьы иара иҳәеит ААҬ "Адлер" мҽхакы ҭбаала аиҭашьақәыргылара аныҟәаратә цәаҳәақәа русура ишанымԥшуа, урҭ рҟынтәи 26 уаанӡатәи арежим ала русура ишацырҵо.
