АҶ аминистрра аусзуҩцәа урыстәылатәи атехуниверситет аҟны рзанааҭтә дырра еиздырҳауеит
15:15 06.11.2026 (ирҿыцуп: 16:25 06.11.2026)
© telegram sputnik_apsny_info
Анапаҵаҩра
АҞӘА, абҵара 6 — Sputnik. Аҭагылазаашьа ҷыда аминистрра аусзуҩцәеи "Аиқәырхаҩцәа ҿарацәа Аԥснытәи ркорпуси" алахәылацәеи актәи ргәыԥ урыстәылатәи атехнологиатә университет (МИРЕА) ахь рзанааҭтә дырра аизырҳаразы ишьҭуп.
Ҩымчыбжь аиқәырхаҩцәа ҿарацәа аҵара рҵалоит аԥшаара-еиқәырхаратә усурақәа рымҩаԥгара раԥхьатәи аҽазыҟаҵара, аџьа ахьчара, ааха зауз раԥхьатәи ацхыраара рыҭара, амцарцәаратәи аиқәырхаратәи усура апрограммақәа рыла.
Аԥсны Аҭагылазаашьа ҷыдақәа рминистр Алиас Аҩӡба иажәақәа рыла, аусбарҭаҿы уажәы аус руеит 600-ҩык рҟынӡа аусзуҩцәа, убри аан ареспублика иаҭахуп 1 700-ҩык иреиҵамкәа ззанааҭдырра ҳараку акадрқәа.
Ҩымчыбжь аиқәырхаҩцәа ҿарацәа аҵара рҵалоит аԥшаара-еиқәырхаратә усурақәа рымҩаԥгара раԥхьатәи аҽазыҟаҵара, аџьа ахьчара, ааха зауз раԥхьатәи ацхыраара рыҭара, амцарцәаратәи аиқәырхаратәи усура апрограммақәа рыла.
Аԥсны Аҭагылазаашьа ҷыдақәа рминистр Алиас Аҩӡба иажәақәа рыла, аусбарҭаҿы уажәы аус руеит 600-ҩык рҟынӡа аусзуҩцәа, убри аан ареспублика иаҭахуп 1 700-ҩык иреиҵамкәа ззанааҭдырра ҳараку акадрқәа.
"Ҳара иаҳуалуп ари ахырхарҭеи иарбоу аусуреи иахьынӡалшо рӡыргара. Сара агәраганы сыҟоуп аиҿкаара "Аиқәырхаҩцәа ҿарацәа Аԥснытәи ркорпус", аволонтиорцәа, астудентцәа реилазаара анаҩсгьы аиқәырхара занааҭс ишалырхуа — рыжәлар абас еиԥш рымаҵ ауразы", — иҳәеит иара.
Азанааҭтә дырра аизырҳаразы апрограмма еиҿкаан урыстәылазегьтәи аиқәырхаҩцәа рыстуденттә корпуси Аԥсны Аҭагылазаашьа ҷыдақәа рминистрреи рыцхыраарала. Аволонтиорцәа анаҩстәи рԥышәеизырҳара мҩаԥгахоит ԥхынҷкәынмзазы.
Азанааҭтә дырра аизырҳаразы апрограмма еиҿкаан урыстәылазегьтәи аиқәырхаҩцәа рыстуденттә корпуси Аԥсны Аҭагылазаашьа ҷыдақәа рминистрреи рыцхыраарала. Аволонтиорцәа анаҩстәи рԥышәеизырҳара мҩаԥгахоит ԥхынҷкәынмзазы.
