Сыла иҟәашкакараӡа: Аԥсны аӡынтәи аԥсабара

Ашықәс аамҭақәа зегьы иртәу ҟазшьа ҷыдак, гьамак, ԥшӡарак рымоуп. Ааԥынразы аԥсабара ҿыхоит, аԥхын - амшын абзиабаҩцәа ираамҭоуп, ҭагалан хьҩежьуп, аҽаҩра иаамҭоуп, аӡынразы асы леиуеит. Аԥсны егьырҭ ашықәсқәа рзы уарлашәарла асы ауазҭгьы, сынтәа лассы-лассы аԥсабара ҟәаашшӡа иааҟалалоит. Аԥсны амшын аԥшаҳәеи апальмақәеи сыла ихҩаны зыбла иамбац акырӡа ицәыӡит уҳәар алшоит. Амала асы уамак агәырӷьара рзацым атәыла ауааԥсыра, избан акәзар уи иахҟьаны афымцалашара, аӡы аҿырхлоит, урҭ рыҟамзаара акырӡа иаргәамҵуеит ауаа. Ажәакала, асоура ицәырнаго ауадаҩрақәа ыҟоуп, "асы ԥшӡоуп, аха уабылуеит" рымҳәои...

Аҳауагәаҭаҩцәа агәаҽанызаара ҟарҵеит ариабжьарак ахьшәашәарақәа ирыхҟьаны амҩан аҵаахшәыла шыҟало. Аԥсны ААИ ракәзар, агәаҽанызаара ҟарҵоит амҩан амашәыр ҟамларц азын амашьына аныҟәцаҩцәа рныҟәашәа иагырханы, амҩатә ԥҟарақәа ирықәныҟәарц.

1 / 14

Асы иазгәаҟуаз хәыҷи дуи зегьы дәылҵны асеигәыдҵа ихәмарит, ргәырӷьара ҳәаа амамызт.

2 / 14

Аҟәа асы рацәаны иауит уҳәар алшоит, аҵыхәтәантәи ашықәсқәа рзы ариаҟара ахьымлеицыз уазхәыцуазар.

3 / 14

Асы иазку апоезиатә цәаҳәақәа аԥырҵахьеит ҳпоетцәа аӡәырҩы.

4 / 14

"Асы леиуеит ԥыҭҳа-ԥыҭҳа,

Ага иқәыԥсоит иара.

Сышҟа ацәқәырԥ ааиуеит иқәҳа,

Нас инықәсуеит аҟәара". Терент Ҷаниа.

5 / 14

"Асы ԥшӡоуп, аха уабылуеит" ззырҳәогьы абри ауми.

6 / 14

Аҟәа ианаалоит "ахамы" шкәакәа, ус ауми?!

7 / 14

Ашәаԥыџьаԥ рыԥшӡара иацҵо иаҿуп асоура.

8 / 14

Аӡынтәи ахьҭақәа Аҟәатәи амаамынааӡарҭаҿы рҽырзырхианы иҟан, урҭ ицәгьамкәа ирхыргоит.

9 / 14

Амаамынааӡарҭаҿы алашара усҟак еиԥҟьом, убри азы амаамынқәа рыҭрақәа еснагь иԥхоуп.

10 / 14

Есышықәса Аҟәатәи Аботаникатә баҳчаҿы ачықьқәа хдырҟәыдаауеит.

11 / 14

Аԥхарра бзиа избо 50 раҟара аҵиаақәа иҷыдоу аш ала иҭарыҳәҳәоит.

12 / 14

Атропикатә ҵиаа абанани аси зеиԥшыҟам сахьоуп.

13 / 14

Аҟәатәи ашьхарагьы уамакала иԥшӡоуп.

14 / 14

Аԥсны амшын аԥшаҳәеи апальмақәеи сыла ихҩаны зыбла иамбац акырӡа ицәыӡит уҳәар алшоит.