Ачашәи, ачаџьи, ачаҳаржәи: Ҭырқәтәылатәи "Гагра" аҭоурых

© Sputnik / Саида ЖибаАкаҳуажәырҭа «Гагра» аартуп Ҭырқәтәыла
Акаҳуажәырҭа «Гагра» аартуп Ҭырқәтәыла - Sputnik Аҧсны
Анапаҵаҩра
Ҭырқәтәыла, Адаԥазар ақалақь агәҭа, ҩышықәса раахыс иаартуп акаҳуажәырҭа "Гагра". Уи ахьӡ захылази, насгьы иарбан чыс хадоу аҭааҩцәа зҿлымҳара зырҭо атәы еиҭеиҳәеит аԥшәма Онур Ԥалба.

Саида Жьиԥҳа, Sputnik

Ҩышықәса раԥхьа, Адаԥазар ақалақь инхо Онур Ԥалба иҭаххеит, ауаа рацәа ахьеизо аҭыԥ аҟны акаҳуажәырҭа ааиртырц. Онур игәҭакы анынаигӡа, ԥсыуа хьӡык ахиҵарц иӡбеит. Убасҟан Аԥсныҟа иаауози ицози иааилацәажәан, "Гагра" ҳәа иазиԥхьаӡеит.

© Sputnik Саида ЖибаАкаҳуажәырҭа «Гагра» аартуп Ҭырқәтәыла
Акаҳуажәырҭа «Гагра» аартуп Ҭырқәтәыла - Sputnik Аҧсны
Акаҳуажәырҭа «Гагра» аартуп Ҭырқәтәыла

"Сара Аԥсныҟа сымцацт, аха есқьынагьы сгәы иҭоуп. Издыруеит сыԥсадгьыл ахьынӡанаӡааӡо зехьынџьара ишыԥшӡарҭоу. Аха "Гагра" икурорттә қалақьуп, зегьы бзиа еицырбоит, ҳәа ансабжьарга, саргьы исҭаххеит, зыӡбахә хара ицахьоу аԥсуа қалақь ссир ахьӡ скаҳуажәырҭа иахысҵарц", — ҳәа азгәеиҭоит аԥшәма.

Аиҳан Цыхьычба - Sputnik Аҧсны
Аиҳан Цыхьычба (Цәыхьча): зегьы ҳаҭырла еизыҟазарц сҭахыуп

"Гагра" аҭааҩцәа ирыднагалоит хкы рацәала афатә ажәтә. Аха зегь раасҭа, асасцәа бзиа ибаны изыдҵаало ачашәи, ачаџьи, ачаҳаржәи роуп. Ахәыҟаҵаҩцәа ҷыдала аԥсуа чыс ҟаҵашьа ҭызҵааз роуп.

"Гагра" азааигәоуп, адунеи атәылақәа жәпакы рҟнытә, шәнызқьҩык инарзынаԥшуа аҵара ахьырҵо Сақариатәи ауниверситет. Уаҟа иҭоуп аԥсуаагьы. Онур Ԥалба иажәақәа рыла, арахь имҩахыҵуа еиҳараӡак астудентцәа роуп. Зыҩны гәхьаазго аԥсуа хәыҷқәагьы зыԥсадгьыл ацәа зхырбаало акаҳуажәырҭахь иааиуеит.

© Sputnik / Саида ЖибаАкаҳуажәырҭа «Гагра» аартуп Ҭырқәтәыла
Акаҳуажәырҭа «Гагра» аартуп Ҭырқәтәыла - Sputnik Аҧсны
Акаҳуажәырҭа «Гагра» аартуп Ҭырқәтәыла

"Аԥсуа хәыҷқәа арахь ианымҩахыҵуа ҳчыс иадҵаалоит. Егьырҭ амилаҭқәа ракәзаргьы, ачашә акы иаларҵом", — иҳәоит Онур.

Лиуҭфи Ажьиба - Sputnik Аҧсны
Лиуҭфи Ажьиба: ҩынтә сыԥсадгьыл алақҭа сҭаԥшырц иақәыскхьан

Ҳаргьы, мызкы аахижьҭеи Ҭырқәтәыла иҟоу, Гагра ақалақьынтәи иааз сҩыза Зарина Коӷониеи сареи акаҳуажәырҭа адҩылара анаҳба, еилаҳкааит акырӡа ҳақалақь шгәхьааҳгаз.

Убри аҟнытә ҳара ҳзы игәахәара духеит арахь амҩахыҵра.

Аԥсуа чаҳаржә аҵыбра аҭаны зынӡа ҳгәалаҟазаара шьҭнахит.

Аԥшәмеи ҳареи ҳанеиԥырҵуаз еибаҳҳәеит, иаарласны Аԥснытәи Гагра ҳшеиқәшәо!

Ажәабжьқәа зегьы
0