01:03 17 Абҵара 2019
Ишиашоу ицо аефир
  • USD63.89
  • EUR70.41
Урыстәыла ацхыраара ишаҳәҭоу ҳхы иаҳархәар ауп – Ҳаџьымба

Урыстәыла ацхыраара ишахәҭоу ҳхы иаҳархәар ауп – Ҳаџьымба

© Sputnik Томас Тхайцук
Аԥсны
Икьаҿу ахьарԥш аиура
Аԥсны Аҳәынҭқарреи Урыстәылатәи Афедерациеи рыбжьара Аиқәшаҳаҭра (23)
22 0 0

Ҭҟәарчал ауаажәлар рԥылараан Аԥсны ахада иҳәеит Урыстәыла иҟанаҵо ацхыраарала аиҭашьақәыргыларатә усқәа рымҩаԥгара ишрыцҵахо араионтә хәшәтәырҭеи ақалақьтә ӡымҩангагеи.

ҬҞӘАРЧАЛ, жәб 26 – Sputnik, Роберт Џьопуа. Аԥсны асоциал-економикатә ҭагылазаашьа аиӷьтәразы Урыстәыла иҟанаҵо ацхыраара хырҳага аманы ахархәара азутәуп, иҳәеит Аԥсны ахада Рауль Ҳаџьымба Ҭҟәарчал ауаажәлар рԥылараан аԥшьаша.

"Иаарышьҭуа аԥарақәа хаз игоу ачынуаа ирызкӡам, урҭ ажәлар зегьы иртәуп. Ҳара аҭагылазаашьа ҳаԥсахыр ауп – афинанстә цхыраара ишахәҭоу ахархәара аиуроуп", — иҳәеит Аԥсны ахада.

Ҳаџьымба иазгәеиҭеит, сынтәа Урыстәыла иҟанаҵо ацхыраара ахархәарала аиҭашьақәыргыларатә усқәа рымҩаԥгара ишрыцҵахо араионтә хәшәтәырҭеи  ақалақьтә ӡымҩангагеи.

Аиԥылараан Ҳаџьымба иҳәеит, хара имгакәа Ҭҟәарчал араион аҟны адоломит ахьамоу аҭыԥ аус адулара ишалаго.

"Адоломит ҳазқәаарыхуа ҳадгьыл иаҭахуп. Ари аминерал аҳәаанырцәгьы аахәара иазхиоуп", — ациҵеит Ҳаџьымба.

Аԥсны иҟоу азеиԥш ҭагылазаашьазы аҳәынҭқарра ахада инаҵшьны иазгәеиҭеит зныҭрыс ауадаҩрақәа зегьы рыӡбара шалымшо. Иара убас, уи еизаз агәра диргеит атәанчаҩцәа ироуа аԥара жәа-нызқь рҟынӡа ишацло. Ҳәарада, ауалафахәқәагьы ирыцҵахоит иҳәеит Ҳаџьымба.

Аҳәынҭқарра ахадеи Ҭҟәарчал ауаажәлари реиԥылара иалахәын араион ахада Аида Чачхалиа, Жәлар Реизара аиҳабы Валери Бганба, Ашәарҭадаратә Хеилак аиҳабы Муҳамад Кьылба, адепутатцәа.

Атемақәа:
Аԥсны Аҳәынҭқарреи Урыстәылатәи Афедерациеи рыбжьара Аиқәшаҳаҭра (23)

Ихадоу атемақәа