12:52 16 Ԥхынҷкәын 2019
Ишиашоу ицо аефир
  • USD62.77
  • EUR69.94
Премьер-министр РФ Д. Медведев принял участие в VI Петербургском международном юридическом форуме

Дмитри Медведев Валери Бганба адныҳәаларатә шәҟәы изааишьҭит

© Sputnik / Екатерина Штукина
Аԥсны
Икьаҿу ахьарԥш аиура
11 0 0

Аԥсны ахада Рауль Ҳаџьымба аҩаша, цәыббра 18 рзы аминистрцәа дыдирдырит аиҳабыра рхада ҿыц – Валери Рамшьыхә-иԥа Бганба. Валери Бганба Аԥсны Аԥыза-министрс дҟарҵеит Геннади Гагәылиа машәырла иҭахара ашьҭахь.

АҞӘА, цәыббра 19 — Sputnik. Урыстәыла аԥыза-министр Дмитри Медведев Валери Бганба идиныҳәалеит Аԥсны Аԥыза-министрс иҟалара ҳәа аанацҳауеит РИА Новости.

"Урыстәылеи Аԥсни агәылеимабзиаратәи, аиҩызаратәи, аилахәыратәи еизыҟазаашьақәа еидыркылоит. Агәра згоит аиҳабыра рганахь ала ахәаахәҭра-инвистициатәи, анаука-техникатәи, агуманитартәи еимадарақәа рҽышдырҭбаауа, апроект дуқәа реицымҩаԥгара ҳтәылақәа рыҩбагь ринтересқәа ишрықәшәо", — ҳәа аҳәоит адырраҭараҿы.

Уаанӡатәи Аԥсны аԥыза-министр Геннади Гагәылиа машәырла дҭахеит цәыббра 8 рзы.

Валери Бганба диит цәыббра 26 1953 шықәса рзы Гагра араион Бзыбь ақыҭаҿ. 1971 шықәса рзы Ҟәыбантәи ақыҭанхамҩатә институт дҭалеит, далгеит 1976 шықәса рзы.

1976 — 1978 шш. рзы – Чечено-Ингуштәи АССРасовхоз "Гардалинский" агроном.

1978-1979шш. – Гагратәи ақалақьтә исполком ақыҭанхамҩа аусбарҭа агроном.

1979ш. рзы – Гагратәи акомҿареидгыла ақалақьтә комитет аҩбатәи амаӡаныҟәгаҩ.

1982ш. рзы – Гагра КПСС ақалақьтә комитет ақыҭанхамҩа аҟәша аиҳабы.

1989ш. рзы – Гагра араион ақыҭанхамҩа аусбарҭа аиҳабы.

1991 — 1997 шш. рзы Валери Бганба — Аԥсны Апарламент адепутат.

1998ш. рзы– Гагра араион аизара ахантәаҩы.

2002 — 2006 шш. рзы – Гагра араион Ахада.

2007 — 2012 шш. рзы – Аԥсны Аҳәынҭқарра Апарламент адепутат.

2012 ш. рзы – Аԥсны Аҳәынҭқарра Апарламент аиҳабы.

2014 ш. рзы – Аԥсны Аҳәынҭқарра ахада инапынҵақәа неигӡон.

Ихадоу атемақәа