01:27 21 Жәабран 2019
Ишиашоу ицо аефир
  • USD65.86
  • EUR74.68

Егры аҳәаа аартуп, аха аҳақьымцәа уа ишыҟац иҟоуп

CC0
Аԥсны
Икьаҿу ахьарԥш аиура
23 0 0

Ажьырныҳәа 11 рзы Аԥсныи Қырҭтәылеи рҳәынҭқарратә ҳәаа Аԥсны ашәарҭадаратә маҵзура ианаркит, агәыларатә республикаҿы аимҳәаҿкы алаҵәара иахырҟьаны.

АҞӘА, жәабран 6 – Sputnik, Бадри Есиава. Аԥсныи Қырҭтәылеи рҳәынҭқарратә ҳәаа ахысразы иҟаз аԥкырақәа аԥыхуп аха аҳақьымцәа уаанӡеиԥш уа рус нарыгӡоит ҳәа Sputnik иазеиҭалҳәеит ареспублика асанитартә ҳақьым хада Лиудмила Скорик.

"Аԥсныи Қырҭтәылеи рҳәынҭқарратә ҳәаа ахысразы иҟаз аԥкырақәа аԥыхуп, аха аҳақьымцәа уаанӡеиԥш уа рус нарыгӡоит. Аҳәаа иахысуа ауаа ачымазара рыманы иҟазар, аҳақьымцәа иҭырҵаауеит. Аимҳәаҿкы рымоуп ҳәа агәаанагара роур, шьҭахьҟа идыргьыжьуеит", - ҳәа лҳәоит Скорик.

Аԥсныи Қырҭтәылеи рҳәынҭқарратә ҳәаа шаадыртыз атәы шьақәирӷәӷәеит Гал араион ахада ихаҭыԥуаҩ Асҭамыр Асланӡиа.

"Макьаназ аофициалтә зин сара исымбац. Аушьҭырҭатә ҭыԥ аҿы игылоу аҳәаахьчаҩцәа ирҳәеит ауаа роушьҭра ишалагаз. Асеиԥштәи аӡбара Гал араион ахадара рнапы ианым", - иҳәеит Асланӡиа.

Ажьырныҳәа 11 рзы Аԥсни Қырҭтәылеи рҳәынҭқарратә ҳәаа Аԥсны ашәарҭадаратә маҵзура ианаркит, агәыларатә республикаҿы аштамм H1N1 иатәу аимҳәаҿкы рылаҵәара иахҟьаны.

Ажьырныҳәа 29 2019 шықәса рзтәи астатистикатә дыррақәа рыла, Аԥсны быжьҩык ауаа аштамм H1N1 рымоуп ҳәа азгәаҭоуп.

Атема ала

Аԥыза-министр акарантин азы: аҳәаа ахысра дырԥсыҽыр алшоит

Ихадоу атемақәа